Долдугаар сарын 25-ны өдөр Төв аймагт бага насны хүүхэд нас барсан тухай дуудлага мэдээлэл цагдаагийн байгууллагад бүртгэгджээ. Цагдаагийн ерөнхий газраас мэдээлж буйгаар, хүүгийн эцэг эх есөн настай ахад нь "Дүүгээ харж байгаарай" гэж захиад, сумын төв рүү явсан хойно ийм харамсалтай хэрэг гарсан байна.

Зарим эх сурвалжийн мэдээлснээр, 10 сартай хүүг аав, ээж нь гэрийн хананаасаа уяад, сумын төв рүү бензин авахаар явсан бөгөөд эргээд ирэхэд нь бага хүү нь уяандаа боогдож нас барсан байжээ.

Эл хэргийг аймгийн цагдаагийн газраас шалгаж буй бөгөөд эцэг эхчүүдэд бага насны хүүхдэдээ хараа хяналтаа сайн тавих шаардлагатайг сэрэмжлүүллээ.

Б.ЦЭЦЭГ