Үндэсний их баяр наадмын шагайн харвааны хагас шигшээ тоглолт өнөөдөр /2019.07.12/ Төв цэнгэлдэх хүрээлэн дэх шагайн асарт боллоо.

Хагас шигшээ тоглолтод шилдэг найман баг үлдэж, одоогийн байдлаар дөрвөн баг тунаж цэцэн мэргэнээ сорьж байна. Үндэсний их баяр наадмаар шагайн харваан нийт 96 баг оролцож байна. Үүнээс ахмадын 12 баг, насанд хүрэгчдийн 84 баг оролцож, цэц мэргэнээ сорьж байгаа аж.

Энэ жилийн шагайн харваан спортын хамгийн залуу тамирчин Өвөрхангай аймгийн Уянга сумын уугуул н.Өсөхбаяр настай оролцож байгаа бол хамгийн ахмад тамирчин нь 86 настай н.Дагвадорж оролцож, цэц мэргэнээ сорьж байна.

Өнгөрсөн жилийн наадмаар шагайн харваанд нийт 70 гаруй баг оролцож байжээ. Энэ жилээс ахмадын харваачдыг тусад нь цэц мэргэнээ сорьж байгааг тус спорт харваан холбооны дэд Ерөнхийлөгч Б.Шинэнбаяр мэдээллээ.