ОХУ-ын Прокурорын ерөнхий газраас хийсэн судалгаагаар иргэдийн дийлэнх нь авлигатай үр дүнтэй тэмцэж чадахгүй байна гэж үзлээ хэмээн Прокурорын ерөнхий газрын орлогч дарга Александр Буксман сэтгүүлчдэд мэдээллээ.

Түүний хэлснээр Прокурорын ерөнхий газар маш өргөн хүрээг хамарсан судалгааг хийсэн байна. Судалгаанд 38 мянган хүнийг хамруулжээ.

Хэдийгээр иргэдийн 80 хувь нь авлигын эсрэг төрөөс авч хэрэгжүүлж байгаа тэмцлийг дэмжиж байгаа ч үр дүнд сэтгэл хангалуун биш байгааг судалгаа харууллаа хэмээн тэр онцоллоо. Авлига нийгмийн бүхий давхаргад түгээмэл байгааг иргэд хэлсэн байна.

Эх сурвалж: РИА НОВОСТИ