Ерөнхийлөгч Х.Баттулга АНУ-д оршин сууж буй иргэдтэйгээ уулзаж, ярилцлаа | News.MN

Ерөнхийлөгч Х.Баттулга АНУ-д оршин сууж буй иргэдтэйгээ уулзаж, ярилцлаа

Ерөнхийлөгч Х.Баттулга АНУ-д оршин сууж буй иргэдтэйгээ уулзаж, ярилцлаа

АНУ-д айлчилж буй Монгол Улсын Ерөнхийлөгч Х.Баттулга өнөөдөр Вашингтон хот дахь Монгол Улсын Элчин сайдын яамны байранд тус улсад ажиллаж, амьдарч, суралцаж буй иргэдийнхээ төлөөлөлтэй уулзаж ярилцлаа.

Өнөөдрийн байдлаар 30 мянга гаруй монгол иргэн АНУ-ын 200 орчим хотод ажиллаж, амьдарч, суралцаж байгаагаас:

  • Зүүн эргийн Вашингтон хот орчимд 6000,
  • Төвийн бүсийн Чикаго хот орчимд 8000,
  • Баруун бүсийн Лос Анжелест 2000,
  • Сан Францискод 4000,
  • Сиатльд 1500 орчим иргэн амьдарч байна.

Мөн монгол иргэдийн үүсгэл, санаачилгын 58 холбоо, төрийн бус байгууллага АНУ-д үйл ажиллагаа явуулдаг аж.

Дээрх хотуудад амьдардаг монголчуудын төлөөлөл болон холбоо, төрийн бус байгууллагыг төлөөлөн ирсэн 180 орчим иргэн оролцлоо.

Уулзалтын эхэнд Монгол Улсын Ерөнхийлөгч Х.Баттулга “Та бүхэнд энэ өдрийн мэнд хүргэе. Монгол Улсын Ерөнхийлөгчийн тангараг өргөөд хоёр жил болж байна. Энэ хугацаанд хөрш хоёр орныхоо Төрийн тэргүүн нартай уулзаж албан гэрээ хэлэлцээрүүдийг хийсэн. Энэ удаад Ерөнхийлөгч Д.Трампын урилгаар АНУ-д айлчилж хоёр улсын харилцаа Стратегийн түншлэлийн түвшинд хүрснийг зарлалаа. Ингэснээр томоохон асуудлуудыг шийдэх боломжтой боллоо хэмээн харж байна. Энэ талаарх мэдээллийг тогтмол авч байгаа тул Америкт ажиллаж, амьдарч, суралцаж байгаа та бүхнийхээ санал, сэтгэгдлийг сонсоё” хэмээн уулзалтыг нээлээ.

Н.Энхтайван /Нью-Йорк/:

Би Нью-Йорк хотоос энэ уулзалтад зорьж ирлээ. Таныг өнөөдөр АНУ-ын Ерөнхийлөгч Доналд Трамптай уулзаж байхыг олон мэдээнээс харсан. Хоёр орны Ерөнхийлөгч нар чухал асуудлыг хэлэлцэж, Стратегийн түншлэлийн хэмжээнд хүрсэн байна. Мөн Монголын ноолуурыг АНУ-ын зах зээлд татваргүй оруулах хуулийн төслийг хэлэлцэж байгаа юм байна. Энэ төсөл ямар шатандаа яваа бол?

Ө.Энхжин /Вашингтон/: Оффшор данстай хүмүүст хэзээ зохих ёсны шийтгэл өгч, Монголдоо валютаа буцааж оруулах вэ? Би Сингапурт 5 жил, АНУ-д 3 жил амьдарч байна. Өөрийнхөө хэмжээнд хөдөлмөрлөөд Монгол руугаа валют оруулдаг. Гэвч миний оруулж буй валют оффшор данс руу орж, төгрөг цааснаас хямд боллоо хэмээн санаа зовж байна.

н.Батмөнх /Чикаго/:

Та өчигдөр Стратеги, олон улсын судалгааны төвд очиж Монгол-Хятадын харилцааны асуудлаар ярихдаа Монгол Улс жижиг улс биш гэж хэлсэнд бид бүхэн баяртай байгаа. Энэ дашрамд, Эрдэнэзуу, Амарбаясгалан хийд болон Ноён уулыг Төрийн хамгаалалтад авах хүсэлтээ уламжилж байна.

н.Цог /Вашингтон/:

Би хэдийгээр АНУ-д амьдарч байгаа ч үргэлж Монгол Улсынхаа талаарх мэдээ, мэдээллийг харж байдаг юм. Эрх баригчид улс орныхоо төлөө нэгэн үзүүрт сэтгэлээр зүтгэж, газрын доорх асар их баялгаа үр ашигтай зарцуулах шаардлагатай байна.

Н.Батзандан /Чикаго/: Монгол Улсын Ерөнхийлөгч Таныг АНУ-д түүхэн айлчлал хийж байгаад маш их баяртай байна. Би “Чикаго хотын Монгол төв”-ийг үүсгэн байгуулсан. Албан бус тоогоор Чикаго хотын эргэн тойронд 10 мянга орчим монгол иргэн амьдардаг. Тиймээс консулын хэлтэс жилдээ 1-2 удаа Чикаго хотод очдог юм. Ийм өндөр ачаалалтай байдаг тул бид сүүлийн таван жилд Чикаго хотод Консулын хэлтэс байгуулах санал гаргаад явж байгаа юм. Энэ асуудалд анхаарлаа хандуулж өгнө үү.

н.Аажим /Вашингтон/:

Өнөөдөр монгол хүмүүсийн хувьд их чухал зүйл болж байна. АНУ-тай Стратегийн түншлэлийн хэмжээнд ажиллана гэдэг агуулгын хувьд маш чухал зүйл. Таныг энд ирсэн дашрамд, хувийн чанартай хүсэлтээ уламжилъя. Манай охин 4 настайгаасаа эхлээд спортын гимнастикаар хичээллэсэн. Гэвч 1977 онд ашиглалтад орж, түүнээс хойш олон хүүхэд хичээллэж ирсэн спорт гимнастикийн ганцхан заалыг нь нураах гэж байгаа гэж сонсоод танд заалыг нь засаж, тохижуулах асуудалд анхаарал хандуулж өгөхийг хүсье.

П.Мөнхнаран /Вашингтон/:

Монгол Улсын Ерөнхийлөгч маань АНУ-ын Ерөнхийлөгчтэй түүхэн уулзалт хийсэнд баяртай байгаа. Би энд сургуулиа төгсөөд гурван жил ажиллаж байна. Миний найзууд АНУ-д ажиллаж, амьдрах гоё байна уу гэж асуудаг. Гэвч, бодит байдал дээрээ тийм биш. Тиймээс залуусыг Монголдоо мэргэжлээрээ ажиллах боломж бий болгож, Төрөөс бодлогоор дэмжих хэрэгтэй болов уу гэж бодож байна” зэргээр иргэд асуулт асууж, санал бодлоо хуваалцлаа.

Оффшор дансны асуудлаар Монгол Улсын Ерөнхийлөгч Х.Баттулга хариулт өгөхдөө оффшор дахь мөнгийг Монгол Улсад оруулж ирэхээр тууштай ажиллаж, энэ байр суурин дээрээ бат зогсож байгаа гэдгээ илэрхийлсэн юм.

Харин хүн бүрийн бухимдлыг төрүүлж буй олон асуудлын суурь нь тэгш бус байдал, баян хоосны зааг ялгаа нэмэгдэж байгаа явдал хэмээн тодорхойлж, энэ байдлыг өөрчлөхийн тулд ажлын байрыг нэмэгдүүлж, аж үйлдвэржилтийг сэргээхийг зорьж байгаа гэлээ.

Төрийн тэргүүн энэ хүрээнд санал, бодлоо чөлөөтэй хуваалцаж, мөн уулзалтад оролцсон УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Оюунхорол, УИХ-ын гишүүн З.Нарантуяа, Монгол Улсаас АНУ-д суугаа Онц бөгөөд Бүрэн эрх Элчин сайд Ё.Отгонбаяр нар бусад асуудлаар иргэдийн асуултад хариулт өглөө.

Эх сурвалж: www.president.mn

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2019-08-01 202.9.45.0

Америкт амьдарч буй нөхөд хэнд ч хэрэггүй явцуу асуулт асуужээ. Уул нь бид ингэж Монголдоо хөрөнгө оруулалт хийнэ. Бидэнтэй хамтран ажиллах боломж ийм байна гэж ярьсан бол өгөөжтэй байх юм шиг санагдлаа.

Avatar

Монгол Улсын Ерөнхийлөгч Х.Баттулгын АНУ-д хийж байгаа айлчлал амжилттай үргэлжилж байна. 2019-08-01 130.149.80.199

Гэсэн хэдий ч айчлалын хүрээнд 2019 оны 7 -р сарын 30-ны өдөр Вашингтон хот дахь Стратеги, ОУ судалгааны төвд зочлох үеэр ГХЯ-ыхан ноцтой алдаа гаргаж, МУ-ын нэрийг сэвтүүлсэн хэрэг гарчээ. Уг арга хэмжээний үеэр синхрон орчуулга хийхээр томилогдсон орчуулагч ажилдаа ирээгүйгээс айлчлалын бүрэлдэхүүнд орж явсан ЕТГ-ын ажилтан, Колумбын Их Сургуулийн магистр Г.Түвшинзаяад гэнэтийн үүрэг өгч орчуулга хийлгэхээр болсон байна. Синхрон орчуулга нь бэлтгэлгүй гэнэтийн нөхцөлд маш эрсдэлтэй зүйл бөгөө

Avatar

бөгөөд урьдчилсан сайтар бэлтгэх, судлах ёстой, асар их туршлага шаардсан ажил юм. 2019-08-01 130.149.80.199

Бэлтгэлгүй хүн гэнэтийн даалгавар авч орчуулга хийх үед сандрах, алдах явдал гарсан бөгөөд энэ нь цэвэр ГХ-ны сайд Д.Цогтбаатарын ажлын хариуцлага юм. Өмнө нь 2019 оны намар, Владивостокт болсон Дорнын эдийн засгийн чуулганы үеэр ГХ-ны яамнаас томилж явуулсан синхрон орчуулагч ээрч, мууран түгдчиж гацсан нь хойд хөршийн хэвлэл мэдээллээр багагүй шүүмжлэл дагуулж байжээ. АНУ-д суугаа Онц бөгөөд Бүрэн эрх Элчин сайд Ё.Отгонбаярыг айлчлалын зохион байгуулалтыг сайн хангасан гэж дүгнэж байгаа нь

Avatar

Зочин 2019-08-01 130.149.80.199

-дүгнэж байгаа нь яаруу хэрэг бололтой. Гадаад харилцааны яаманд сахилга хариуцлага гэж зүйл байхгүй болсноос удаа дараа улсынхаа нэр нүүрийг түлсэн хэргүүд цувран гарсаар байгаа юм. Дипломат албаныхан хар тамхи тээвэрлсэн хэргүүд бол хариуцлагын зудын хамгийн том жишээ билээ.

Avatar

Зочин 2019-08-01 202.126.88.133

Харин ч гайгүй агуулгатай асуултууд асууж. Баярыг ЕС байхад ийм уулзалтан дээр нэг нөхөр Улаанбаатарт америкийн монголчуудад тусд нь орчин ажлын байр, хороолол бэлдэж өгвөл бид очлоо гэдэг байгаа. Баяр хариугий нь ангайтал өгч билээ.

Avatar

Зочин 2019-08-01 130.149.80.199

ангайтал яаж өгсийн мэдэхгүйм байна

Avatar

Зочин 2019-08-01 64.119.21.139

Энэ отгонбаяр ичдэггүй юм байх даа. Бөөн хэрэг мандуулаад хэлэх үггүй гацаад байсан хүн энэ том улсад элчин сайд хийгээд байж байх гэж. Төр авилгач,луйварчдын толгойг илсээр байгаа цагт монгол хөгжихгүй шүү дээ

Avatar

Зочин 2019-08-01 43.242.242.59

Монгол улсыг монгол хүн л хөгжүүлнэ. Монголдоо ирж аав, ээж хамаатан садан, найз нөхдийнхөө дунд амьдарсан нь Монгол хүн болсны үүрэг юм. Үр удам чинь монгол л байх ёстйог ойлгох хэрэгтэй байна

Avatar

Зочин 2019-08-01 203.91.114.244

эх орондоо ирж сурсан мэдсэнээ хэрэгжүүлнэ үү.

NewsMN Гар утасны хувилбар Татах
NEWS.mn

Мэдээллийн эх сурвалж