Монголын найр наадам өргөн дэлгэр сайхан болдог. Ирсэн зочин гийчдийг юу байна түүгээрээ дайлж амар мэндийг асуун хуурч хөөрдөг.

Гэвч сайхан баярлаж найрласны дараа хувцас хунар бариад л жин нэмсэн байдаг.

Энэ үед жингээ барина гэдэг амаргүй даваа байх нь ойлгомжтой. Илчлэг ихтэй хоол идэхээс өөр аргагүй байдал олон ч тохиолдоно доо.

Хэтрүүлэн идэн жин нэмэхээс сэргийлэх хэдэн зөвлөгөөг хүргэе.

1. Ширээний ард удаан битгий суу. Гэдэс цатгалан байгаа ч ширээн дээрх амттангаас бага багаар өөрөө ч анзааралгүй маш ихийг идэх хандлагатай байдаг.
2. Хоолны хажуугаар согтууруулах төрлийн ундаа хэрэглэх нь хэтрүүлэн идэхэд хүргэдэг.
3. Ширээн дээрх олон төрлийн амттай хоолноос зөвхөн идмээр байгаагаа зохистой хэмжээгээр таваглан авах нь хэтрүүлэн идэхээс сэргийлнэ.
4. Хүмүүсийн нөлөөнд автан уралдан таваглан авч, түрүүлж идэх шаардлагагүй. Баярын ширээнд хоол хангалттай элбэг дэлгэр байна.