Архангай аймгийн Цэцэрлэг сумын Хужирт багийн Зуслан гэдэг газар, сумын төвөөс урд зүгт 23 км-т долдугаар сарын 9-ний өдрийн 16:00-16:30 цагийн хооронд усархаг бороо орж аянга буужээ.

Энэхүү аюулт үзэгдлийн улмаас малчин Г-ийн 600 бог мал, Л-ийн 715 бог мал аянгад ниргүүлж хорогдсон байна. Эл мэдээллийг тус сумын Засаг даргын Тамгын газрын дарга Д.Цэгмэдбаатар Архангай аймгийн Онцгой байдлын газарт тухайн өдрийн 19:00 цагт ирүүлжээ.

Б.ЖАРГАЛ