Улсын хэмжээнд 300 мянган га талбай түймэрт өртжээ | News.MN

Улсын хэмжээнд 300 мянган га талбай түймэрт өртжээ

Улсын хэмжээнд 300 мянган га талбай түймэрт өртжээ

Улсын хэмжээнд 300 мянган га талбай түймэрт өртжээ

Улсын хэмжээнд өнгөрсөн сарын байдлаар нийслэл Улаанбаатар хот, Булган, Баян-Өлгий, Дорнод, Дорноговь, Дархан-Уул, Сэлэнгэ, Сүхбаатар, Төв, Увс, Хөвсгөл, Хэнтий аймгийн 43 суманд нийт 89 удаагийн ой, хээрийн гал түймэр гарчээ. Урьдчилсан байдлаар 49593.8 га ой, 250839.2 га хээрийн талбай, нийт 300433 га талбай түймэрт өртөж, 13 байшин, гурван гэр шатсан байна.

Түймрийн улмаас байгаль экологид 23.756.583.804 төгрөг, түймрийг унтраахад 449.663.142 төгрөгийн зардал гарч, нийт 24.206.246.946 төгрөгийн хохирол учирсан байна.

Өнгөрсөн долдугаар сарын 16-ны өдрийн байдлаар Сэлэнгэ аймгийн Ерөө суманд дөрөв, Мандал суманд нэг, Алтанбулаг суманд нэг, нийт зургаан түймэр асаж байв. Баяр амралтын өдрүүдээр тус аймагт нийтдээ долоон түймэр гарснаас нэгийг бүрэн унтраасан бөгөөд дээрх зургаан түймрийг унтраахаар Онцгой байдлын байгууллагаас 101 алба хаагч, 8 автомашин, орон нутгаас 56 иргэн, 4 автомашин, нийт 157 хүн, 12 техник хэрэгсэлтэй түймрийн голомтод ажиллажээ. Иймд:

Иргэд, малчид, тариаланчид, ой, хээрийн бүсэд зорчин явагсад:

-Автомашин техникийн бүрэн бүтэн байдалд хяналт тавих,

-Ил задгай гал түлэхгүй байх, асаасан гал, түүдэг, тамхи, шүдэнзний галыг сайтар унтраах,

-Гал асаагуурыг хээр, хөдөө ил задгай хаяхгүй байх,

-Насанд хүрээгүй хүүхдийг түймрийн аюултай үед ой, хээрт чүдэнз, асаагууртай явуулахгүй байх,

-Түймэр унтраах шаардлагатай багаж хэрэгслийг бэлдэж ой, хээрийн гал түймэр гарах эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Б.ЖАРГАЛ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-08-03 66.181.184.247

төр засгийн буруу үйл ажиллагаанаас болж ой шатаж байгаа. Маш их ой хамгаалагчийг ажилуулж эргүүл хийх ёстой.

Avatar

Зочин 2019-08-03 59.153.112.107

Ойн цэвэрлэгээ яаралтай хийхгүй бол тун удахгүй ойгүй болно шүү. Худлаа хамгаалсан нэртэй 30 жил болоход монголын бүх ой доройтолд орж асгасан шүдэнз шиг болсон нэг өдөр бүгд асахад унтрааж дийлэхгүй байхдаа.

Avatar

Зочин 2019-08-03 45.56.155.185

Iim bolgoomjgui haih bolokhguie

NewsMN Гар утасны хувилбар Татах
NEWS.mn

Мэдээллийн эх сурвалж