Google компани анх 2010 оны нэгдүгээр сард Nexus One хэмээх брэнд гар утсаа зах зээлд гаргаж, улмаар Anroid OS олны анхаарлыг татах болсон юм. 1GHz давтамжтай Snapdragon процессор болон 480х800 AMOLED дэлгэц, Android 2.1 үйлдлийн системтэй Nexus One смартфөүн үзүүлэлтийн хувьд бусдаас хэт онцгой байсан ч өдгөө Google энэ бүтээгдэхүүнийхээ үйлдвэрлэлийг зогсоох гэж байна. Учир нь Nexus One борлуулалтын шилдгүүдийн хүснэгтэд багтаж чадаагүй бөгөөд худалдаанд гарснаасаа хойш хоёр сар хагасын дотор ердөө 135 мянган хувь борлогджээ.

Хэдийгээр Nexus One дахин худалдаанд гарахгүй боловч Android үйлдлийн системтэй, мэдрэгчтэй дэлгэцтэй тус смартфөүнтэй төстэй HTC Droid Incredible, HTC Evo 4G, Motorola Droid X, Motorola Droid 2 зэрэг смартфөүн зах зээлд борлогдож байна.

С.Цэлмэг