Стив Возняк хүмүүсийг facebook аккаунтаа устгахыг уриалав | News.MN

Стив Возняк хүмүүсийг facebook аккаунтаа устгахыг уриалав

Стив Возняк хүмүүсийг facebook аккаунтаа устгахыг уриалав

Стив Возняк хүмүүсийг facebook аккаунтаа устгахыг уриалав

Apple компанийн үүсгэн байгуулагчдын нэг Стив Возняк хүмүүсийг хувийн мэдээллээ алдахгүйн тулд Facebook аккаунтаа устгахыг зөвлөжээ. Тэрбээр өөрийн facebook аккаунтаа өнгөрсөн жил устгасан байна.

Томоохон технологийн компаниуд хэрэглэгчдийнхээ хувийн мэдээлэлд халдаж буйд Возняк санаа зовниж буйгаа илэрхийлэв.

Тэрбээр хэлсэн үгэндээ “Томоохон технологийн компаниуд лазерын тусламжтайгаар таны зүрхний цохилтыг хэмжиж чадна. Мөн тэд маш олон төрлийн төхөөрөмжийн тусламжтайгаар зүрхний цохилтыг тань хүртэл сонсож чадна. Таны утсыг яг одоо чагнаж байгааг хэн мэдэх билээ” гэв.

Өнгөрсөн жилийн дөрөвдүгээр сард Возняк Facebook-ээс татгалзсанаар Аpple-ийн Ерөнхий захирал Тим Кук болон WhatsApp –ийн үүсгэн байгуулагчдын нэг Брайан Эктонтай нэгдсэн юм. Тэд Cambridge Analytica-ийн шуугиантай холбоотойгоор нийгмийн сүлжээг бойкотолж буй нь энэ юм.

Facebook компани нь 2016 онд АНУ-ын Ерөнхийлөгчийн сонгуульд нөлөөлөхийн тулд 50 сая хэрэглэгчийнхээ хувийн мэдээллийг ашигласан хэрэгт буруутгагдаад байгаа билээ.

Apple компанийн үүсгэн байгуулагчдын нэг Стив Возняк 2018 оны арваннэгдүгээр сард Facebook компани технологиос илүүтэй хүмүүсийг бодох хэрэгтэй. Хэрэглэгчдэд хувийн мэдээллээ ашиглах боломж олгохоос гадна ил тод, чөлөөт өрсөлдөөнийг бий болгох хэрэгтэй гэж мэдэгдэж байсан билээ.

Энэ мэдээллийн дараахан АНУ-ын Холбооны худалдааны комисс Cambridge Analytica холбоотойгоор Facebook компанид хэрэглэгчийн мэдээллийг алдсан хэмээн 5 тэрбум ам.долларын торгууль ногдуулах шийдвэр гаргав. Энэхүү шийдвэрийг АНУ-ын Хуульзүйн яам ч дэмжжээ.

АНУ-ын IT компаниудад өмнө нь ийм хэмжээний торгууль ногдуулж байгаагүй аж. Үүнээс өмнө, 2012 онд Google компани 22.5 сая ам.долларын торгууль төлж байсан. Мөн өнгөрсөн жил Европын холбоо Google компанийг монополийн эсрэг хуулийг зөрчсөн хэмээн 5.1 тэрбум ам.долларын торгууль ногдуулж байсан удаатай.

2018 оны эцэст Facebook компани 56 тэрбум ам.долларын орлоготой гэж мэдүүлсэн аж. Тэгвэл дөрөвдүгээр сард АНУ-ын Засгийн газрын торгуульд 3 тэрбум ам.долларыг төлнө хэмээн тооцоолон нөөцөлж байсан ажээ.

Харин Facebook болон АНУ-ын Холбооны худалдааны комисс дээрх үйл явдалд тайлбар өгөхөөс татгалзсан байна.

 

Эх сурвалж: Forbes 

 

 

 

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
9
ХөөрхөнХөөрхөн
2
ХарамсалтайХарамсалтай
2
БурууБуруу
1
ГайхмаарГайхмаар
1
ТэнэглэлТэнэглэл
0
ЗөвЗөв
0
ХахаХаха
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-14 203.91.115.38

Зөв

Avatar

Nadad hamaaguin bn 2019-07-14 108.218.234.108

Bi anhnaasaa heregleegui, hereglehchgui yagaad geheer humuusiin amidraliig bi sonirhdoggui, minii hereg ch humuust padgui, medeelliig bol uur olon yumnaas avch boloh uchraas.

Avatar

Kk 2019-07-14 66.181.177.53

Tegeed chi end uhsenee hiij bgaa yum be.heregt durlaad yavj l bn shuu chi muu ats

Avatar

Зочин 2019-07-14 202.179.27.235

Үл бүтэх юм ярьж байх юм.

Avatar

Don 2019-07-14 24.46.102.95

Fb bol tsag barsan teneguudiing dontond oruuldag togloom

Avatar

Зочин 2019-07-14 212.24.156.10

Uher Mongolchuudad yamar ch pad bhgui

NewsMN Гар утасны хувилбар Татах
NEWS.mn

Мэдээллийн эх сурвалж