Буянт-Ухаагийн түрээсийн орон сууцны бүртгэл Даваа гаригаас эхэлнэ | News.MN

Буянт-Ухаагийн түрээсийн орон сууцны бүртгэл Даваа гаригаас эхэлнэ

Буянт-Ухаагийн түрээсийн орон сууцны бүртгэл Даваа гаригаас эхэлнэ

Буянт-Ухаагийн түрээсийн орон сууцны бүртгэл Даваа гаригаас эхэлнэ

Засгийн газрын худалдаанаар “Буянт-Ухаа 2” орон сууцны хорооллыг түрээслүүлэх эрхийг хотын захиргаанд өгсөн. Тэгвэл энэ сарын 4-нд нийслэлийн тэргүүлэгчдийн хуралдаанаар “Нийслэлийн зорилтот бүлгийн иргэдийг түрээсийн орон сууцанд хамруулах” шинэ журмыг хэлэлцэж, баталсан билээ. Ингээд Нийслэлийн орон сууцны корпораци /НОСК/-иас баталсан түрээсийн орон сууцны журмаас танилцуулъя.


Энэхүү журамд тусгаснаар байраа түрээслээд, өмчлөх хэлбэр хамгийн эрэлт ихтэй байгааг албаныхан хэлж байгаа юм. Учир нь зорилтот бүлгийн иргэд байрны түрээсээ төлөхөөс гадна сар бүр өмчлөх төлбөрөө нийт тав хүртэлх жилийн хугацаанд төлөх  боломжтойгоор тусгаж өгчээ.

Ингэхдээ байраа түрээслээд өмчлөх хүсэлтэй иргэдийн хувьд сард төлөх төлбөр нь өндөр тусах учраас байрны нэг ам.метрийн үнэ болох сарын 6000 төгрөгийг 75 хувь хямдруулж, 1500 төгрөгөөр тооцон төлнө гэдгийг нийслэлийн Орон сууцны корпорациас мэдээллээ.

Түрээсийн орон сууцанд залуу гэр бүл, ахмад настан, хөгжлийн бэрхшээлтэй иргэн, гачигдалтай иргэн, төрийн албан хаагч, хувийн хэвшилд ажиллагсад, өрх толгойлсон эцэг, эх, 4 ба түүнээс дээш хүүхэдтэй өрхүүдийг хамруулах ажээ. Ингэхдээ түрээсийн орон сууцны нэг ам.метрийн үнийг сарын 6000 төгрөгөөр тооцож, гурав хүртэлх жилээр түрээслүүлэхээр тусгасан байна.

ТҮРЭЭСИЙН ОРОН СУУЦАНД ХАМРАГДАХ ХҮСЭЛТЭЙ ИРГЭД ЯМАР БИЧИГ БАРИМТ БҮРДҮҮЛЭХ ВЭ?

Иргэд “Нийслэлийн орон сууцны корпораци” ХК-ийн цахим мэдээллийн санд хүсэлтээ дараах бичиг баримтын хамт ирүүлнэ. Үүнд:

Иргэний үнэмлэхийн хуулбар,

-Гэр бүлийн гишүүний хамт ТҮЦ машины тодорхойлолт,

-Орлого тодорхойлох баримт бичиг зэргийг хавсаргах

-Орлого тодорхойлох баримтад нийгмийн даатгалын болон тэтгэвэр тэтгэмжийн дэвтэр, хувиараа хөдөлмөр эрхлэгчийн орлого нотлох баримт зэрэг багтжээ.

Мөн өөрийн өмчлөлийн инженерийн хангамжтай, эсхүл нийтийн зориулалттай орон сууцгүй болохыг тодорхойлсон эд хөрөнгийн эрхийн улсын бүртгэлийн лавлагаа, залуу гэр бол гэрлэлтийн лавлагаа, ахмад настан бол тэтгэврийн дэвтрийн хуулбар, гачигдалтай иргэн бол гамшгаас хамгаалах төрийн захиргааны байгууллагын дүгнэлт, акт, тухайн дүүргийн тодорхойлолт зэргийг бүрдүүлэх ёстой.

Хөгжлийн бэрхшээлтэй иргэний тухайд халамжийн дэвтэр, хөдөлмөрийн чадвар алдалтын хувь хэмжээг тогтоосон акт бүрдүүлэх бол өрх толгойлсон эцэг, эхийн тухайд өрх толгойлсон болохыг нотлох баримт бүрдүүлэх бол 18 хүртэлх насны 4 ба түүнээс дээш насны хүүхэдтэй гэр бүлийн тухайд хүүхдүүдийн гэрчилгээ холбогдох баримт бичгийг бүрдүүлнэ.

ТҮРЭЭСИЙН ОРОН СУУЦАНД ЯМАР ХҮМҮҮС ХАМРАГДАХ БОЛОМЖТОЙ ВЭ?

Хөгжлийн бэрхшээлтэй иргэдийн асуудлыг эрэмбэлэхийн тулд олон удаагийн хэлэлцүүлэг хийсэн бөгөөд эдгээр хэлэлцүүлгүүдээс гарсан саналыг үндэслэн эрэмбэлж, ангилж оруулах шаардлагатай гэсэн дүгнэлтэд хүрчээ.

Учир нь өмнө хэрэгжсэн төсөл, хөтөлбөрүүдэд харааны болон сонсголын бэрхшээлтэй иргэдийг түлхүү хамруулдаг учраас бусад хэлбэрийн бэрхшээлтэй иргэдийг хамруулах үүднээс журамд нарийвчлан тусгасан гэдгийг албаныхан хэлж байв.

Түрээсийн орон сууцыг тодорхой хуваарилалтын дагуу олгох ажээ. Тодруулбал:

залуу гэр бүлд 20 хувь,

-төрийн албан хаагчдад 25 хувь,

-хувийн байгууллагын ажилтнуудад 20 хувь,

-18 хүртэлх 4 ба түүнээс дээш хүүхэдтэй гэр бүлд 5 хувь,

-өрх толгойлсон эцэг эхэд 5 хувь,

-өндөр настан тэтгэвэр тогтоолгосон ахмадуудад 5 хувь,

-хөгжлийн бэрхшээлтэй иргэн, түүнийг халамжилдаг гэр бүлд 50 хувь,

-гамшигт аюулт үзэгдлийн улмаас орон гэргүй болсон иргэдэд 5 хувийг олгохоор квот тогтоожээ.

ЦАХИМ БҮРТГЭЛД ТЭНЦСЭН БОЛ ГУРАВ ХОНОГТ БАТАЛГААЖУУЛНА

Түрээсийн орон сууцны цахим бүртгэлийг албан ёсоор долдугаар сарын 22-нд эхлүүлэхээр албаныхан төлөвлөөд байгаа аж. “Цахим бүртгэл явуулсны дараагаар иргэдийн мэдээллийг олон нийтэд нээлттэй шилэн хэлбэрээр мэдээлнэ. Учир нь иргэдийн дунд хүлээлттэй байгаа учраас маргаан дагуулах нь тодорхой. Хөгжлийн банктай хоёр, гурван удаа хэлцэлд орсон учраас зээлийн хороо нь эцэслээд шийдвэрээ гаргавал гэрээгээ хийгээд явна. Цахим бүртгэлийг долоо хоног зохион байгуулж, наймдугаар сараас иргэд байрандаа ороод эхэлнэ” гэдгийг нийслэлийн Орон сууцны корпорацийн захирал Б.Сүхбаатар хэлж байсан юм.

Мөн өмнө жилүүдэд ахмадын болон “Буянт-Ухаа 1” орон сууцны хороолол дахь түрээсийн байранд хамрагдсан иргэд энэ удаагийн түрээслээд өмчлөх байранд хамрагдахгүй боломжгүй гэдгийг мэргэжилтэн хэллээ. Түрээсийн орон сууцны энгийн түрээс болон түрээслээд өмчлөх байранд орох хүсэлтэй иргэд эхний гурван сарын түрээстэй тэнцэх хэмжээний мөнгө байршуулах гэнэ. Ингэхдээ байраа түрээслээд өмчлөх хүсэлтэй иргэдийн хувьд ам.метрийн үнийг 75 хувь хөнгөлүүлж байгаа учраас 100 мянган төгрөг орчим барьцаа төлбөр төлөх ажээ.

Сонгон шалгаруулалтад оролцсон иргэдэд цахим бүртгэлээр шалгарсан, шалгараагүй талаар мэдэгдэл хүргүүлэх гэнэ. Хэрвээ сонгон шалгаруулалтад тэнцсэн бол ажлын гурав хоногийн дотор нийслэлийн Орон сууцны корпорацийн заасан байршилд өөрийн биеэр очиж, бүртгэлээ баталгаажуулах юм байна.

Ингээд сонгон шалгаруулах комиссын шийдвэрийг үндэслэн орон сууц  түрээслэх эрх нь баталгаажсан иргэдэд НОСК-аас түрээсийн батламж олгох юм. Батламж авах эрхтэй болсон иргэн эхний сарын түрээсийн төлбөр, нийтийн эзэмшлийн эд хөрөнгийн бүрэн бүтэн байдал, элэгдлийн санг тооцсон гурван сарын түрээсийн зардалтай тэнцэх хэмжээний барьцаа төлбөр төлөх юм. Ингэснээр төлбөр төлсөн иргэн, НОСК хоёр түрээсийн гэрээ байгуулснаар эрх нь баталгаажих юм.

"Болор дуран"-аар шалгав.
Энэ мэдээнд өгөх таны сэтгэгдэл?
6
ЗөвЗөв
6
ГайхмаарГайхмаар
3
ХахаХаха
3
ХөөрхөнХөөрхөн
1
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нандинцэцэг 2019-07-17 27.122.14.53

550 айл тэнцүүллээ. Тэгээд үлдсэн 422 айлын мэдээ хаана байнаа? \nХэн тэнд орчихсон юм бэ? Зүгээр л шууд зарчихсан юм биш үү? Эсвэл 7 сая аваад Мэргэжлийн Хяналтынхан аль хэдийн хүлээгээд авчихсан гээд хүмүүс байраа түрээслэхээр сонгосон гээд байсан, үнэн юм байна. Ингэж шоу хийхээ болиочээ. Ядарсан ард иргэдээ хуурч мэхэлж, доромжилж байна.

Avatar

Нандинцэцэг 2019-07-17 27.122.14.53

Хөгжлийн Бэрхшээлтэй Иргэдэд нэг төрөлд 3хан айлд тэнцүүлсэн. \nЭнэ бол доромжлол. \nХөгжлийн Бэрхшээлтэй төрсөн гээд хүн биш болж байгаа юм байна. \nЭнэрэнгүй, ардчилсан нийгэм гэж энэ үү? \nГэтэл Хувийн компанитай, Төрийн байгууллагынхан Өндөр настан, +4 хүүхэдтэй, өрх толгойлсон гэр бүлээс илүү квотоор байр өгч байна. \nЭнэ тэгээд шударга уу? \nУг нь Төр эхлээд эмзэг бүлгийнхнээ сайн анхаарал тавьмаар? \nЭрхтэн дутуу төрсөн гээд бид мөнхийн хүний доор явах ёстой болж байна уу?

Avatar

Зочин 2019-07-17 103.212.116.76

Цахим бүртгэл гээд бас хуулбарууд жд лавлагаа гээд байх юм

Avatar

Zochin 2019-07-17 64.119.20.193

Ehnii sariin tvreesee ugud dahiad 3 sariin mungu ugnu gene vv yadarsan irged tegj ugch chadah uu malnuudaa odoo bvgd ariin haalgaar hvmvvs oruulna yag oroh hvmbvs ni orj chadahgvi l de huurhii

Avatar

Зочин 2019-07-17 49.0.212.123

цахим бүртгэл гэх юм, материалаа өгнө гэх юм юу гж ойлгох ве тодруулж өгөөч\n үл хөдлөхийн бүртгэл дээр хамтран эзэмшигч бвал нөхцөл хангахгүй гэж үзэх ү

Avatar

Зочин 2019-07-17 202.179.25.141

Engiin irgen ene bairand orj chadahgui ee. Odoo tur zasagt baigaa etgeeduud hamaatan sadan, tsunh barigchiddaa ugnu shd ee. Tegeed shuud huvichilchih yum bna l tatvar tulugchid, daa. ulsiin hurungiig inej l hulgaildag yum shuu de.

Avatar

зочин 2019-07-17 66.181.165.246

Хэзээнээс эхэлж бүртгэж эхлэх юм болоо. Тэнцсэн тэнцээгүйг хэд хоногт багтаж эргэж мэдэгдэх юм бэ болоо.

Avatar

GG 2019-07-17 202.131.230.90

САЙН УНШААЧ ЭЭ БҮГДИЙГ НЬ ТОДОРХОЙ БИЧЧИХСЭН БХАД

NewsMN Гар утасны хувилбар Татах
NEWS.mn

Мэдээллийн эх сурвалж