БНСУ-ын Гванжу хотноо болж буй Дэлхийн оюутны спортын “Универсиад” XXVIII наадамд оролцож буй манай эрэгтэй сагсчид өнөөдөр хэсгийн сүүлийн тоглолтоо Шведийн багтай хийлээ. Энэхүү тоглолт 72:54 онооны харьцаагаар Шведийн багийн хожлоор өндөрлөв. 

Ийнхүү "В” хэсэгт ОХУ, Швед, Канад, Монтенегро, Мексикийн багуудтай багтсан манай залуучуудын шигшээ баг хэсэгтээ хараахан хожил авч чадсангүй.

Тодруулбал:

• Монгол – Мексикт 71:90
• Монгол – Монтенегро 54:98
• Монгол – ОХУ 33:99
• Монгол – Канад 41:106
• Монгол-Швед 54:72 онооны харьцаагаар хожигдлоо. Энэ хэсгээс ОХУ, Канадын багууд шөвгийн наймд өрсөлдөх эрхийг авсан байна.

Одоо манай сагсчид маргаашаас 17-24-р байрын төлөө тоглох юм.

Ч.БОЛОР