Монгол улсад нисэх загварын спорт хөгжөөд 50 жил болж байгаа бол Монголын нисэх загварын спортын МАСА Нийгэмлэг байгуулагдаад 17 жилийн нүүр үзээд байна. Тус нийгэмлэгийн үйл ажиллагаа, хичээл зүтгэлийг үнэлж Дэлхийн Агаарын Спортын Холбооноос 2015 оны чөлөөт нислэгийн загварын ДАШТ манай улсад зохион байгуулахаар болжээ. Тус тэмцээнийг зохион байгуулах үндэсний хороо байгуулагдсан ба тэмцээнийг ирэх сарын 21-нээс наймдугаар сарын 3-ны өдрүүдэд Налайх дүүрэгт байрлах Дархан Ноёны хутаг буюу Зэвсэгт хүчний 337-р ангийн дэргэд Чөлөөт нислэгийн загварийн дөрвөн хэсэгт зохион байгуулах юм байна. Чөлөөт нислэгийн ДАШТ нь Азид анх удаа зохион байгуулагдаж байгаа нь энэ аж. Энэ жилийн тэмцээнд 37 орны 320 орчим тамирчин хүрэлцэн ирэх юм байна.

Б.НАМУУН