"Ерөнхийлөгч байгалийн баялгийг Үндсэн хуулийн хямрал руу оруулах нь" | News.MN

"Ерөнхийлөгч байгалийн баялгийг Үндсэн хуулийн хямрал руу оруулах нь"

"Ерөнхийлөгч байгалийн баялгийг Үндсэн хуулийн хямрал руу оруулах нь"

"Ерөнхийлөгч байгалийн баялгийг Үндсэн хуулийн хямрал руу оруулах нь"

Монгол Улсын Ерөнхийлөгч Х.Баттулгын өргөн мэдүүлсэн Монгол Улсын Үндсэн хуульд оруулах нэмэлт, өөрчлөлтийн төсөл, саналыг УИХ-аар хэлэлцэгдэж байгаа УИХ-ын нэр бүхий 62 гишүүний өргөн мэдүүлсэн төсөлтэй уялдуулах зорилготой хэлэлцүүлэг сүүлийн өдрөө Үндсэн хуульд нэмэлт, өөрчлөлтийн төслийн, санал дахь байгалийн баялаг, эдийн засгийн бусад асуудлаар үргэлжилж байна.

Хуулийн төслийн нэмэлт, өөрчлөлтөөр Монгол Улс цаашид байгалийн баялгаа хэрхэн зохистой ашиглаж, тэгш хүртээмж бий болгох вэ гэдгийг тодорхой болгохыг зорьж буй. Монголын иргэн бүр байгалийн баялгийн орлогоос хүртэх учиртай ч өнгөрсөн 27 жилийн талцал, хуваагдал байгалийн баялгийн шударга бус хуваарилалт гэдгийг олон нийт, улстөрчид ярьж, хэлсээр ирсэн. Нийгмийн нэг хэсгийг хөрөнгөжүүлж, нөгөө хэсгийг ядууруулсан байгалийн баялгийн тэгш бус хүртээмжийг Үндсэн хуулийн нэмэлт, өөрчлөлтөөр засаж чадах уу гэдэг нь анхаарал татаж байгаа юм.

УИХ-ын гишүүн Д.Лүндээжанцан нарын 62 гишүүний өргөн барьсан хуулийн төслийн 6.2. "Монгол Улсын иргэдэд өмчлүүлснээс бусад газар, түүнчлэн газрын хэвлий, түүний баялаг, ой, усны нөөц, ан амьтан төрийн өмч мөн. Төрөөс байгалийн баялгийг ашиглахдаа тэгш байдал, шударга ёс, үндэсний эдийн засгийн аюулгүй байдал, тогтвортой хөгжлийг хангах зарчмыг баримтална" гэж нэмэлт санал оруулсан.

Харин Монгол Улсын  Ерөнхийлөгчийн өргөн барьсан төсөлд "Байгалийн баялаг ард түмний мэдэлд байх зарчмыг бэхжүүлэх, хүртээмжтэй, тэгш шударга нөхцөлөөр ашиглах" гэсэн саналыг тусгасан. Тодруулбал, хуулийн төслийн 6.2."Монгол Улсын иргэдэд өмчлүүлснээс бусад газар, түүнчлэн газрын хэвлий, түүний баялаг, ой, усны нөөц, ан амьтан нь нийтийн өмч мөн.Байгалийн баялгийг ашиглахдаа тэгш байдал, шударга ёс, үндэсний аюулгүй байдал, тогтвортой хөгжлийг хангах зарчим баримтална” гэж өөрчлөлт оруулжээ.

Дээрх хоёр хуулийн төсөлд талууд харилцан адилгүй байр суурь илэрхийлж байгаа юм. Тухайлбал, нэг хэсэг нь байгалийн баялаг төрийн өмч гэдгийг нийтийн өмч гэж өөрчлөх нь зөв гэж Ерөнхийлөгчийн саналыг дэмжиж байгаа бол зарим нь үгүйсгэж, төрийн өмчид хамааруулах нь зөв хэмээн үзэж байгаагаа хэлэлцүүлгийн үеэр хэлж байлаа.

Тухайлбал, Шинжлэх ухааны гавьяат зүтгэлтэн, хууль зүйн шинжлэх ухааны доктор, профессор Н.Лүндэндорж “1992 оны Үндсэн хуулийн 6.2-т Монгол Улсын иргэдэд өмчлүүлснээс бусад газар, түүнчлэн газрын хэвлий, түүний баялаг, ой, усны нөөц, ан амьтан төрийн өмч мөн гэж яагаад тусгасан бэ гэвэл тухайн үед төр гэдгийг ард түмэн гэж ойлгодог байсантай холбоотой. Харин одоо бол төр гэдгийг ард түмэн гэж ойлгохоо болчихсон.

Ард түмнээс ямар нэгэн аргаар эрх мэдэл шилжүүлж авсан хэсэг бүлэг хүнийг төр гэж ойлгодог болсон. Тийм учраас байгалийн баялаг төрийн өмч байна гэж оруулах нь тэр хэсэг бүлэг хүний өмч болох учраас нийтийн өмч мөн гэж оруулж ирсэн Ерөнхийлөгчийн саналыг дэмжиж байна. Гэхдээ нийтийн өмч гэж заачхаад зохицуулалтыг нь тусгахгүй бол цааш явахгүй. Бусад улс орнуудад нийтийн өмчийг хэрхэн захиран зарцуулахыг тусгай хуулиар хуулиар зохицуулдаг. Манайд ийм хууль байхгүй учир Ерөнхийлөгчийн саналыг амьдруулахын тулд  Нийтийн өмчийг эзэмших, ашиглах, захиран зарцуулах журмыг тусгай хуулиар зохицуулна гэж тусгах нь зохистой” гэсэн юм.

Ерөнхийлөгчийн саналд “Онцгой ач холбогдол бүхий газрын хэвлийн баялгийг төр хамтран ашиглах тохиолдолд гарах зардлыг хөрөнгө оруулагч хариуцах бөгөөд татварын дараах ашгийн тавин нэгээс доошгүй хувь нь Монгол Улсын төрд ногдоно” гэсэн заалттай салбарын сайд нь санал нийлэхгүй байгаагаа илэрхийлэв.

Тэрбээр энэ тухай хэлэхдээ “Би гаднын Элчин сайдуудтай энэ асуудлаар ярилцсан. Үндсэн хуулийнхаа суурь үзэл санаа, зарчмыг хөндөхгүйгээр захиргааны болон хүний эрхтэй холбоотой ч юм уу, шүүх засаглалтай холбоотой зүйлүүдээ тухайн үед нь шийдэж явсан жишээг ярьсан. Эдийн засагтай холбоотой асуудлыг муж, орон нутгийнхаа тухайлсан хуулиар зохицуулж явдаг. Энэ  асуудал нь өдөр тутам, цаг тутам өөрчлөгдөж байдаг учраас тэр бүр Үндсэн хуулиа өөрчлөх нь утгагүй зүйл гэдгийг хэлж байгаа" гэдгийг онцлов.

УУХҮ-ИЙН САЙД Д.СУМЪЯАБАЗАР: БАЙГАЛИЙН БАЯЛАГТАЙ ХОЛБООТОЙ ҮНДСЭН ХУУЛИЙН ХЯМРАЛ РУУ ОРОХ ВИЙ

Байгалийн баялгийг үр ашигтай ашиглаж, хойч үеийнхээ сайн сайханд зориулах цогц зүйл юм. Өнгөрсөн хугацаанд гарсан алдаа оноо бий. Энэ салбарт тулгамдаж байгаа, сайжруулах асуудал бий. Үүнийг Үндсэн хуульд зохицуулах гэж оролдох нь байгалийн баялагтай холбоотой Үндсэн хуулийн хямрал руу орох вий. Үндсэн хуульд дахь 6:2 дахь заалт сайн зохицуулалт. Монгол Улсын хөгжлийн замд тохирсон заалт мөнөөс мөн.

Монгол Улсын эдийн засаг уул уурхай дээрээ суурилж байгаа гэдэг нь ойлгомжтой. Нийт хөрөнгө оруулалт энэ салбар руу түлхүү орж ирдэг. Зөвхөн Оюутолгой төслөөр жишээ авахад, энэ төсөл сайн, муу хэлэгдээд явж байгаа. Засч сайжруулах зүйл бий. Хөрөнгө оруулагч талтай ширээний ард суугаад Дубайн буюу далд уурхайн санхүүжилт бүтээн байгуулалтын төлөвлөгөөг сайжруулах, Улаанбаатар гэдэг юм уу бодлогын бичиг баримт гаргах ёстой гэдэг байр суурьтай байна.

Оюутолгойн бүтээн байгуулалтын ажил 2013 оноос эхэлсэн цагаас хойш улс орон нутгийн төсвөөр дамжуулж, 2.4 тэрбум ам.долларын санхүүжилтийг татвараар дамжуулан Монгол Улс авсан. Мөн шууд болон шууд бусаар 45 мянган ажлын байр, үүний ард хэчнээн хүний амьдрал байгаа билээ. 800 гаруй аж ахуйн нэгжүүд ханган нийлүүлэлт хийж байна. Оюутолгойд 10 гаруй тэрбум ам.долларын хөрөнгө оруулалт орчихсон. Дэлхийн нэр хүндтэй 17 банк санхүүжүүлж зээл өгсөн. Тиймээс Монгол Улсын язгуур эрх ашгийг бодолцож, зөв алхмууд хийж урагшаа явах ёстой” гэлээ.

УИХ-ЫН ГИШҮҮН Н.ОЮУНДАРЬ “Ерөнхийлөгч хуулийн төсөлдөө Монгол Улсын иргэдэд өмчлүүлснээс бусад газар, түүнчлэн газрын хэвлий, түүний баялаг, ой, усны нөөц, ан амьтан нь нийтийн өмч мөн  гэж оруулж ирсэн өөрчлөлтэй би санал нэгдэж байна. Хоёрдугаарт, Монголбанктай холбоотой санал нь хэдийгээр зөв боловч Үндсэн хуулийн хөндөгдөөгүй зүйл, заалтад өөрчлөлт оруулах боломжгүй учраас саналыг нь тусгах боломжгүй" гэв.

ЕТГ-ЫН ДАРГА З.ЭНХБОЛД Ерөнхийлөгчийн төслийг танилцуулахдаа “Монгол Улсын иргэдэд өмчлүүлснээс бусад газар, ай сав төрийн өмч гэдгийг нийтийн өмч мөн. Байгалийн баялгийг ашиглахдаа үндэсний аюулгүй байдал, тэгш байдлыг хангана. Оюутолгойн гэрээг хийгээд алдагдалд орно гэж бодоогүй. Цаашид УИХ Оюутолгой шиг баялгийг төрийн өмч мөн гэж үзээд, гэрээ хийх эрхгүй болж байгаа юм. Байгалийн баялаг төрийн өмч гэдгийг нийтийн өмч гэж байна” гэдгийг танилцуулгадаа онцолсон.

БНН-ЫН ДАРГА Б.ЖАРГАЛСАЙХАН: ГАЗРЫГ НИЙТИЙН ӨМЧ  БОЛГОВОЛ ЭЗЭНГҮЙ БОЛЖ, ДУРААРАА АВИРЛАЦГААНА  

Хуулийн төслийн өөрчлөлтийг хийхдээ үг, үсгийн араас хөөцөлдөх нь сайн зүйл биш. Нийтийн өмчийн менежментийг явуулахын тулд төр удирдан зохион байгуулж, менежментийг нь авч яваа. Тэгэхээр газрыг төрийн өмчид хамааруулах нь зөв гэж үзэж байна. Хэрэв нийтийн өмч болгочихвол хэн менежментийг нь явуулах вэ, эзэнгүй болно. Миний газар, төр хамаагүй гээд л дураараа авирлана гэсэн үг. Тийм учраас "Төр төмбөгөр, ёс ёмбогор" байсан нь дээр. Харин төрд хариуцлагатай хүмүүс нь орж ажилламаар байна.

 МАХН-ЫН ДЭД ДАРГА С.ГАНБААТАР: ЭЗЭНГҮЙ ӨМЧИЙГ Л  ХУЛГАЙЛДАГ 

Төрд гарсан гэмт бүлэглэлүүдээс ард иргэдийг яаж хамгаалах вэ гэдэг нь Үндсэн хуулийн туйлын зорилго. Адууны хулгайчаас ард иргэдийг хамгаална гэдэг бол Эрүүгийн хууль. Харин төрд гарсан эрх мэдэлтнүүд гэмт хэрэг хийвэл ард иргэдийг хамгаалахын тулд Үндсэн хууль байна. Өнгөрсөн 27 жил төрд гарсан гэмт бүлэглэлүүдийн үймээн самуун, дээрмийн жилүүд боллоо. Оюутолгой, Тавантолгой, Салхитын орд, Эрдэнэт үйлдвэр зэргийг нэрлэж болно.

Үндсэн хуулийг яах гэж өөрчлөх гээд байна вэ гэдэгтээ эхлээд дүгнэлт хийх хэрэгтэй. Төрд гарсан гэмт бүлэглэлүүдээс ард түмнийг хамгаалахын тулд Үндсэн хуульд нэмэлт, өөрчлөлт оруулж байна гэдгээ сана. Хоёрдугаарт, энэ гэмт бүлэглэлүүдийн хамгийн том нь дээрмийн үйл ажиллагаа явуулдаг хэрэгсэл, үүр уурхай нь уул уурхайн баялаг буюу лицензийн наймаа. Эзэнгүй өмчийг л хүн хулгайлдаг болохоос эзэнтэй өмчийг хулгайлдаггүй юм. Тиймээс байгалийн баялгийг эзэмших эзнийг нь тодорхой болго.

Газрын хэвлий, уул уурхайн баялгийг иргэдийн дундын өмч мөн гэж хуулийн нэмэлт өөрчлөлтөд тодорхой тусгах хэрэгтэй. Тэгж чадвал маргаашаас нь эхлэн Оюутолгой, Тавантолгой, Эрдэнэт үйлдвэрийн асуудлаар улстөрчид талцаж, бүлэглэлүүд зодолдохгүй болж, ард иргэдийн санал асуулгаар асуудал шийдэгддэг болно.

УУХҮ-ИЙН САЙДЫН ЗӨВЛӨХ М.ДАГВА: ЕРӨНХИЙЛӨГЧ САЛБАР ХУУЛИУДААР ЗОХИЦУУЛАГДАХ АСУУДЛЫГ ҮНДСЭН ХУУЛЬД ЧИРЧ АВЧРАХ НЬ МАШ ТОМ ЭРСДЭЛ ДАГУУЛНА 

1992 оны Үндсэн хуулийн 6.2-т “Монгол Улсын иргэдэд өмчлүүлснээс бусад газар, түүнчлэн газрын хэвлий, түүний баялаг, ой, усны нөөц, ан амьтан төрийн өмч мөн” гэсэн нь сайн заалт. Дэлхийн маш орны Үндсэн хуульд нь энэ заалт байдаг. УИХ-ын нэр бүхий 62 гишүүний өргөн барьсан хуулийн төсөлд дээрх заалтыг тодотгоод “Төрөөс байгалийн баялгийг ашиглахдаа тэгш байдал, шударга ёс, үндэсний эдийн засгийн аюулгүй байдал, тогтвортой хөгжлийг хангах зарчмыг баримтална” гэж оруулж байгаа.

Ерөнхийлөгчийн саналд тусгагдсан байгалийн баялгийг тэгж хүртээмжтэй ашиглахтай холбоотой мөн уул уурхайтай холбоотой хөрөнгө оруулалт хийсэн тохиолдолд  ямар зарчим баримтлах уу гэх мэт заалтыг тусгасан байна лээ. Эдгээр заалтыг салбар хуулиудаар зохицуулах боломжтой атал Үндсэн хуульд чирч авчирч наах нь маш том эрсдэл дагуулна. Монгол Улс өнөөдөр ганц том орд тойрсон хэрүүлээс сургамж аваад алдааг нь засах гэж оролдож байгаа бол түүнийг Засгийн газрын түвшинд, УИХ-ын тогтоолоор, эсвэл салбар хуулиудаар засаад явах нь зүйн хэрэг. Гэтэл үүнийг Ерөнхийлөгч Үндсэн хуульд тусгах гэж байгаа нь ирээдүйд байгалийн баялагтай холбоотой Үндсэн хуулийн хямрал руу орохыг үгүйсгэхгүй. Байгалийн баялагтай холбоотой одоогийн Үндсэн хуулийн 6.2 дахь заалт сайн заалт.

Үндсэн хуульд оруулах нэмэлт, өөрчлөлтийн төсөл, санал дахь Байгалийн баялаг, эдийн засгийн бусад асуудал бөгөөд хэлэлцүүлэгт 38 судлаач, 24 төрийн бус байгууллага, 12 улс төрийн нам болон төрийн байгууллагууд нийлсэн 150 орчим төлөөлөгч оролцож байна.

"Болор дуран"-аар шалгав.
Энэ мэдээнд өгөх таны сэтгэгдэл?
4
ТэнэглэлТэнэглэл
2
ХахаХаха
1
ХөөрхөнХөөрхөн
0
ЗөвЗөв
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

33 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Gad 2019-07-26 202.126.89.27

Ene Yarmagiin gazar khenii omch yum be? Toriinkh? niitiinkh? Ali ni yum be?yamar khymyys ni ochood khashij avaad baishin bariad zaraad bnaa? Batbayar gdg Sumo chini kheden Zuun ga gaar ni avaad zaraad bariad suuj bna?! Nomin bas kheden 100?! Ezengyi yum bol arduud bas ochood geree barij bolno bizdee! Manai Yarmagiin Aguu Eronkhii yu bodoj bna?

Avatar

нийтийн жорлон 2019-07-26 192.160.102.169

Нийтийн жорлонгийн тухай хууль гаргах гээд байгаа юм уу даа. Нийтийн юм угаас хог н**ш болдог.

Avatar

Амар 2019-07-26 202.179.26.78

Үгүй мөн сайхан туух юм аа.Наад 6.2-оос чинь болоод баян ядуугийн ялгаа үүсэж Үндсэн хуулийн хямрал болчихсон учраас өөрчлөлт оруулж төр гэх хэдхэн хүнээс ард түмэнд өмчийг нь буцааж өгөх гэж байгаа биз дээ. Үгүй юм уу?Айн.

Avatar

zochin 2019-07-26 66.181.184.201

Ард түмний дундын өмч болгох нь ард иргэдийн эрх ашиг шийдвэрт тодорхой тусдаг болгохын төлөө шүү дээ.

Avatar

Amar 2019-07-26 202.179.26.78

Нийтийн жорлон гэж байдаг болохоос нийтийн өмч гэж байхгүй.Зүгээр л ард түмний дундын өмч гэж нэрлээч.Харин Сумъяабазар чи манай сайд юм уу.Гадныхны сайд юм уу? Хөлдүү толгой минь.

Avatar

Зочин 2019-07-26 203.91.115.41

Sumya mongol hunii toloo ajlaa hiij chadahgui bol yu hiij ene alban tushaald baih yum be huviinha bankind ajlaa hii.

Avatar

Zochin 2019-07-26 64.119.20.8

Uul uurhain salbariig Symyeabazraas salgaj avangyi bol bolhoo bailaa shyy ajil heregch durtei teneg mangyy hyn Ovorhangai Bat Olzii Hyjirtiin nutag altnii uurhai ne Orhon goliig l*** shavar saaral bolgoj bna Irged mine hotoos garaad sudlaad yzeech

Avatar

Zochin 2019-07-26 64.119.20.8

Symyeabazar Dagvaforjiin Altnii uurhai Orhon goliig ulaanaar ne ergyylj bna Orhon gol hudulguuniihen yasan be heden tufrug avaad amaa uduulsen uu .Eh orondoo hairtai gazar shoroo uhahgyi geed h*****d baisan Dagvadorj undur haruul hsmgaalalttai munsag bna lee Altnii uurhai ne Mongoliin bayelagiig heden erh medeltenii gart orj duuslaa

Avatar

ЗОЧИН 2019-07-26 202.9.43.63

ЭЗЭНГҮЙ ЮМЫГ ХУЛГАЙЛСАН ХАМГИЙН ТОД ЖИШЭЭ БОЛ үйлдвэрчний эвлэлийн гаражийн газарыг фэнгшү ганбаатар солонгосуудад зарсан явдал юм өчнөөн орон сууц барьсан тэр оронсууцуудыг хэн эзэмшиж байгааг фэнгшүүгээс одоо асуух хэрэгтэй

Avatar

СУДЛААЧ ИРГЭН 2019-07-26 202.9.43.63

НИЙТИЙН ӨМЧ БУЮУ КОММУН ГЭГЧИЙГ ОРОС МОНГОЛ ХОЁР ГУЧААНД ОНД БАЙГУУЛЖ ХӨДӨӨ АЖ АХЙУГАА БҮРЭН ДАМПУУРУУЛЖ БАЙЫСАН ГАШУУН ТУРШЛАГА БИЙШҮҮ ОДОО ТЭХЭЭР ГАЗРЫН БАЯЛАГИЙГ ХЭДЭХЭН ОВЖИН НӨХДҮҮД
УЛС ТӨРЧИД НИЙЛЭЭД БҮГДИЙГ НЬ ГАДНЫХАНД ЗАРЧИХАД ХЭНЭЭС Ч ХАРИУЦЛАГА НЭХЭЖ ЧАДАХГҮЙ ЮМ БАЙНА ЯАГААД ГЭВЭЛ ЗАРСАН НӨХДҮҮД ӨӨРСДИЙГӨӨ НИЙГМИЙН ТӨЛӨӨЛӨЛ МӨН ГЭЖ Л ГҮРИЙНЭ ЭЗЭНГҮЙ ЮМЫГ ХУЛГАЙЛАХ АМАРХАН ГЭЖ ЖАГАА ЗӨВ ХЭЛЛЭЭ ТӨРЧ ГЭЖ БАЙХ ХЭРЭГГҮЙ БОЛОХ НЬ БАЙНАШҮҮДЭЭ ХЙҮ НЭГДЭЛИЙН НИЙГЭМ Д ОЧИХ ЮМУУ

Avatar

Ner 2019-07-26 89.14.141.240

62 gishuudiin 6.2 -t oruulsan nemelt huuliin uurchlult ni tsaasan deer l baihaas , unendee heregjih bolomjgui huuli ym bishuu
Neg l saihan ard tumnii umch, gechiheeed deeruur dooguuraa hisaad l

Avatar

Зочин 2019-07-26 47.19.80.18

This is all very appalling.

Avatar

мгл 2019-07-26 122.201.24.129

бох барилдахаас оор мэдлэггуй мудак гадныхнаас очиж асуугаад том том яриад байдгаа боль,угаасаа иимэрхуу мудакуудаа хэлэлцуулгээс хасах хэрэгтэй.манан мафыг тор гэж хардаг болсон оноо уед ард тумнии мэдэлд байлгахгуй бол газрын баялаг,тусгаар тогтнолыг маань хэдэн шуналын бирдууд алга болгох нь

Avatar

Zochin 2019-07-26 66.181.161.55

Er ni bol baigaliin baylagiig ashiglah tal deer AFRICIIN ornuudaas l doloon dor gereeg gadniihantai hiigeed baigaa um daa. Estoi hen ni gadnii gar hul bolj yavdagiig endees l haragdaj baigaa um. Ter TV geer ye ye garaad baidag Gadnii baiguullagiin zuvluh hiideg ediin zasagch geed DorjHand nertei zaluu bainga l Gadniihanii erh ashigiig turuund ni tavij yariad baigaa um daa.

Avatar

Зочин 2019-07-26 122.201.22.45

Сонгогчдод хэн нь хэн бэ гэдгийг мэдэх сайхан боломж тохиож байна даа. Сонсоод уншаад ажиглаад л байгаарай та минь!

Avatar

нийтийн гудамж 2019-07-26 109.70.100.24

Үхэр Монголчуудаа хаана байгаа газраа гэрээсээ гараад нийтийн өмч талбай, гудамж, цэцэрлэг, зүлэг, модоо харчих даа нийтийн өмчид Монголчууд тэгж ханддаг улс. Нэг үгээр Монголын байгалийн баялагыг хятадуудад нийтийн болгож зарах гэж байна. Ямар ч төрийн энэ тэр хууль үйлчилэхгүй болгоно гэсэн үг.

Avatar

Зочин 2019-07-26 66.181.181.119

Мунхаг

Avatar

Зочин 2019-07-26 103.26.195.180

Гэмт хэргийн, эдийн засгийн, улс төрийн бүлэглүүдээс бүрдсэн УИХ яаж Үндсэн хуульд өөрчлөлт оруулж чадах юм. УИХ-ын ажлын хэсэгт байгаа нөхдүүдийн нэлээд нь улс төрчдийн хөл гар бологсод. ЖДҮ сангийн зээл, Гадаад зээл тусламжийн хөрөнгө, улсад байгаа бүх том хөрөнгө, санд гараа дүрсэн нөхдүүд ашиг сонирхолоо урдаа барьж иргэдийн төлөө юм хийж чадахгүй гэдгийг бүгд ойлгож байгаа гэдэгт найдаж байна УИХ-д байгаа, байсан нөхдүүдийн офшорт байгаа хөрөнгийн хэмжээ одоо хүртэл ил болоогүй байна.

Avatar

Зайлцгаа 2019-07-26 150.129.141.254

Халуун зунаар юун хулгай луйвар хийгээд байна Найр наадам руугаа тонилцгоовол таарна

Avatar

Зочин 2019-07-26 202.126.88.141

Ерөнхийлөгчийн зөв.Тэр бөх гадны б**с долоогч

Avatar

dfd 2019-07-26 99.241.37.76

sumyabuzar bolon ternii zuvluh nertei l***r odoo erunhilegchiig shuumjleh hen umbee sdakuud. estoi shaan biz. hol ochij hucaarai muu Riogiin buunii nohoinuud min.

Avatar

Зочин 2019-07-26 112.72.15.78

Газар нийтийн өмч гэж үндсэн хуульдаа тодорхойлдог улс хаан ч байхгүй. Сайн муу ч төр бай "төрийн өмч"- л байх хэрэгтэй

Avatar

Зочин 2019-07-26 202.131.242.254

Нэгэнт нийтийн өмч юм бол хэн дуртай нь Налайхад очиж цооног гаргаж болно. Багануурт очиж хүссэнээрээ нүүрс ачиж авч болно. Туулын карьераас элс, хайргаа ачиж болно. Ноён уулд очиж алтны цооног ухаж болно. Үнэт чулуу түүж болно. Учир нь төрийн өмч биш. Нийтийн өмч. Хүн нэг бүр нийтийн нэг хэсэг мөн. Хүн бүрийн өмч. Ямар нэг төрийн байгууллага үүнийг хязгаарлах эрх байхгүй. Учир нь Үндсэн хуульд нийтийн буюу миний, чиний өмч гэж заасан. Төрийнх бол биш. Төрийн байгууллагуудад падлий ч байхгүй.

Avatar

Зочин 2019-07-26 104.162.237.244

Тэнэг амьтан бэ. Мэдээж энэ бүхнийг дагалдах хуулиар зохицуулна. Өндөр хөгжилтэй орнуудын жишиг бн

Avatar

зочин 2019-07-26 66.181.181.119

тийм юм болохгүйг мэдэж байгаа ч албаар олон түмнийг үймүүлэх санаа чинь бүтэхгүй

Avatar

Зочин 2019-07-26 202.131.242.254

Нийтээрээ нинжа болж, хаа дуртай газраа ухаж тонох боломжтой болох нь дээ. Цагдаа хүрээд ирвэл шинэ Үндсэн хуулиа бариад л зогсож байна даа. 100 нинжа нийлж "НИЙТ" болж болно. Би очоод 101 дэх нь болж болно. Хэн ч очиж "НИЙТ"-ийн нэг хэсэг болж болно. Маргаан үүсвэл "НИЙТ-ээрээ нийлж Үндсэн хуулийн шүүхэд өргөдөл бичнэ. Мэдээж шүүх хуулиа дагаж "НИЙТ" нинжа нараар ухуулна. Төрийн өмч гэвэл арай өөр. Алт, зэс, нүүрс рүү нийтээрээ дайрна даа.

Avatar

Зочин 2019-07-26 104.162.237.244

Энэ ухаантай харагдах гээд шил зүүчихсэн тэнэг бөх гадныхны захиалгаар естой нэг баллаж бнаа. Тэнэг юм болохоор нь хүмүүс тоож ач холбогдол өгөхгүй юм, их хортой ажиллаж бхад нь.

Avatar

Зочин 2019-07-26 104.162.237.244

Энэ их хурлын гишүүд гэгч хулгайчуудын гөлийсөн царайг хардаа, таминь! ийм ухааны хомсдолтой юмнууд үндсэн хуулийг сэгэлж, бидний хувь заяагаар тоглож бн гэж боддоо!!!!

Avatar

Иргэн 2019-07-26 66.181.182.136

Халуун зунаар ард түмэн амарч байх үед хуудуутай төсөл шахахаа боливол яасан юм бэ??? Иймээс бүх нам эвслийн төлөөлөл оролцсон төслийг ард түмэнээр хэлэлцүүлж байж шийдвэр гаргуулна шүү МАН-ын 60 тэрбум ЖДҮ-чид батлахгүй шүү

Avatar

Төрийн албаны ахмад ажилтан Ш.Раднаа: СУДЛАХ ХЭРЭГТЭЙ ДЭЭ. 2019-07-26 64.119.19.164

Монголд НИЙТИЙН ӨМЧийн тухай ойлголт бараг байхгүй. Яагаад гэвэл ийм төрлийн өмч гээд хуульчлаад практикт хэрэгждэг нийгмийн харилцаа үгүй.Common ownership, Puplic ownership, State ownership зэргийг сайн судлах хэрэгтэй байх шүү.Мөн OWNERSHIP-ийн тухай яриад байна уу, PROPERTY-ийн тухай яриад байна уу. АРД ТҮМНИЙ ӨМЧ, НИЙТИЙН ӨМЧ гэхээр чихэнд сайхан сонсогдож байвч цаад агуулгыг нь ойлголгүй Үндсэн хуульд тусгаж хэрхэвч болохгүй.

Avatar

Мгэ 2019-07-26 192.82.66.244

Болдоо гэж хүнд.
Нийтийн өмч, төрийн өмч – чинь 2 өөр ухагдахуун. Лүндэндоржийн хэлдэг бас зөв байна. Нийтийн өмчийг зохицуулах хуультай байх ёстой. Гэхдээ тэр хууль чинь priority-раа Үндсэн хуулиа давахгүй.
Хоёрдугаарт нийтийн өмч төрийн өмч гэдэг ухагдахуунаа концепцийн түвшинд салгаж ойлгодог болох хэрэгтэй.
Нийтийн өмч гэдэг ойлголгол манай эрх зүйн философид байхгүй.

Avatar

болдоо 2019-07-26 202.126.88.236

газрыг төрийн биш нийтийн болгох нь зөв гэдэг нь ямар ч тэнэг хүнд ойлгомжтой ш дээ …. үүн дээр маргаад байх шаардлагагүй ….

Avatar

Зочин 2019-07-26 103.57.92.165

neg ger bul 3say ton nuurs zarj ashig oldog baij bolohgui huraaj 3say irgenii medeld og

NewsMN Гар утасны хувилбар Татах
NEWS.mn

Мэдээллийн эх сурвалж