2019 оны наймдугаар сарын 4-ний шөнийн 01.00 цагаас наймдугаар сарын 5-ны өдрийн 06.00 цаг хүртэлх хугацаанд Барилга, хот байгуулалтын яамны захиалгаар “Буянт-Ухаа 2 хорооллын II ээлжийн 972 айлын орон сууцын 18 барилгын гадна инженерийн шугам сүлжээний, дэд бүтцийн ажил”-ын үргэлжлэл болох ф473мм хоолойн сувагчлал шинээр болон хуучин ф219мм шугам хоолойн буулгалтын ажлыг хийж гүйцэтгэхээр болжээ.

Дээрх хугацаанд тухайн авто замаар дайран өнгөрдөг нийтийн тээврийн үйлчилгээний ХО:9 “Био комбинат – Сонсголон – 5 шар”, ХО:7 “Туул тосгон – Био комбинат – 120 мянгат”, Ч:7 “Нисэх – МУБИС – Ард кинотеатр”, Ч:9 “Нисэх – Нарны гүүр – Тэнгис кинотеатр – Хүнсний 4 дэлгүүр”, Ч:15 “Нисэх – Сонсголон – 5шар – 3-р эмнэлэг” чиглэлүүдэд түр хугацаагаар өөрчлөлт орсон байна.

Дээрх ажилтай холбогдуулан 2019 оны наймдугаар сарын 04-ний өдөр  Ч:68 “Буянт-Ухаа 2 хороолол -Нисэх”, ШҮ:2 “Нисэх – МУБИС-Ард кинотеатр” чиглэлүүдэд нийтийн тээврийн үйлчилгээ түр зогсох ажээ. Нийтийн тээврийн үйлчилгээтэй холбоотой санал, хүсэлтийг тус газрын 70044040 дугаарын утсаар 24 цагийн турш хүлээн авч, шуурхай шийдвэрлэж буй юм.

Б.ЖАРГАЛ