Цагдаагийн дэд хурандаа Э.Оюунболдод хүндэтгэл үзүүлэв | News.MN

Цагдаагийн дэд хурандаа Э.Оюунболдод хүндэтгэл үзүүлэв

Цагдаагийн дэд хурандаа Э.Оюунболдод хүндэтгэл үзүүлэв

Цагдаагийн дэд хурандаа Э.Оюунболдод хүндэтгэл үзүүлэв

Тулгар төрийн 2228 жил, Их Монгол Улсын 813 жил, Ардын хувьсгалын 98 жилийн ойн Үндэсний их баяр наадамд ес даван түрүүлсэн Улсын аварга Э.Оюунболдод цагдаагийн дэд хурандаа цол олгожээ.

Аварга Э.Оюунболд Цагдаагийн ерөнхий газрын “Хүч” спорт хорооны тамирчин бөгөөд түүнийг өчигдөр Цагдаагийн Ерөнхий газрын ёслол хүндэтгэлийн тэнхимд хүлээн авч уулзалт хийсэн байна.

2012 оноос эхлэн “Хүч” спорт хорооны тамирчин болсон Э.Оюунболдын хувьд цагдаагийн байгууллагатай ажил амьдралаа холбосон нэгэн юм. Тухайн жилээ “Аварга” дээд сургуульд улсын начин Б.Адьяахүүгийн удирдлага дор бөхийн эрдэмд суралцаж, Хэнтийн аймгийн наадамд түрүүлэн аймгийн арслан цол хүртэж байсан. Дараа жил нь буюу 2013 онд Улсын наадамд зургаа давж Улсын харцага цолонд хүрсэн удаатай.

20 насандаа Улсын харцага цолонд хүрч 22 насандаа ес даван түрүүлж, Улсын арслан цолд хүрч байсан аварга Э.Оюунболдыг энэ жилийн наадамд түрүүлэх бөхийн нэгээр олон бөхийн хорхойтнууд нэрлэж байсан билээ.

Бөхчүүд дундаас жин ихтэй бөхийн тоонд зүй ёсоор орох Э.Оюунболд ОХУ-ын Дагестанд сарын турш бэлтгэлд хамрагдаж, тэр хэрээр жин хассан гэдэг. Энэхүү бэлтгэлд хамруулахын тулд Монголын чөлөөт бөхийн холбооноос ихээхэн зүтгэл гаргаж явуулсан байдаг. Тиймээс түүний энэ жилийн наадмын бэлтгэлд олон талын дэмжлэг туслалцаа байснаас гадна дэлхийд чөлөөт бөхөөр дархлагдсан монгол багш нарын мэдлэг, ур чадвар нөлөөлжээ. Энэ талаар ч Монголын чөлөөт бөхийн холбооноос мэдээллийг олон нийтэд хүргэж байв.

Энэ жил 26 настай Э.Оюунболд аварга цолыг хамгийн залуудаа авсан бөхийн хоёрт бичигдэж байна. Түүний өмнө 1989 онд 25 насандаа аварга цолонд хүрч байсан Дархан аварга Б.Бат-Эрдэнэ билээ. Хэнтий аймгийн Өмнөдэлгэр сумын харьяат хоёр бөхийн хувьд энэхүү амжилтыг тэргүүлж буй юм.

1989 онд Б.Бат-Эрдэнэ аваргаас хойш дахин Хэнтий аймгаас түрүү бөх тодроогүй бөгөөд энэхүү амжилтыг Э.Оюунболд хоёр удаа давтан харууллаа.

Ардын хувьсгалын 98 жилийн ойн Үндэсний их баяр наадамд Э.Оюунболд түрүүлэхдээ тавын даваанд аймгийн арслан Н.Мустафаг, зургаагийн даваанд Улсын начин цолны болзол хангасан Б.Цэдэнсодномыг, долоогийн даваанд Улсын харцага цолны болзол хангасан Э.Анартай тунаж, давсан юм. Мөн наймын даваанд Улсын арслан Ц.Содномдоржтой тунан давж, есийн даваанд Улсын аварга Н.Батсуурийг даван, Улсын аварга цол хүртсэн билээ.

Гэрэл зургийг Н.ЭНХБАТ

"Болор дуран"-аар шалгав.
Энэ мэдээнд өгөх таны сэтгэгдэл?
6
ТэнэглэлТэнэглэл
3
ЗөвЗөв
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-18 64.119.27.129

Энэ ч арай дэндлээ. Наад цагдаагийн чинь нэр хүнд уналаа. Бордмол ггахайнуудад өгсөөр байтал

Avatar

Зочин 2019-07-18 66.181.161.95

Дахиад түрүүлэх нь ч баараггүй хурандаа цол нь ч баараггүй юм гэж ойлголоо, бүр дархан аварга болбол бригадын генерал баараггүй тийм үү, жинхэнэ солиорол жирийн албан хаагчдаа доромжилсон үйлдэл боллоо доо, албандаа итгэх итгэлээ алдаж яваа залуус их л байгаа даа

Avatar

Зочин 2019-07-18 203.91.112.146

Захиалгаар ажиллаж авилгаар амьдардаг Монголын цагдаад мөнгөтэй бол ямар ч хулгайч луйварчин махан толгойтой гүзээгээ унжуулсан бөх нэртэй хулгайч нар ахлах офицер болох боломжтой байдаг юмдаа\nДэлхийн хамгийн муу цагдаа бол Монголл цагдаа 98 жил ард түмнээ дарамталж авилгачид түшмэдэд үйлчилсэний баярын ойн мэнд нийт авилгач цагдаагийн бие бүрэлдхүүнд ккк

Avatar

Зочин 2019-07-18 202.179.27.167

хүний амь аврах гэж үер лүү ороод амь алдсан цагдаа ямар цолтой байлаа

Avatar

зочин 2019-07-18 103.212.119.224

Цэргийн сургууль төгсөөгүй нөхдүүдэд цэрэг, цагдаагийн цол олгож балайрдагаа больцгооё. Юун дэд хурандаа вэ? Ичиж яваач, Аягүй бол Өсөхбаяр, Эрхэмбаяр, Бумбаяр, Мягмарсүрэн нар шиг цолоо зүүх үү? цэргийн цол бол шагнал биш тухайн албан тушаалын илэрхийлэл. дэд хурандаа гэдэг бол 20 жил зүтгэж байж авдаг цол.

Avatar

Зочин 2019-07-18 202.170.84.188

Цагдаагийн цолоор шагнадаг элийрэл солиорлоо боль!!!!! Тэнэгүүдэд зөвхөн өгмөөр байвал мөнгөн шагналаа эсвэл амралтаар л шагна!!! Шударга олон жил ажиллаж байгаад цолоо авах ёстой нь л аваг!

Avatar

Ард 2019-07-18 202.70.34.70

ДЭЭР ҮЕД АВАРГУУД АХМАД, ХОШУУЧ ЦОЛТОЙ Л ЯВЖ БАЙДАГСАН.

Avatar

Зочин 2019-07-18 182.160.36.1

Ардын үгийг сонсдоггүй, бие биедээ зусардаад сурчихсан төрийн албыг авч яваа эрхэмүүдийн бодол нэг иймэрхүү л байна

Avatar

Зочин 2019-07-18 202.9.42.63

Самуун самуун гэхэд бүр дэндэж байна ээ.

Avatar

иргэн 2019-07-18 202.72.245.122

2 жилийн дараа бригадын "ГЕНЕРАЛ" цолоор шагнуулахад хэн ч гайхахгүй, Монголын төр гэж гайхамшигтай "НЭЭЛТ" их хийх юм, тэр үед нь таарах хувцас олдох байгаа даа

Avatar

Бигэр 2019-07-18 202.9.42.141

Спортын бүх төрлийн тамирчид,бөхчүүдэд цэргийн цол олгохоо болиоч ээ. Цэрэг цагдаагийнхан улсын төсвөөс цалинждаг юм.Монгол улсад хууль ёсыг хэн мөрдүүлэх юм бэ. Дандаа хууль бус шийдвэр гаргана. Дарга нэртэй боловсрол мэдлэггүй усан толгойнууд аа. Иймэрхүү шийдвэрийг хянадаг газар байна уу.

Avatar

БУДДА 2019-07-18 66.181.186.211

ЗАХЫН ГЭР ХОРООЛОЛ НЬ ТОГ ЦАХИЛГААНГҮЙ, ХҮҮХДҮҮД НЬ СУРГУУЛЬ ЦЭЦЭРЛЭГГҮЙ. . . ГЭТЭЛ 26-ТАЙ ОНГИРОО БАЦААНД ДЭД ХУРАНДАА ЦОЛ ӨНЧ БАЙДАГ. ЭНЭ БОЛ НАСААРАА ХҮЧНИЙ БАЙГУУЛЛАГАД АЖИЛЛАСАН ХҮМҮҮСИЙГ ДОРОМЖИЛЖ БАЙГАА ХЭРЭГ. ҮҮНИЙГ БОЛИУЛЬЯ. ДЭМЖЭЭРЭЙ АРД ТҮМЭЭЭН

Avatar

ы 2019-07-18 66.181.186.90

Мөнхбат аварга 26 насанд чинь 5 түрүүлчихсэн байсан ш дээ яагаад худлаа бичээд байна. Тэгээд ч бөх барилдаад төрүүлсний төлөө цол нэмдэг ямар учирта юм бэ.

Avatar

БУДДА 2019-07-18 66.181.186.211

ХҮЧНИЙ БАЙГУУЛЛАГУУДЫН ДЭРГЭД БАЙДАГ СПОРТ ХОРООДУУДЫГ ТАТАН БУУЛГАХ ХЭРЭГТЭЙ. УЛСЫН МАШ ИХ ХӨРӨНГӨ ШАЛ ДЭМИЙ ҮРЭГДЭЖ БАЙГАА. МАШ ОЛОН ХҮҮХДҮҮД СУРГУУЛЬ ЦЭЦЭРЛЭГТЭЙ БОЛОХ, МАШ ОЛОН АЙЛ БАЙРТАЙ БОЛОХ МӨНГӨ ЗҮГЭЭР УРСАЖ БАЙДАГ. СПОРТ ХОРООДОД ХАРЬЯАЛАГДДАГ БӨХЧҮҮД ЦОЛ АВНА, ЦОЛНЫ МӨНГӨ АВНА, ЦАЛИН АВНА, ХУВЦАСНЫ ХАНГАЛТ АВНА. СУРГУУЛЬД СУРСАН НЭРТЭЙ ДИПЛОМ БЭЛГЭНД АВНА. ГЭТЭЛ ХИЛД, ЦАГДААД, ОНЦГОЙД, ШҮҮХИЙН ШИЙДВЭРТ, ТАГНУУЛ ГЭХ МЭТЭД НАСААРАА АЖИЛЛААД БАЙРГҮЙ ЦОЛ БАГАТАЙ …

Avatar

Зочин 2019-07-18 209.89.142.82

Наадамд хоёр удаа түрүүлээд 26 настай Цагдаагийн дэд хурандаа… гэтэл 182 хүний амь аварсан Онцгой байдлын аврагч ердөө ахлагч цолтой…

Avatar

м 2019-07-18 124.158.107.35

новшийн сэтгэхүйтэй

Avatar

тэнэглэл 2019-07-18 202.131.239.166

Энэ бөх барилдах нь Цагдаагийн цолтой нь ямар хамаарал байнаа. Эргүүнүүд Эргүү юмаа дандаа хийнэ. Мөрөөрөө барилдаад зүгээр амьдраад өгөөчээ. Энэ хэдэн Хөгжлийн бэрхшээлтэй хүмүүсээс долоон дор сэтгэхүйтэй Дарганцаруудаас салж амрах юмсан.

NewsMN Гар утасны хувилбар Татах
NEWS.mn

Мэдээллийн эх сурвалж