Монгол судлаач оюутнууд морь унаж, мал хариулна | News.MN

Монгол судлаач оюутнууд морь унаж, мал хариулна

Монгол судлаач оюутнууд морь унаж, мал хариулна

Монгол судлаач оюутнуудад зориулсан “Монгол утга соёл, зан заншил” зуны сургалт өнөөдөр /07.22/ болж байна. Уг сургалтыг ШУА-ийн Хэл зохиолын хүрээлэн санаачлан анх удаа онол, практик хосолсон хэлбэрээр зохион байгуулж буй юм. Сургалтаар эхний долоо хоног онол арга зүйг салбарын мэргэжлийн доктор, профессорууд орох бол дараагийн долоо хоног монгол айлд очиж, ахуй соёлтой биечлэн танилцах юм байна.

Энэхүү практик сургалтад хамрагдагсад үнээ саах, цагаан идээ боловсруулах, морь унаж, мал хариулах гээд монголчуудын өдөр тутмын ахуйн ажилтай танилцах ажээ. Сургалтад нийт таван орны 15 монгол судлаач оюутныг шалгаруулан авчээ. ШУА-ийн хэл зохиолын хүрээлэнгийн Аман зохиолын салбарын эрхлэгч А.Алимаа хэлэхдээ “Монгол Улс дэлхийд Чингис хаанаараа алдартай. Чингис хаан бидэнд зөвхөн энэ газар нутгийг үлдээгээд зогсохгүй, “Чингис” гэсэн брэнд нэрээ үлдээсэн байна. Энэ түүхэн хүний өлгий нутгийг сонирхох, судлах гадаад улсын судлаачид жил ирэх бүр нэмэгдэж байна. Тиймээс бид монголчуудын өвөрмөц амьдралын аж байдалтай тэдгээр судлаачдад биечлэн танилцах боломж олгож буй нь сургалтын гол зорилго юм” гэлээ.

Уг сургалтад Польш улсаас ирж оролцож буй судлаач Наталья Греневска сэтгэгдлээ хуваалцахдаа: “Чингисийн цэргүүд польш хүмүүс байсан гэдгийг та нар мэднэ биз дээ? Энэ агуу хүний түүх, домгийг манай улсад их сайн мэднэ. Тиймээс би монгол судлаач болохоор шийдсэн. Судална гэдэг зөвхөн ном уншаад, онолыг нь үзэх бус, монголчуудын дунд орж, өдөр тутмын аж ахуйтай танилцсанаар илүү гүн мэдлэг олж авах юм. Энэ нь бидний судалгаанд маш их ач холбогдолтой” хэмээн хариулсан юм.

Ц.АРИУНЗАЯА

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-22 202.126.89.229

Zuv zuv.

NewsMN Гар утасны хувилбар Татах
NEWS.mn

Мэдээллийн эх сурвалж