“Пушкаш академи”-ийг зорих залуу хөлбөмбөгчид тодорлоо

Хуучирсан мэдээ: 2019.08.01-нд нийтлэгдсэн

“Пушкаш академи”-ийг зорих залуу хөлбөмбөгчид тодорлоо

Монголын Хөлбөмбөгийн Холбоо, Унгарын Хөлбөмбөгийн Холбоотой хамтран “Пушкаш академи”-д дөрөв дэх жилдээ Монгол хүүхдүүдийг хичээллүүлэхэд бэлэн болоод байна.

Энэ удаад “Хараацай” клубийн 16 насны багийн тоглогчид болох Э.Саруулбуян, Г.Буяннэмэх нар “Пушкаш академи”-д суралцана. Сонгон шалгаруулалтыг МХБХ-ны Техникийн захирал Хатем Соусси, хүүхэд залуучуудын хөлбөмбөг хариуцсан мэргэжилтэн Растислав Бозик нар “МХБХ-ны элит академи”-ийн хүүхдүүдийн дунд явуулсан юм.

Өнөөдөр МХБХ-ны Ерөнхийлөгч А.Ганбаатар Э.Саруулбуян, Г.Буяннэмэх нарыг гэр бүлийн хамт хүлээн авч уулзан “Пушкаш академи”-д суралцах гэрээг байгуулж, сурлага хөдөлмөр, бэлтгэл сургуулилалтад нь амжилт хүсээ. Мөн төрүүлж өсгөсөн эцэг эх, хөлбөмбөг зааж сургасан багш сурган хүмүүжүүлэгч нарт нь талархал илэрхийлэв.

Э.Саруулбуян, Г.Буяннэмэх нар нь “Пушкаш академи”-ийг зорьж 9, 10 дахь хөлбөмбөгчид болж байна. 2016 онд Г.Ганбаяр, Б.Амгаланбат, О.Хантэнгэр, Д.Тэмүүлэн, 2017 онд А.Дөлгөөн, П.Ууганбаяр, 2018 онд Ж.Эрдэнэзолбоо, Б.Ган-Эрдэнэ гэсэн залуу хөлбөмбөгчид Унгарыг зорьж байлаа.

Эдгээр хөлбөмбөгчид одоо насныхаа шигшээ багт дуудагдаж, үндэсний дээд лиг, нэгдүгээр лиг гэх мэт МХБХ-ны “А” зэрэглэлийн тэмцээнүүдэд оролцож буй. Харин Г.Ганбаяр “Пушкаш академи”-тай мэргэжлийн гэрээ байгуулан тоглож байгааг хөлбөмбөг сонирхогч нар мэдэх билээ.

Хилийн чанадад эх орныхоо нэрийг гаргаж яваа залуу хөлбөмбөгчдөдөө амжилт хүсье.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж