Хоол хүргэгчдийн 30 хувь нь захиалгын хоолноос амсдаг | News.MN

Хоол хүргэгчдийн 30 хувь нь захиалгын хоолноос амсдаг

Хуучирсан мэдээ: 2019.07.31-нд нийтлэгдсэн

Хоол хүргэгчдийн 30 хувь нь захиалгын хоолноос амсдаг

Хоол хүргэгчдийн 30 хувь нь захиалгын хоолноос амсдаг

Хамар цоргисон үнэртэй сайхан хоолноос татгалзах хэцүү. Гэхдээ хоол хүргэдэг хүмүүсийн зарим нь таны захиалсан хоолноос амсчихдаг гэвэл та итгэх үү.

АНУ-ын нийтийн хоолны үйлчилгээний томоохон компани "US Foods" саяхан хоол хүргэлтийн аппликэйшнүүдийн хэрэглэгчид, ажилчдын дунд сонирхолтой судалгаа явуулжээ. Судалгаанд тус улсад хамгийн өргөн хэрэглэгддэг "Uber Eats", "Grubhub", "DoorDash", "Postmates" хоол хүргэлтийн аппликэйшнүүдийн 18-77 насны 1,500 гаруй хэрэглэгч, 500 орчим хүргэгчийг хамруулсан байна. Судалгааны үр дүн харин хэрэглэгчдийн хувьд тийм ч эерэг байсангүй.

Нийт судалгаанд оролцсон хоол хүргэгчдийн 54 хувь нь ямар нэг байдлаар “хоолны үнэрт татагдаж, идэх дур хүсэл төрдөг” гэж хариулсан бол 30 орчим хувь нь захиалагчдад хүргэж байгаа хоолноос тэвчилгүй “амсчихдаг”-аа хүлээн зөвшөөрчээ.

Харин үйлчлүүлэгчдийн 21 хувь өөрийнх нь захиалсан хоолноос их бага хэмжээгээр идсэнд сэжиглэдэг гэсэн хариулт өгсөн байна. Нийт үйлчлүүлэгчдийн 85 хувь нь ресторанууд хүргэлтийн хоолныхоо сав, баглаа боодолд ямар нэг лац тэмдэг тавьж, замаас нь хумслахаас сэргийлэх хэрэгтэй гэж үзэж байгаагаа илэрхийлсэн байна.

Мөн дээрх асуудлаас гадна энэхүү судалгаагаар үйлчлүүлэгчид хоол хүргэгчдийн талаар хэд хэдэн гомдол мэдүүлсэн байна. Тухайлбал, үйлчлүүлэгчдийн 34 хувь нь хүргэлтийн ажилтнууд захиалсан хоолыг нь гэрт нь оруулж өгдөггүй, машиныхаа цонхоор өгчхөөд явдаг, 17 хувь нь гэрийнх нь гадна үлдээгээд явсан байдаг гэх зэргээр гомдолложээ.

Харин хүргэлтийн ажилтнуудын зүгээс үйлчлүүлэгчдийн 60 хувь нь гарын мөнгө өгдөггүй эсвэл бага өгдөг, 52 хувь нь хоолоо хүргэх гэхээр ресторанууд үйлчлүүлэгчдийн захиалсан хоолыг бэлэн байлгадаггүй хүлээлгэдэг, 34 хувь нь хэрэглэгчид санал гомдлоо цахим шуудангаар, мессежээр ирүүлэх хэрэгтэй, 21 хувь нь хүргэлтийн ажилтнууд хоол хүргэхдээ нисээд л хаалган дээр нь ирчихдэг юм шиг төсөөлдөг хэмээн хариулсан байна.

Хоол хүргэлтийн үйлчилгээ нь ийм олон асуудалтай байдаг ч АНУ-д энэ үйлчилгээ түгээмэл байдаг. Дундаж амьдралтай америк хүний гар утсанд дор хаяж хоёр хоол хүргэлтийн аппликэйшн байдаг ба сардаа дунджаар гурван удаа хоол захиалж иддэг ажээ.

Эх сурвалж:PEOPLE, BUSINESS INSIDER

 

Энэ мэдээнд өгөх таны сэтгэгдэл?
5
БурууБуруу
2
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-31 64.119.21.106

Тэр хүргэгчид амсуулахаар жоохныг илүү хийчиж болдоггүй юм бхда. Хүн л юм чинь удаан түгжирч явахдаа ходоод нь ажиллаж л таараа. Цатгалан юмуу хоолны дуршил багатай хүмүүс ч яахав. Хоолны үнэрт ходоод хоосон ажиллаад ходоодны шархтай болдог гэсэн. Тэр хүн өвчлөхгүйн тулд биенийхээ шаардаж бгааг биелүүлж л бна. Тэвчиж явдаг хүмүүс нь ходоодны шархтай болох эрсдэлтэй. Үгүй бол авсан багахан цалингаасаа илүү их мөнгөөр эмчилгээнд орох болно.

Avatar

Зочин 2019-07-31 202.131.254.50

Манайх шиг Хеликобактери, В,С вирустай улс хүргэлтийн хоолоо лацдаж явуулмаар юм байнаа. Сэжиг хүрчихлээ.

Avatar

Зочин 2019-07-31 49.0.212.126

Хеликобактери, В,С вирус, тэрч бүү хэл сүрьеэтэй дээр нь бас тэмбүүтэй юу

NewsMN Гар утасны хувилбар Татах
NEWS.mn

Мэдээллийн эх сурвалж