2019 он гарсаар ам.доллар ханш тогтмол өсөлттэй байгаа билээ. Энэ нь дотоодын улс төрийн бодлоготой холбоотой гэдгийг эдийн засагчид онцолж буй. Нөгөө талаар ам.долларын ханшийг тогтворжуулах талаар эрх баригчид томоохон бодлого явуулаагүй гэсэн дүгнэлтийг ч хийж байгаа. "Найман шарга" зах дээр нэг ам.доллар 2670 төгрөгтэй тэнцээд байна.  Сургууль цэцэрлэг орох ойртох тусам ам.долларын ханш чангардаг талтай. Ямартай ч гадаадын хөрөнгө оруулалт тэг зогссон нь ам.долларын ханшид сөргөөр нөлөөлж, үндэсний мөнгөн тэмдэгт төгрөгийн ханш унах шалтгаан болоод байгаа юм.