Д.Цогтбаатар сайд АСЕАН-ы Бүсийн чуулга уулзалтад оролцов | News.MN

Д.Цогтбаатар сайд АСЕАН-ы Бүсийн чуулга уулзалтад оролцов

Д.Цогтбаатар сайд АСЕАН-ы Бүсийн чуулга уулзалтад оролцов

Д.Цогтбаатар сайд АСЕАН-ы Бүсийн чуулга уулзалтад оролцов

Гадаад харилцааны сайд Д.Цогтбаатар наймдугаар сарын 2-нд Тайланд улсын нийслэл Бангкок хотноо болж буй АСЕАН-ы Бүсийн чуулга уулзалт (АРФ)-ын Сайд нарын 26-р хуралдаанд оролцлоо.

Хуралдааны үеэр тэрээр бүс нутгийн болон олон улсын аюулгүй байдлын талаар Монгол Улсын баримталж буй байр суурь, авч хэрэгжүүлж буй үйл ажиллагааг танилцуулав. Үүний зэрэгцээ тус чуулга уулзалтын ирээдүйн чиг хандлагын талаар байр сууриа илэрхийлж үг хэлэв.

АСЕАН-ы Бүсийн чуулга уулзалт нь өнгөрсөн 20 гаруй жилийн хугацаанд Ази-Номхон далайн бүс нутагт аюулгүй байдал, батлан хамгаалахын хамтын ажиллагааг бэхжүүлэхэд чухал үүрэг гүйцэтгэсээр ирсэн юм. Эдүгээ бүс нутгийн улс төр, аюулгүй байдлын талаар хэлэлцдэг томоохон механизм болсныг онцлон тэмдэглэж, тус чуулга уулзалтын хүрээнд Зүүн хойд Азийн Гадаад хэргийн сайд нарын албан бус уулзалтыг зохион байгуулахыг санал болгов.

Мөн дэлхий нийтийн өмнө тулгарч буй уламжлалт бус аюул занал, сорилтыг даван туулахад залуучуудын оролцоо чухал болохыг дурдаж, залуучуудын оролцоог идэвхжүүлэх үүднээс манай улсаас дэвшүүлсэн санаачилгуудыг танилцуулав.

Чуулга уулзалтын хүрээнд Гадаад харилцааны сайд Д.Цогтбаатар БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И, Япон улсын Гадаад хэргийн сайд Таро Коно, БНЭУ-ын Гадаад хэргийн сайд Субраманяам Жайшанкар, Шинэ Зеланд Улсын Гадаад хэргийн сайд Винстон Питерс, ОХУ-ын Гадаад хэргийн орлогч сайд И.В.Моргулов нартай тус тус уулзаж, хоёр орны болон олон улсын харилцааны тулгамдсан асуудлуудаар санал солилцов.

Эх сурвалж: ГАДААД ХАРИЛЦААНЫ ЯАМ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

irgen 2019-08-03 202.126.88.148

sain ajillaj bna bayar hurgeye ee saidad

NewsMN Гар утасны хувилбар Татах
NEWS.mn

Мэдээллийн эх сурвалж