Их Юань улсын хаан Хубилайн мэндэлсний 800 жилийн ой энэ онд тохиож байгаа. Ойд зориулан Монголын зоос цуглуулагчдын холбооноос санаачлан шинжлэх ухааны академи, Монголбанктай хамтран Хубилай хааны дурсгалын мөнгөн зоосыг гаргалаа. Энэхүү зоос нь 10 мянган төгрөгийн нэрлэсэн үнэтэй. 925 сорьцтой , 38 мм-ийн хэмжээтэй, 25 гр жинтэй, өнгөт зурагтай аж. Монгол Улс анх 1971 онд дурсгалын мөнгөн зоосыг гаргаж байсан. Харин Өмнө нь Монголбанкнаас “Чингис хаан”, “Өгөөдэй хаан” гэсэн алтан зоос гаргаж байжээ. Цаашид Монголбанкнаас 37 их хаадын цуглуулга бүхий мөнгөн зоосыг цувралаар гаргахаар төлөвлөсөн байна.

А.БАТ