Дорнод нутгаас 53 жилийн дараа улсын начингаас дээш цолтон төрлөө | News.MN

Дорнод нутгаас 53 жилийн дараа улсын начингаас дээш цолтон төрлөө

Дорнод нутгаас 53 жилийн дараа улсын начингаас дээш цолтон төрлөө

Дорнод нутгаас 53 жилийн дараа улсын начингаас дээш цолтон төрлөө

Наран ургах Дорнод нутаг 1966 оноос хойш 53 жилийн дараа начингаас дээш цолтноо өлгийдөн авлаа. Монгол орны зүүн хязгаар Дорнод нутгаас үеийн үедээ олон шилдэг бөхчүүд халх даяар хүч чадал, уран хурц барилдаанаараа гайхагдаж байсан. Хуучин засгийн үед Сэцэн хан аймгийн Сэн бэйсийн хошуу (одоогийн Дорнод аймгийн Чойбалсан сум, Хэрлэн гол орчим)-ны сорилгоос Д.Гомбожав аварга, ах дүү даншгийн аварга О.Гэлэгсэнгэ, О.Дугар, н.Ёндонжунай арслан, Т.Лувсан заан, н.Даш заан, н.Нэрэн начин гээд олон шилдэг бөхчүүд төрөн гарсан. Хожмоо Ардын төрийн наадамд Ш.Гэлэг арслан, Л.Балсан арслан, У.Дамчаа арслан, Х.Өлзийсайхан арслан, Л.Жаргал заан, Д.Гонгор заан, Ч.Дугарсүрэн заан, Д.Түвшин заан гээд Дорнод нутгийн хүчит бөхчүүд ид хаваа гайхуулан, уран хурц барилдаанаараа хүч үзэн барилдаж байсан.

Харин залуу бөх Д.Түвшин 1966 оны Ардын хувьсгалын 45 жилийн ойн баяр наадмаар улсын заан (арслан) Г.Дэмүүлээр тав, улсын арслан У.Мижиддоржоор зургаа, улсын аварга С.Цэрэнгээр долоо даван их шөвөгт шалгарч шууд заан цол хүртсэнээс хойш Дорнод нутгаас начин цолтноос дээш цолтон төрөлгүй 53 жилийг үджээ. Тэгвэл энэ жил Ардын хувьсгалын 98 жилийн ойн баяр наадамд Дорнод аймгийн Дашбалбар сумын харьяат 27 настай залуу начин Доржийн Анар урамтай сайхан барилдаж, бөх сонирхогчдын цолоо ахиулна гэсэн итгэлийг зүтгэлээр хариулан 6 даван улсын харцага цолонд хүрлээ. Улсын наадмын гурвын даваанд а.а С.Очирбатыг, дөрвийн даваанд өөрийн дотны найз у.н Б.Серикийг, тав дээр Д.Амарсайхан начинг, зургаа дээр 3 жилийн өмнө энэ даваанд тунан барилдан унаж байсан у.х Б.Бат-Өлзийг даваад зааны даваа болох долоогийн даваанд энэ жилийн түрүү бөх у.а Э.Оюунболд (аварга)-д өвдөг шороодсон.

Шинэхэн харцага Д.Анар энэ цагийн залуу бөхчүүд дундаа хатуу “самар” болоод байна. Энэ он гарсаар өөрөөсөө дээш цолтнуудтай эн тэнцүү хүч үзэж тогтмол шөвгөрч байсан. Улсын наадамд тунаж цолоо ахиулна гэдэг тун амттай бас чанартай. Ирэх он жилүүдэд улсын наадмын зүлэг ногоон дэвжээнээ улсын харцага Д.Анар наран ургах Дорнод нутгаа дуудуулан цолоо ахиулан, улам дээшээ барилдах нь гарцаагүй болов уу?

Б.БЯМБАБАЯР

"Болор дуран"-аар шалгав.
Энэ мэдээнд өгөх таны сэтгэгдэл?
12
ЗөвЗөв
1
ГайхмаарГайхмаар
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-16 202.55.188.46

Энэ нутгийн бахчүүд Чойбалсангийн үед хүч түрэн илүүрхэж байв.Гилэг, Балсан арслан нар жинхэнэ сайн бөхчүүд. Дамчаа, Өлзийсайхан, Эрдэнэ-Очир нар дутуу даваатай арслангууд.

Avatar

зочин 2019-07-16 66.181.166.196

Энэ нэг нутгархаж, жалга довоороо талцсан байдал нь үндэсний бөхийг өөрийг нь мөхөөж дуусгана шүү, ямар нэг шуналт бөхийг шагнахаас өөр ажилгүй, нутаг орноо хөгжүүлэх, нутаг орондоо бүтээн байгуулалт хийх ямар ч хүсэлгүй энэ тэнэг нутгийн зөвлөлүүд ч гэсэн энэ чигээрээ бол хол явахгүй ээ

Avatar

Зочин 2019-07-16 202.126.89.47

Энэ хүү сайн барилдаж байгаа, хэн ч хаанах ч байсан хамаагүйэээ. Халх хотгойд буриад үзэмчин дархад сонгоол бүгд цахар монгол улсын иргэд. Увс биш л бол хамаагүй, увс бол угсаамгпнетикээрээ ч монгол биш, уйгар түрэг

Avatar

Зочин 2019-07-16 66.181.183.201

яагаад овоо гайгүй барилдсан нэгнийг манай танай гээд булаацалдаад байдаг бол

Avatar

Зочин 2019-07-16 64.119.16.230

Хөвсгөлиин жаргал сумын угшилтай боловуу анар аав нь дорж гээд жаргалын хүн байсан гэдэг аавынх нь ах дүү нар сум орон нутаг нь бага залуухан очиход нь тоогоогүй гомдоож явуулсан гэдэг яриа биии

Avatar

Зочин 2019-07-16 180.149.96.131

Аав, ээж нь Дорнодынх биш байж болно. Гэхдээ энэ хүү Дорнод аймгийн Дашбалбар суманд төрсөн Дорнодын хүү юмаа

Avatar

АНАР 2019-07-16 180.149.96.131

ААВ, ЭЭЖ НЬ ДОРНОДЫНХ БИШ Ч АНАР ДОРНОД АЙМГИЙН ДАШБАЛБАР СУМАНД ТӨРСӨН ДОРНОДЫН ХҮҮ ЮМАА.

Avatar

Бөх 2019-07-16 202.70.34.70

ДАВАА БҮРИЙГ ҮНЭЛЖ БАЙГАА НЬ ТЭР ШҮҮ ДЭЭ. ТЭГЭХГҮЙ БОЛ ЗУРГАА, НАЙМ ДАВСНЫГ ЯАЖ ҮНЭЛЭХ ЮМ?

Avatar

Зочин 2019-07-16 66.181.183.201

Чимэг өгч байгаа шүүгээ тэр хэрээрээ цолтоннуудаа манлайлна

Avatar

Зочин 2019-07-16 66.181.183.201

6 залуу заан гэж одоо ч яригддаг үнэхээр л үнэ цэнэтэй чанартай байж.Харцага Гарьд цолыг хаанаас яаж гаргаж ирсэн бол Түүхэнд ийм цол байгаагүй

Avatar

Зочин 2019-07-16 66.181.166.127

Аймгийн нутгийн зөвлөл Соронзонболд бэлтгэл сургуулилтанд туслаад байсан да…

Avatar

Зочин 2019-07-16 66.181.183.201

Энэ Гарьд харцага гэх утгагүй цолыг болимоор байна Хуучин цолоороо явах хэрэгтэй Хуучны начин заан арслан аварга гээд үнэхээр үнэ цэнэтэй сайхан.Том Сүхбат Гарьд цолондоо дургүй арслангаа өгчих гээд бхйсаны учир энэ.Ерөөсөө шал дэмий цол

NewsMN Гар утасны хувилбар Татах
NEWS.mn

Мэдээллийн эх сурвалж