НОСК “Но”-той юу? | News.MN
НОСК “Но”-той юу?

Иргэдийн дунд багагүй хүлээлт үүсгээд буй түрээсийн орон сууцны цахим бүртгэл өчигдөр /2019.07.22/ 17.00 цагаас эхэллээ. Гэтэл цахим бүртгэл нь эхлээгүй байхад ханш тогтоож, “Түрээсийн орон сууцанд найдвартай оруулж өгнө”, “Түрээсийн орон сууцанд бүртгүүлэх хүсэлтэй 100 гаруй иргэнээс их хэмжээний мөнгө цуглуулсан” гэх мэдээлэл чих дэлсэж, сошиал орчинд цацагдах болов. Энэ нь эргээд иргэдийн итгэл үнэмшил, их хүлээлтэд эргэлзээ үүсгэх болжээ.

Үнэндээ энэ хөтөлбөр байранд орох хүсэлтэй ч урьдчилгаа төлбөр дээрээ гацчихаад байгаа гэр хорооллын иргэдийн хувьд том боломж. Бага дунд орлоготой иргэдэд тоолоод өгөх бэлэн мөнгө ховор. Тиймээс тэдэнд байрны 30 хувийн урьдчилгаа нь хамгийн том давааны нэг. Тэгэхээр хүмүүсийн байранд орох найдвар нь одоогоор НОСК болоод байгаа юм. Нийгэмд хүлээлт ч их байна.

НОСК-ИЙН АЖИЛТАН ЗАЛИЛАН ХИЙСЭН БОЛ ХАРИУЦЛАГА ТООЦНО

Зарим иргэд “Түрээсийн орон сууц жирийн иргэдэд хүртэх нь юу л бол. Ямар ч байсан азаа үзээд бүртгүүлээд үзнэ” гэж ярихтай ч таарлаа. Нийслэлийн Орон сууцны корпорацийн захирал Б.Сүхбаатар мэдээлэл хийх үеэрээ “Түрээсийн орон сууцны цахим бүртгэлд ямар ч арын хаалга байхгүй” гэж хэлсэн.

Тэрбээр “Сошиалд цахим бүртгэлтэй холбоотой худал мэдээллүүд ихээр цацагдаж байна. Өнөөдрийн байдлаар “Буянт-Ухаа 2” 972 айлын орон сууцанд нэг ч айл эрхээ аваагүй, байрандаа ороогүй байгааг албан ёсоор мэдэгдье. Манай байгууллагын хувьд зөвхөн бүртгэлийн ажлыг зохион байгуулна. Үүний дараагаар Орон сууцны комисс болон нийслэлийн Засаг даргын дэргэд Орон сууцны зөвлөл гэж бий. Эдгээр байгууллага сонгон шалгаруулалтыг хариуцан ажиллаж, давхар хуулийн байгууллага хяналт тавьж ажиллана.

Багш, эмч, сэтгүүлчдэд квот өгөх үү гэж их асууж байгаа. Ямар ч байгууллага, мэргэжилтнүүдэд квот, арын хаалга байхгүй. Зөвхөн нийслэл хотын гэр хороололд амьдарч байгаа иргэд хамрагдах боломжтой. “Нийслэлийн Орон сууцны корпорацийн нэрийг барьж, иргэд нэлээд залилан хийсэн гэдэг мэдээллийг хүлээн авсан. Хэрвээ манай ажилтан тийм үйлдэл гаргасан нь хуулийн байгууллагаар тогтоовол хариуцлага тооцно” гэдэг хариултыг өгч байсан юм.

“Өнөөдрийн байдлаар нийслэлийн Орон сууцны корпорацийн ажилтнуудтай хамааралтай өргөдөл, гомдол ирээгүй байна. Хэрвээ манай ажилтан залилан хийсэн бол хууль хяналтын байгууллага шалгана шүү дээ. Энэ бол огт үндэслэлгүй, гүтгэж, нэр хүндэд нь халдах гэсэн худал мэдээлэл. Сошиалаар цацагдаад байгаа “Түрээсийн орон сууцны цахим бүртгэлд зургаа, долоон сая төгрөгөөр бүртгэнэ” гэдэг зарыг би өөрөө ч уншсан. Гэхдээ тэр мэдээллийг бичсэн хүн нь тодорхойгүй, зураггүй, хуурамч хаягаас хандсан байсан. Иргэд өнөөдөр тийм хүнтэй нүүр тулж уулзаад үнэхээр мөнгөөрөө хохирсон бол хуулийн байгууллагад хандах хэрэгтэй. Манай ажилтнууд залилан хийсэн нотолгоо байгаа бол надад ирээд мэдээлээч ээ. Дахин хэлэхэд нийслэлийн Орон сууцны корпорациас түрээсийн орон сууцны бүртгэлийг зохион байгуулж байгаа. Бид энэ удаагийн түрээсийн орон сууцны цахим бүртгэлийг шударга хийхийг зорьж байна. Дараа дараагийн олон ажлыг хийх учраас эхлэлийг нь зөв тавихыг хичээж байна” гэдгийг тус корпорацийн дэд захирал С.Дорждэрэм дарга хэлсэн юм.

ТҮРЭЭСЛЭЭД ӨМЧЛӨХ БАЙРНЫ НЭГ АМ.МЕТРИЙН ҮНЭ 1.450.000 ТӨГРӨГ

Иргэдэд таван жилээр түрээсийн орон сууцны түрээслээд өмчлүүлэх хэлбэрийн байрны нэг ам.метрийн үнэ 1.450 мянган төгрөг. Энэ бол бол Хөгжлийн банкнаас нийслэлийн Орон сууцны корпорациас шилжиж ирж байгаа үнэ гэдгийг албаныхан хэлж байв. Харин энгийн түрээсийн хамгийн доод үнэ бол 137 мянга 550-411 мянган төгрөгийн үнэтэй. Энэ үнэ нь байрныхаа ам.метрээс шалтгаалж байгаа. Байраа түрээслээд өмчлөх хүсэлтэй иргэдийн урьдчилгаа төлбөрөөсөө хамаарч, 30 хувиа төлсөн иргэд хамгийн багадаа 284 мянган төгрөг төлөх бол хамгийн ихдээ 1.600 мянган төгрөг хүртэл хэлбэлзэж байна. Тэгэхээр өөрсдийн амьдрах хүсэлтэй байрныхаа ам.метрийн хэмжээнээс хамаарч, сард төлөх түрээсийн төлбөрөө гаргаж, байраа сонгох боломжтой.

ХОЁР, ГУРВАН ӨРӨӨ БАЙРАНД ЗӨВХӨН ГЭР ХОРООЛЛЫН ИРГЭД ХАМРАГДАНА

Түрээсийн орон сууцанд хамрагдах хүсэлтэй иргэд 68.56 ам.метртэй гурван өрөө, 39.30 ам.метртэй хоёр өрөө, 49.23 ам.метртэй хоёр өрөө байрнаас сонголтоо хийх гэнэ. Ингэхдээ журамд заасны дагуу найман төрлийн ангилал нэгд нь хамрагдан цахим бүртгэлд бүртгүүлнэ гэдгийг мэргэжилтнүүд хэллээ. Мөн ахмад настан тэтгэврийн зээлтэй ч түрээсийн төлбөр төлөх боломжтой бол түрээсийн орон сууцанд хамрагдана. Хэрвээ зээлтэй, үлдсэн тэтгэврийн мөнгө нь түрээсийн төлбөр төлж хүрэхгүй бол хамрагдах боломжгүй гэдгийг албаныхан тайлбарлалаа.

А.СҮРЭН

"Болор дуран"-аар шалгав.
Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-07-23 175.223.39.22

Ene tegeed ih sonin zarchim yvagdaad baigaam .ger horoollin ailuud geed .ene chinb tsaanaa gazrig nb baritsaalaad bna .zeelin hugatsaandaabairni munguu tulj chadahgvi bol yun gazartai mantai oroh orongvi gudamjind ur zeeltei garahim bna

Avatar

Зочин 2019-07-23 112.72.11.104

Мунхаг иргэд ээ, төр энэ үйлдлээрээ барилга, байрны түрээсийн зах зээлийг 2 дахь удаагаа самрах гэж байгааг ойлгож байна уу? Өнөөдөр хямдхан юм шиг байранд орох яах вэ. Маргааш биш юм гэхэд хэдхэн жилийн дараа улсаараа дампуурах болбол яах вэ? Сэлж яваа хүмүүс дунд ганцхан завь байлаа гэж бодоход бүгд зэрэг дайраад завиа хөмрүүлсэн нь дээрүү эсвэл завин дээр цөөхөн хүн үлдээд завьнаасаа дэмжүүлэн усыг гаталсан нь дээр үү?

Avatar

Зочин 2019-07-23 66.181.161.26

Энгийн түрээсийн төлбөр нь 255450-453000 нэмэх нь хэрэглээний бусад зардал нэмэгдэнэ. Барилгын сайдын баталсан 1м2-ын түрээсийн үнэ 6500 төг шүү дээ. 5 жилд худалдан авах боо хамгийн багадаа 285000 төг төлнө гдг бас л худлаа. Хамгийн багадаа 665 000 төгрөг нэмээд хэрэглээний зардлаа төлнө. Үүнийг төлдөг эмзэг бүлгийн хүн байх уу ???????? Хамгийн багадаа шүү

Avatar

Зочин 2019-07-23 66.181.161.26

Энгийн түрээсийн төлбөр нь 255450-453000 нэмэх нь хэрэглээний бусад зардал нэмэгдэнэ. Барилгын сайдын баталсан 1м2-ын түрээсийн үнэ 6500 төг шүү дээ. 5 жилд худалдан авах бол хамгийн багадаа 285000 төг төлнө гдг бас л худлаа. Хамгийн багадаа 665 000 төгрөг нэмээд хэрэглээний зардлаа төлнө. Үүнийг төлдөг эмзэг бүлгийн хүн байх уу ???????? Хамгийн багадаа шүү

Avatar

Зочин 2019-07-23 103.111.68.3

NOSK dooch bish MANgaruud yamarch ajliig shudraga zohion baiguulj chaddaggui zaaval ar ovriin halga vilga bodno omno TOSK zohion baiguulsan BU1 BU2 shudraga oruulsan shu ard irgediig

Avatar

Avilgachin Hicheenguig ATG hezee shalgah ve!!!!! 2019-07-23 150.129.143.20

TOSK-iin avilgachin Hicheenguig hezee shalgah ve ATG. Mash ih ashig sonirholiin zurchiltui nuhur doo. Tureesiin bairiig 8-10 say tugruguur avilgal avch oruuldag bsan suuliin 3 jil. Itgelbat gej neg buunii nohoigoo tureesiin bair hariutssan darga bolgood avilgalaa huvaadag iim l nuhduud TOSK-iig 4 jil samarch bn daa. ATG ajlaa hiih bolson doo. Bair damlaj zardag gesen ed nar bas. Ulaan tsaim avilgaliin suljee bgaad bhad yaagaad shalgahgui bn.

Avatar

Oiriin 5 jil bitgii bair av 2019-07-23 108.218.234.108

Humuusee oiriin 5 jil bitgii bair av. Delhii dayar ul hudluh, huvitsaa, huu unaj bn.Ta odoo 1 bair avah munguuruu 5 jiliin daraa 2 bair + mashin avna. Hujaagiin chanargui materialaar barisan barilga m2 ni 1saya-s doosh bno. Ugaasaa odoo mongold bairnii iluudel mash ih bga, 5 jil tureeseer amidarsan ch ta aldahgui. Ene lizing-g ta 5 jild tulj duusahuu? Herev chadahgui bol ta undur huutei zeel avahaas argagui bno. Tegsnees ter munguu usguj bgaad 5 jiliin daraa navs unasan uyed ni av.

Avatar

Зочин 2019-07-23 103.57.92.164

маш зөв

NewsMN Гар утасны хувилбар Татах
NEWS.mn

Мэдээллийн эх сурвалж