АНУ-ын Калифорнийн коллежийн хоёр профессор АНУ-Мексикийн хилийн дагуух хананд хилийн хоёр талд байгаа хүүхдүүдэд хоорондоо тоглож наадах боломжийг олгосон дүүжин тоглоом хийж өгсөн байна.

Профессор Рональд Раэл, Виржиниа Сан Фрателло нарын санаачилсан уг тоглоом нь хэдий хананы хоёр талд тусгаарлагдан өөр өөр улсад амьдарч байгаа ч хамтдаа тоглон хөгжилдөх, адилхан хүний ёсоор бие биеэ ойлгох боломжийг олгож байгаад дүрвэгчдийн сууринд амьдарч буй хүмүүс талархаж байгаагаа илэрхийлжээ.

Тэд “Teeter-Toller Wall” хэмээн нэрлэсэн энэхүү санаагаа анх 2009 онд бодож олж байсан бөгөөд өөрсдийн номондоо уг санаагаа дүрслэн бичсэн нь ийнхүү бодит ажил болоход нь нөлөөлсөн байна.

АНУ-ын Ерөнхийлөгч Дональд Трамп дүрвэгчдийн асуудалд маш хатуу чиг шугам баримталдаг нэгэн билээ. Түүний сонгуулийн гол амлалтуудад АНУ-Мексикийн хил дагуу дүрвэгчид орохоос сэргийлсэн хана барих асуудал багтсан. Өнгөрсөн долоо хоногт Конгрессоос хана барихад зориулж 2,5 тэрбум ам.долларыг төсөвлөх шийдвэр гарснаар АНУ өмнөд хилийнхээ дагуу 375 км тусгаарлах хана барих нөхцөл бүрдсэн.

Эх сурвалж: NBC NEWS