Хан-Уул дүүргийн 10 дугаар хороо Нисэхийн авто зам буюу “Пирамид” хотхоны урд талын  0.1 км авто замыг энэ сарын 02-ноос 05-ны өдрүүдэд түр хаажээ. Барилга хот, байгуулалтын яамны захиалгаар дулааны шугамын ажлыг “Сан” компани хийж гүйцэтгэх бөгөөд тус чиглэлд зорчих иргэд та бүхэн байршуулсан тэмдгийн дагуу түр замаар зорчихыг Тээврийн цагдаагийн албанаас зөвлөж байна.

Замын хөдөлгөөнд оролцож буй жолооч бусад замыг сонгон хөдөлгөөндөө анхаарал болгоомжтой оролцоно уу. Баянзүрх дүүрэг 26 дугаар хороо "Баянмонгол" хорооллын нүхэн гарц, зүүн талын ус зайлуулах шугам угсралтын ажлыг эхлүүлж байгаатай холбогдуулан наймдугаар сарын 01-нээс 03-ны өдрийг дуустал тус чиглэлийн замыг түр хаасан байна.

А.СҮРЭН