БНСУ-ын Гванжу хотноо дэлхийн оюутны спортын “Универсиад” XXVIII наадам үргэлжилж байна. Тус наадмын сагсан бөмбөгийн тэмцээнд манай залуучуудын шигшээ баг оролцож байгаа бөгөөд өнөөдөр хэсгийн гурав дахь тоглолтоо өмнөх Универсиадын аварга ОХУ-ын багтай хийлээ. Энэхүү тоглолт 99:33 онооны харьцаагаар хойд хөршийн хожлоор өндөрлөв.

Манай сагсчид В” хэсэгт ОХУ, Швед, Канад, Монтенегро, Мексикийн багуудтай багтсан билээ. Одоогоор залуучуудын шигшээ баг гурван тоглолт хийсэн ч хараахан хожил аваагүй байна. Тодруулбал, Мексикт 71:90, Монтенегрот 54:98, ОХУ-д 33:99 онооны харьцаагаар хожигдсон юм. Сагсчдын хувьд маргааш тоглолтгүй өнжинө. Харин лхагва гаригт Канад, баасан гаригт Шведийн багтай тоглох хуваарьтай.

Ч.БОЛОР