Хязаалан насанд Д.Даяндэмидийн хонгор үрээ түрүүллээ | News.MN

Хязаалан насанд Д.Даяндэмидийн хонгор үрээ түрүүллээ

Хязаалан насанд Д.Даяндэмидийн хонгор үрээ түрүүллээ

Хязаалан насанд Д.Даяндэмидийн хонгор үрээ түрүүллээ

Тулгар төрийн 2228, Их Монгол Улс байгуулагдсаны 813, Ардын хувьсгалын 98 жилийн ойн Үндэсний их баяр наадам өнөөдөр Хүй долоон худагт хязаалан насны морьдын уралдаанаар эхэллээ.

Хязаалангийн уралдаанд 298 хурдан үрээ шандас хурдаа сорихоор бүртгүүлснээс 184 үрээ гарааны зурхайнаас хөдөлсөн бөгөөд Хөвсгөл аймгийн Мөрөн сумын уугуул, "Ажнай" галын гишүүн Д.Даяндэмидийн хонгор үрээ түрүүлж, Өвөрхангай аймгийн Баян-Өндөр сумын уугуул Д.Мөнхбатын зээрд аман хүзүүд хурдлав.

Уралдааны гуравдугаарт Баянхонгор аймгийн Бууцагаан сумын уугуул н.Баттөмөрийн хүрэн, дөрөвд Улаанбаатар хотын Чингэлтэй дүүргийн Т.Цогбадрахын "Зурвас" цавьдар, Төв аймгийн Баян сумын уугуул Б.Нямжавын хээр тус тус хурдлав.

Хязаалангийн уралдаанд Монгол Улсын тод манлай уяач Т.Батцоожийн хээр халзан, тод манлай алдарт уяач Б.Батхүүгийн хүрэн, аймгийн алдарт уяач Р.Мөнхтөрийн халиун, уяач Т.Галбадрахын хонгор зэрэг улс, бүсийн наадамд түрүүлж айрагдсан хурдан хүлгүүд мордсон юм.

Уралдааны үеэр унаач хүүхэд унаж бэртээгүй талаар Хурдан морины салбар хуралдааны салбар хорооноос мэдэгдэв. Унаач хүүхдүүдийн аюулгүй байдлыг Гэр бүл залуучуудын хөгжлийн газраас болон Нийслэлийн цагдаагийн газраас хяналт тавьж, зөвлөмж өгөн ажиллаж буй юм.

Өнгөрсөн жил Үндэсний их баяр наадмын хязаалан насны морьдын уралдаанд Дорнод аймгийн Чойбалсан сумын харьяат, УИХ-ын гишүүн Х.Болорчулууны зээрд үрээ түрүү магнайд тодорч, наадамчин олноо баясгасан. Харин аман хүзүүнд Булган аймгийн Гурванбулаг сумын харьяат Д.Хишигжаргалын хурдан үрээ хурдалсан билээ.

Өнөөдөр 14.00 цагаас Хүй долоон худагт Шүдлэн насны морьдын уралдаан эхэлнэ.

"Болор дуран"-аар шалгав.
Энэ мэдээнд өгөх таны сэтгэгдэл?
2
ХөөрхөнХөөрхөн
1
ГайхмаарГайхмаар
0
ЗөвЗөв
0
ХахаХаха
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Өлзий 2019-07-10 66.181.187.221

Ганцхан түрүү магнайхаа аймаг сумыг нь бичээгүй бусдыг нь бичсэн байх юм. Ямар хөгийн атаач н**ш вэ

NewsMN Гар утасны хувилбар Татах
NEWS.mn

Мэдээллийн эх сурвалж