Жюү жицүгийн Ази тивийн АШТ-д 24 орны тамирчид өрсөлдөнө | News.MN

Жюү жицүгийн Ази тивийн АШТ-д 24 орны тамирчид өрсөлдөнө

Жюү жицүгийн Ази тивийн АШТ-д 24 орны тамирчид өрсөлдөнө

Жюү жицүгийн насанд хүрэгчдийн дөрөв дэх удаагийн Ази тивийн аварга шалгаруулах тэмцээн долдугаар сарын 17-21-ний өдрүүдэд Улаанбаатарт болох гэж байгаатай холбогдуулан өнөөдөр зохион байгуулагчид мэдээлэл хийлээ. “Бөхийн өргөө”-д болох тэмцээний үеэр Монгол Улсын Ерөнхийлөгчийн ивээр дор зохион байгуулагдах “Азийн хүүхдүүд 2020” наадмын Test Event өсвөр үеийн тивийн аварга шалгаруулах тэмцээнийг зохион байгуулахаар болсон байна.

Монголын жюү жицүгийн холбооноос өөрийн эх орондоо анх удаа хүлээн авч зохион байгуулах тус тэмцээнд 24 орны 400 гаруй тамирчин оролцохоор мэдүүлэг өгчээ. Энэ удаагийн тэмцээнд АНЭУ, Афганистан, Бахрайн, Йордан, БНСУ, Япон, Казахстан, Тайланд, Тайвань, Филиппин зэрэг орны тамирчид оролцохоор манай улсад ирээд байна.

Тэмцээний өмнө шүүгчдийн сургалт болон допингийн эсрэг сургалтуудыг Азийн жюү жицүгийн холбоо, Монголын жюү жицүгийн холбоотой хамтран зохион байгуулжээ. Энэхүү сургалтыг Азийн жюү жицүгийн холбооны ерөнхий шүүгч Бразил улсын иргэн Александре Нассименто хоёр өдөр удирдан явуулсан байна.

Жюү жицүгийн тивийн тэмцээнийг шүүхээр 13 орны 19 шүүгч ажиллахаар болсон бөгөөд манай улсаас гурван шүүгч багтжээ. Тэмцээний насанд хүрэгчдийн ангилалд 331, өсвөрийн тэмцээнд 77, нийт 408 тамирчин өрсөлдөхөөр бэлэн болсныг зохион байгуулагчид мэдээлэв.

Жюү жицүгийн насанд хүрэгчдийн Азийн аварга шалгаруулах тэмцээн Ne Waza, Fighting Jiu Jitsu, Contact Jiu Jitsu, Duo System гэсэн дөрвөн төрлөөр болно. Ne Waza, Fighting Jiu Jitsu, Contact Jiu Jitsu гэсэн гурван төрөлд эрэгтэй 56, 62, 69, 77, 85, -94, +94 кг, эмэгтэй 45, 48, 52, 57, 63, -70, +70 кг-ийн жингүүдэд өрсөлдөх юм. Duo System-ийн төрөлд өрсөлдөөн жингүй ангиллаар медалийн эздээ тодруулна.

ХУВААРЬ:

  • 07.17 – 16:00 цагаас нээлт
  • 07.17- 20 –ны өдрүүдэд насанд хүрэгчдийн Ази тивийн АШТ
  • 07.20- 21-ний  өдрүүдэд өсвөрийн тамирчлын тест эвент тэмцээн болно.

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2019-07-16 59.153.85.87

amjilt

Avatar

Зочин 2019-07-16 122.201.22.63

Энэ бехийн хэнээтнууд нээрээ баллах юм аа, бараг хэн ч мэдэхгуй юмны ААШТ зохион байгуулж л байдаг, тесвийн хэдэн бор юмаар гараа угаах шиг болж байна аа, олигтойхон засаг бол ийм тэнэгуудийн дээлийг нь толгой дээгуур нь немергех л байсан байх даа

Avatar

зочин 2019-07-16 66.181.166.196

Өчнөөн жил занималдсан чөлөөт, жүдогоо олигтойхон чадахгүй байж бас юун жа жа вэ, бөх гэхээр л нэг их хөөрцөглөх, чадаж байгаа юм байхгүй, хайран мөнгөний гарз гэдэг ч яг үнэн шүү

Avatar

М 2019-07-16 202.126.88.225

Хайран улсын мөнгө хөрөнгө. Шал хэрэггүй юманд зардал гаргаж үрэн таран хийгээд. Юун 28 улс вэ, хүн хуураад байгаа юм уу

NewsMN Гар утасны хувилбар Татах
NEWS.mn

Мэдээллийн эх сурвалж