Америкийн нэрт дуучин Бейонсе “Disney” компанийн “Араатны хаан арслан” хүүхэлдэйн киноны шинэ хувилбарын дууг дуулжээ. “Spirit” хэмээх нэртэй дуу мягмар гаригт олны хүртээл болсон бөгөөд кинон дээр “Нала”-гийн чухал хэсэг гарах үед эгшиглэх аж.

“Араатны хаан арслан” кино долдугаар сарын 18-нд кино театруудад нээлтээ хийх юм байна. Үүний зэрэгцээ “Араатны хаан арслан: Бэлэг” хэмээх цомгийг гаргахаар төлөвлөж байгаа бөгөөд цомгийн цахим хувилбар долдугаар сарын 11-нд, биет хувилбар долдугаар сарын 19-нд худалдаанд гарах аж.

“Араатны хаан арслан” хүүхэлдэйн киноны "Симба"-гийн дүрд жүжигчин Дональд Гловер, “Нала”-гийн дүрд Бейонсе, "Муфаса"-гийн дүрд жүжигчин Жеймс Эрл Жонс нар тус тус дуу оруулжээ.

Б.ЖАРГАЛ
Эх сурвалж: AP