Америкийн "Newsweek" сэтгүүл энэ долоо хоногийн дугаарын гол сэдвээ ОХУ-ын Ерөнхийлөгч Владимир Путинд зориулжээ.

"Путин 2020, тэр манай сонгуульд “оролцож”, бидний ардчиллыг нураахад бид саад хийж чадах болов уу” хэмээн хавтсан дээрээ бичжээ.

АНУ-ын тусгай прокурор Роберт Мюллер 2019 оны дөрөвдүгээр сард АНУ-ын Ерөнхийлөгчийн 2016 оны сонгуульд ОХУ хөндлөнгөөс нөлөөлсөн эсэхийг шалгасан шалгалтын дүнг танилцуулсан. Уг шалгалтаар оросууд сонгуулийн дүнд олон нийтийн сүлжээ ашиглаж, мөн хакердах замаар нөлөөлсөн гэсэн дүгнэлт хийснээ танилцуулсан билээ.