Тулгар төрийн 2228, Их Монгол Улсын 813, Үндэсний их баяр наадам, Ардын хувьсгалын 98, Цагдаагийн байгууллагын 98, Дотоодын цэргийн 97, Эрүүгийн цагдаагийн албаны 85 жилийн түүхт ойг тохиолдуулан эрхэлсэн ажилдаа идэвх зүтгэл, үр бүтээл гарган ажилласан 18 алба хаагчийг “Цагдаагийн гавьяа” тэмдгээр, 47 алба хаагчийг “Хүндэт жуух”-аар, хоёр алба хаагчийг “Дотоодын цэргийн алдар” тэмдгээр шагнаж, ажил хөдөлмөрөөрөө манлайлж ажилласан 11 алба хаагчид цагдаагийн цол олголоо.

Энэхүү үйл ажиллагаа өнөөдөр /2019.07.18/ Цагдаагийн ерөнхий газрын Ёслол хүндэтгэлийн тэнхимд болов. Ийнхүү хийж бүтээсэн ажил, байгуулсан гавьяагаа үнэлүүлэн шагнагдсан нийт алба хаагчдынхаа цаашдын ажилд нь амжилт хүсье.

Цагдаа, дотоодын цэргийн яруу алдар үүрд мандан бадраг.