УЛААНБААТАР ХОТЫН ЦАГ АГААР

Үүлэрхэг. Бороо орно. Салхи зүүн хойноос секундэд 7-12 метр.  Шөнөдөө 12-14 градус, өдөртөө 18-20 градус дулаан байна.

ӨНӨӨДӨР БОЛОХ ҮЙЛ ЯВДАЛ

08.30

• “Синдура Мед” эмнэлэгт Монгол, Төвд үе  нугалмын хөдөлгөөнт гар заслын аргаар нуруу нугаламын суулт гажгийг засах анхдугаар сургалт эхэлнэ.

09.00

• Парламентын ардчиллыг төлөвшүүлж, ард түмний засаглах эрхийг хангахтай холбоотой нэмэлт, өөрчлөлтийн талаарх хэлэлцүүлэг Төрийн ордны “Жанжин Д.Сүхбаатар” танхимд болно.
• МҮЭ-ийн холбоо, Японы Олон Улсын Хөдөлмөрийн сан хамтран “Хөдөлмөр удирдлагын тогтолцоог боловсронгуй болгох нь” сэдэвт сургалтыг долдугаар сарын 22-23-нд тус холбооны төв байранд зохион байгуулж байна. Холбоо барих утас: 99027019
• ХААХҮЯ-нд Монгол Улс,  БНХАУ-ын ноолуур боловсруулах үйлдвэр, компаниудын удирдлагуудын “Харилцан ашигтай хамтын ажиллагааг өргөжүүлэх нь” хамтарсан IV форум болно.

10.00

• Б.Хурц нарын шүүх хурал Төв аймгийн Эрүүгийн хэргийн анхан шатны шүүхэд болно.

• Нийслэлийн Хэвлэл мэдээллийн төвд Хотын Стандарт, орчны аюулгүй байдлын хяналт зохицуулалтын газраас Орчны аюулгүй байдал, дүрэм журам зөрчсөн иргэд ААН-үүдийн талаар мэдээлэл хийнэ.
• Спортын төв ордонд Пара пауэрлифтингийн ДАШТ-ээс алтан медаль хүртэж, дэлхийн дээд амжилт шинэчилсэн Гавьяат тамирчин Э.Содномпилжээ мэдээлэл хийнэ.

• Нийслэлийн Хэвлэл мэдээллийн төвд нийслэлийн Замын хөдөлгөөн төлөвлөлт, зохицуулалт, инженерчлэлийн газраас Улаанбаатар хотын замын хөдөлгөөнийг гурван бүсчлэлд хуваах асуудлаар хэвлэлийн бага хурал зарлалаа.