ОХУ-ын Засгийн газар ирэх 2020 онд бүх нийтээр амрах өдрийн хуваарийг баталсан байна. Засгийн газар баталсан хуваариа өөрийн албан ёсны "ВКонтакте" сүлжээний хуудсандаа нийтэлсэн байна.

Нэгдүгээр сарын 4-5-ны амралтын өдөр хагас, бүтэн сайн өдөр тохиож байгаа учраас эдгээр хоёр өдрийн амралтыг тавдугаар сарйн 4-5 руу шилжүүлжээ.

Ирэх онд оросууд нэгдүгээр сарын 1-8-ны хооронд Шинэ оны баяр, хоёрдугаар сарын 22-24-нд Эх орны хамгаалагчдын өдөр, гуравдугаар сарын 7-9-нд Олон улсын эмэгтэйчүүдийн өдөр, тавдугаар сарын 1-5-нд Хаврын баяр буюу Хөдөлмөрчдийн өдөр, тавдугаар сарын 9-11-нд Ялалтын баяр, зургадугаар сарын 12-14-нд Оросын өдөр, арваннэгдүгээр сарын 4-нд Ард түмний эв нэгдлийн өдрийг тэмдэглэн тус тус амарна.

Эх сурвалж: РИА НОВОСТИ