"Мордуулсан хүү маань айрагдсанд баяртай байна" | News.MN

"Мордуулсан хүү маань айрагдсанд баяртай байна"

"Мордуулсан хүү маань айрагдсанд баяртай байна"

"Мордуулсан хүү маань айрагдсанд баяртай байна"

Үндэсний их баяр наадмын эхний өдөр /2019.07.11/ Хүй долоо худагт уралдаж байгаад годройтож унасан  морь,  хүү хоёрыг босоход нь цагдаа нар тусалсан явдал наадамчин олны сэтгэлийг хөдөлгөсөн билээ. Хүү, морь хоёр айргийн гуравт орсон. Ингээд Сонгинохайрхан дүүргийн эргүүлийн офицер Н.Батнасан, Хууль сахиулах их сургуулийн сонсогч Г.Бат-эрдэнэ нартай утсаар холбогдсон юм.


-Сайхан наадаж байна уу. Албан үүргээ гүйцэтгэж явна уу?

 -Сайхан. Сайхан наадаж байна уу. Тийм ээ. Өглөө эртлэн Хүй долоо худагтаа хурдан морины хамгаалалтадаа гараад байж байна.

Хүй долоо худагт уралдаж байгаад унасан шүдлэн насны морь, унаач хүүхдийг цагдаа нар босгож тусалсанд наадамчин олон та хоёрт ам сайтай байна?

-Үндэсний их баяр наадмын эхний өдөр шүдлэн насны морины уралдаан болсон. Уралдааны үеэр зээрд халзан шүдлэн морь унаач хүүхдийн хамт бүдэрч унасан. Тэгэхээр нь би хамт хамгаалалтад зогсож байсан Хууль сахиулахын их сургуулийн хоёрдугаар курсийн оюутан Г.Бат-Эрдэнэтэй хамт гүйж очоод босгож мордуулсан юм.

-Унаач хүүхэд бэртэж гэмтээгүй байсан уу?

-Үгүй. Бид гүйгээд очсон чинь “Ахаа туслаач. Би зүгээрээ” гэсэн. Тэгээд л тэр жаал маань уралдаанаа үргэлжлүүлээд сайхан давхиад явсан даа.

-Уралдаан дуусахад тусалсан хурдан морь, унаач хүүхэд нь айргийн гуравт орсон гэдгийг дуулсан байх. Их баярласан уу?

-Тэгэлгүй яахав. Маш их баярласан. Уяач хүний бүтэн жилийн хөдөлмөр шүү дээ. Унаач хүү маань ч сайхан давхиж, айргийн гуравт орсонд баяртай байгаа.

-Уралдааны дараагаар та бүхэнд баярлалаа гэж хэлсэн үү?

-Тухайн үед уралдааны үеэр тусалсан болохоор үйл явдал хурдан болсон. Одоохондоо бидэнтэй уулзаад баярлалаа гэж хэлсэн хүн алга байна.

-Цагдаагийн байгууллагад хэдэн жил ажиллаж байгаа вэ. Гэр бүлээ бидэнд танилцуулахгүй юу?

-Би эхнэр гурван хүүхдийн хамт амьдардаг. Цагдаагийн байгууллагад  11 дэх жилдээ ажиллаж байна. Үндэсний их баяр наадмын хурдан морины уралдааны хамгаалалтад бас олон жил ажиллаж, албан үүргээ гүйцэтгэж байна.

Тухайн үед хурдан морины хамгаалалтад ажиллаж байсан Хууль сахиулахын их сургуулийн хоёрдугаар курсийн оюутан Г.Бат-Эрдэнэ хэлэхдээ “Тухайн үед хүмүүсийн орилохыг ч сонсолгүй шууд л гүйж очсон. Миний хувьд хар багаасаа адууны захад өсч, хурдан морь унаж өссөн. Тийм болохоор хүүхэд унахад нь бушуухан л очиж, туслая гэж бодсон. Сэтгэл бахархууштай байна. Аймгийн алдарт уяач Г.Баттулга ахад баяр хүргэе. Хүлэг морь нь хурдан байхыг хүсэн ерөөе” гэсэн юм.

 

"Болор дуран"-аар шалгав.
Энэ мэдээнд өгөх таны сэтгэгдэл?
95
ЗөвЗөв
7
ХөөрхөнХөөрхөн
5
ХахаХаха
4
ГайхмаарГайхмаар
3
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-12 122.201.24.110

Монгол хэлтэй сэтгүүлч авч байгаач эээ !!!!!!! Энэ хэдэн сэтгүүлч нар монгол хэлийг устгах үүрэг авчихсан юм шиг л байх юм – Зориудаар мушгин гуйвуулаад байгаа юм шиг л ……..

Avatar

Зочин 2019-07-12 122.201.24.110

Уралдаж яваад морьтойгоо нүхэнд бүдэрч унасан хүүг моринд нь мордуулж тусалсан байна Сэтгүүлч та энэ өгүүлбэрээс нийтлэлийнхээ гарчигийг өгнө үү1!!!!!! Тэгээд ч энэ морь чинь түрүүлж явж байсан юм . Харин ч 3 т орсон шүү дээ

Avatar

Зочин 2019-07-12 66.181.176.162

Ямар ч монгол хүн мордуулаад л өгнө ш дээ…

Avatar

ШҮҮМЖЛЭГЧ 2019-07-12 202.21.120.42

ЦЭЭСҮРЭЭН МИНИЙ ОХИН НААД ГАРЧИГ МАРЧИГАА ЖААХАН БОДОЛ ДОО?"МОРДУУЛСАН ХҮҮ МААНЬ АЙРАГДСАНД БАЯРТАЙ БАЙНА" ЮУ ГЭМЭЭР ЮМ БЭ ДЭЭ, БИЧМЭН ЗҮЙЛИЙГ НЬ ОЙЛГОХ ГЭЖ ТОЛГОЙ ӨВДӨХ ЮМ … АРАЙ Ч ДЭЭ АЯЛГУУ САЙХАН МОНГОЛ ХЭЛ МИНЬ…

Avatar

bi 2019-07-12 202.126.89.25

mubdag

Avatar

Зочин 2019-07-12 66.181.161.87

Овоо шдээ, энэ мэт эерэг мэдээ сонсоход сэтгэл аятайхан болох юм!

Avatar

Иргэн, 2019-07-12 66.181.182.221

Мордуулсан хүү нь хаагуур айрагдсан юм бол доо,архидаагүй нь их юм болж дээ.

Avatar

Зочин 2019-07-12 202.179.31.10

Дууугаа тат бузар увсаа монгол хүний яриаг чи ойлгохгүй

Avatar

Монгол 2019-07-12 66.181.161.66

Эхний 5-т орж ирсэн морьдийг айрагт орж ирсэн гэдэг юм.

Avatar

Teneg garbuu 2019-07-12 64.119.17.128

Mongol helee medehgui hevtej hutsah yum erguu yumnuud.

Avatar

Зочин 2019-07-12 64.119.19.59

цагаан суу шиг сэтгэл Ариусгасан Цагдаа нартаа баярлалаа !Тумэн ооонд баярын чимэг нэмсэн шуу!!!

Avatar

Зочин 2019-07-12 202.9.43.193

сайхан үйл явдал болжээ баяр хүргэе энэ жил хийморьтой сайхан явах бизээ

Avatar

Зочин 2019-07-12 139.5.218.244

Баярлалаа

NewsMN Гар утасны хувилбар Татах
NEWS.mn

Мэдээллийн эх сурвалж