Нийслэлийн Газар зохион байгуулалтын албанаас өнөөдөр /2019.07.31/ зохион байгуулахаар товлоод байсан газар эзэмших, ашиглах эрхийн нээлттэй дуудлага худалдааг цуцалсан байна. Дуудлага худалдаагаар танхимын болон цахим хэлбэрээр 14 байршилд газрын дуудлага худалдааг  зохион байгуулж ажилласан ч оролцох хүсэлт ирээгүй тул тодорхойгүй хугацаагаар хойшлогджээ.

Энэ удаагийн дуудлага худалдаа цуцлагдсан ч дараагийн ээлжинд дахин дуудлага худалдааг зарлах болно. Хуулийн дагуу сарын өмнөөс дахин дуудлага худалдааг зарладаг. Дуудлага худалдаагаар худалдаалах Сонгинохайрхан, Налайх, Багахангай дүүрэгт байрлах газруудын хувьд инженерийн шугам сүлжээ холбогдоогүй, зөвхөн цахилгаан холбогдсон газрууд байсан аж.

Б.ЦЭЦЭГ