Наадмын тасалбар дээр "нанчилдсаар" байх уу? | News.MN

Наадмын тасалбар дээр "нанчилдсаар" байх уу?

Наадмын тасалбар дээр "нанчилдсаар" байх уу?

Наадмын тасалбар дээр "нанчилдсаар" байх уу?

Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадам  болоход ердөө ганц хоног үлджээ. Жилийн жилд наадмын тасалбар дээр нанчилддаг явдал энэ жил ч өөрчлөгдсөнгүй.  “Дүнжингарав”, “Драгон”, “Мишээл”, “Оргил” наадмын тасалбарт дугаарлагчдын хөлд дарагджээ.

Өчигдрөөс /2019.07.08/  эхлэн баяр наадмын тасалбарыг худалдаалж эхэлсэн.  Энэ жилийн хувьд  наадмын 6000 мянган тасалбарыг иргэдэд зарах бол 3000 тасалбарыг гадаадын жуулчдад худалдах аж.  Нийтдээ 12 мянган тасалбар хэвлүүлснээс 3000 мянгыг төрийн байгууллагууд, тэдний урилгаар ирсэн гадаадын хүндтэй зочид төлөөлөгчид болон гадаадын Элчин сайдын яамдууд, Дипломат төлөөлөгчийн газар, олон улсын байгууллагууд төлөөллүүдэд олгож байна.

Наадам бүрээр л наадмын тасалбарыг онлайнаар худалдах асуудлыг иргэдээс тавьсан. Энэ жил Нийслэлийн цахим үйлчилгээний нэгдсэн порталаар дамжуулан онлайнаар худалдаалахаар шийджээ. Иргэдэд зарах 6000 мянган тасалбараас 1200 ширхэгийг онлайнаар зарах аж. Өчигдөр /2019.07.08/ эхлүүлсэн онлайн захиалгаар 600 тасалбар борлуулсан байна. Үлдсэн 600-г нь өнөөдөр борлуулж дуусгах аж. Онлайнаар наадмын тасалбар худалдан авахыг хүсвэл https://eservice.ulaanbaatar.mn/ хандаарай. 

Гэхдээ онлайнаар Төв цэнгэлдэх хүрээлэнгийн зөвхөн 6, 7 дугаар секторын суудлыг борлуулж байгаа аж.  Онлайнаар тасалбар захиалсна иргэд Дүнжингараваас баримтаа үзүүлээд очиж авах гэнэ. 

Онлайн захиалга өгөөгүй  иргэд  наадмын тасалбар худалдаж авахдаа заавал  хуруугаа уншуулах аж. Энэ нь наадмын тасалбарыг шаглахаас сэргийлж байгаа арга бололтой. Нэг хүнд ердөө 2 тасалбар өгөх аж. Хэдийгээр наадмын тасалбар шагчдын гарт орохоос сэргийлж энэ мэт арга хэрэглэж буй ч  Дүнжингаравын  үйлчилгээний нэгдсэн төвөөс хоёр иргэн  50 гаруй тасалбарыг авч яваад цагдаагийнханд баригдсан байна.

ТОМООХОН ЦЭНГЭЛДЭХ ХҮРЭЭЛЭН БАРИХ АЖЛЫГ Л ЭХЛҮҮЛЭХ ШААРДЛАГАТАЙ

Нийслэлийн Засаг даргын Тамгын газрын дарга, Үндэсний их баяр наадмыг зохион байгуулах хорооны нарийн бичгийн дарга Э.Содномжамц Үндсэн оршин суугч нь гэхэд 1.4 сая хол давсан хүн амтай Улаанбаатар хотод 12 000 хүний суудалтай ганц Төв цэнгэлдэх хүрээлэн бий. Төв цэнгэлдэхэд наадмын нээлт, хаалт болон бөхийн барилдааныг үзэж сонирхох гэсэн ард иргэдийн зүгээс жилийн жилд гомдол санал гардаг нь үнэн.

Олон арван мянган хүн наадмын тасалбар авах хүсэлтэй байдаг. Түүнчлэн дэлхий нийтэд Монголыг таниулах аялал жуулчлалын гол брэнд болсон гэдэг утгаараа монгол наадмыг маань үзэж сонирхохоор маш олон жуулчин хүсэлтээ ирүүлдэг. БОАЯ-ныхан гэхэд л гадаадын жуулчдад зориулж наадмын нээлт, хаалтын 5000 тасалбар олгох хүсэлтээ ирүүлдэг. Гэвч бид Төв цэнгэлдэх хүрээлэнгийнхээ суудлын тоонд захирагдахаас өөр аргагүй. Аль болох бүхий л боломжит зохион байгуулалтыг хийж байна. Өнгөрсөн жил жуулчдад 2500 тасалбар худалдан борлуулсныг өнөө жил 500-гаар нэмэгдүүлж, 3000-д хүргэлээ. Ер нь цаашид монголчууд бид олон мянган хүний багтаамжтай томоохон цэнгэлдэх хүрээлэн барих ажлыг л эхлүүлэх шаардлагатай байна” гэсэн тайлбар өгөөд байгаа. Эндээс харвал 12 мянгахан хүний суудалтай, ачааллаа дийлэхгүй хүрсэн Цэнгэлдэх хүрээлэнг шинэчлэх цаг болсныг иргэд хэлж байна. 

"ХӨӨЕ ЧИ ЯАХ ГЭЖ БАЙНА. УРДУУР ОРОХГҮЙ ШҮҮ”

Дүнжингарав дээр очлоо. Наадмын тасалбар авах гэсэн иргэд нэг цэгийн үйлчилгээний хаалганаас эхлэн Дүнжингарав захын зүүн үзүүрийг тойртол хүмүүс дугаарлажээ.  Хүмүүсийг  эмх цэгцтэй байлгах үүднээс наагуур нь төмөр хашлага хийж цагдаа нар хамгаалтад гарчээ. 

Хажуугаар нь явах хүмүүсийг “Хөөе чи яах гэж байна. Урдуур орохгүй шүү” гэж хардсан янзтай уцаарлана. Наадмын тасалбар авахын тулд хонон өнжин дугаарлаж байгаагаа  үглэж байна. 

Наадмын тасалбарыг 08.00 цагаас эхэлж борлуулж эхэлнэ гэсэн боловч 11.00  цагийн байдлаар тасалбар олгож эхлээгүйд иргэд гомдоллож байсан юм. 

Дээрх асуудлын хүрээнд мэдээлэл авахаар Нийслэлийн Засаг даргын Тамгын газрын Нийгмийн бодлогын хэлтсийн дарга М.Эрдэнэжаргалтай холбогдох гэсэн боловч утас нь холбогдсонгүй. Тус газрын мэргэжилтэн нь мэдээлэл өгөхөөс татгалзлаа. Ядаж л наадмынхаа тасалбарын нанчилдаангүй, чирэгдэл, дарамтгүй худалдаалдаг болчих юмсан.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
9
ТэнэглэлТэнэглэл
3
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хотын иргэн 2019-07-09 103.111.68.3

Яагаад зөвхөн Монголд л бүх зүйл ингэж буруугаар эргэж байдаг юм бэ, яагаад? Ард түмэнд бна уу, төр засагт бна уу, эсвэл аль алинд нь бна уу? Шорон, төрийн гэх тодотголтой барилгууд /OFFICE, ORON SUUTS/ болохоор 1 жил хүрэхгүй хугацаанд, эмнэлэг, сургууль, цэцэрлэг болохоор 1-ээс дээш жил /хэдэн ч жил болж магадгүй/ болж байж арай гэж нэг юм ашиглалтад орж байх жишээтэй. Яагаад Монголд ийм байдаг юм бэ????????????????????????????????????????

Avatar

Sugar 2019-07-09 202.9.42.101

Ardiin namiinhan tasalbariig namiin gishuuddee ugsun gesen. Gaduur zaraagui

Avatar

Монгол Улсын иргэн 2019-07-09 202.179.8.118

дэлхийн брэнд дэлхийтэй хөл нийлүүлж байна гээд хөлөө хугалчих гээд. гүйдэг биз дээ Дэлхийн чинь цахим орчинд эрс хувьсал хийгдээд одоо 5Ж гараад байна цахимаар билет зарж чадахгүй арчаагүй байна шүү тэрийг гацахгүй хийж чадахгүй л юм байхдаа

Avatar

Зочин 2019-07-09 202.126.89.236

Nanchildaangui nair gej yu baih ve. Tegeed ch 1.6 terbumiin tsever ashigtai business shuudee. Ene ashigiig hen hen hurtej baina ve gedegiig uhval yagaad odoo boltol nanchildsaar baigaa n yodorhoi bolnodoo

Avatar

Банк 2019-07-09 66.181.176.115

Нийслэлийн тамгын газрын уудэнд 170 ширхэгээр нь барьсан шаглаж байна гээ биз дээ

Avatar

Зочин 2019-07-09 49.0.212.89

Хохь нь МАН

Avatar

Зочин 2019-07-09 66.181.191.56

Хүй 7 худагтаа стадион бариасай

Avatar

Zochin 2019-07-09 66.181.177.174

Tasalbar shaglaj sursan hvmvvsiig boliulaachee bvr surchihsa ger bvl ah dvvgeeree avaad surchihsan hulgaichuud ih hetsvv yumaa

Avatar

Зочин 2019-07-09 202.179.31.15

Хотоо өөрсдөө удирд, монголоо өөрсдөө удирд.эртний өст.увс хазгай хэлтнийг бүү ойртуул

Avatar

Зочин 2019-07-09 66.181.185.217

сайт нь алдаа заагаад зарж болохгүй байна лээ

Avatar

Зочин 2019-07-09 146.115.163.21

Negdej online hoyordoj hagas jiliin umnuus zaraach dee

Avatar

Зочин 2019-07-09 64.119.17.184

үнэн тэнэг юмаа бидний муусайн монголчууд . Заавал ч үгүй цэнгэлдэх рүү орох гээд үхэн хатах хэрэггүй ш дээ. Би нэг удаа Наадмыг цэнгэлдэх дотор орж үзсэн. Аймаар муухай үнэртэй, хүмүүсийн хөлс энэ тэр үнэртээд, ямар ч агааргүй бүгчим, бас нэг орсон бол хэсэгтээ буцаж гарах боломжгүй, суудал эгнээ хоорондын зай багтаамж муутай, ар талаар суусан хүмүүс өмдөнд гутлаа арчаад байдаг юм билээ. Би лав тийшээ дахиж хэзээ ч орохгүй. Тусгай суудал, эгнээ нь гоё байдаг л байх даа, гэхдээ л стандарт бус

Avatar

Зочин 2019-07-09 202.9.44.202

Онлайнаар билет авсан энгийн иргэд байна уу?

Avatar

Зочин 2019-07-09 202.9.44.202

Өчигдөр 600 онлайнаар зарсан ч гэх шиг яг ш дээ ажиллахгүй л байсан. Өнөөдөр болсон чинь цахим руу нь ороод бүртгүүлэн захиалах гэхээр үйлчилгээний төрөл сонгох нь хоосон байгаад дутуу бөглөгдсөн байна гээд болохгүй байсан бол одоо бүр наадмын тасалбар захиалга гэдэг нь байхгүй болсон байна. Ард түмнээрээ тоглохоо болиоо. Дэндэж байгаа юм биш үү. Монгол ч сүйрч байгаа юм байна даа. Монголоос төлөөлөн ажлаар гадаад яваад Монголын тэр албан тушаалтан сайд байна гэж хэлэхдээ ичдэг болоосой.

Avatar

зочин 2019-07-09 66.181.161.82

100 000 хүний багтаамжтай цэнгэлдэх барьсан ч багтахгүй шдээ … Жилдээ ганц болдог юмнд зориулж их мөнгө зарах хэрэггүй шд ..аль эсвэл газрыг нь авах гээд шургаад байна уу? .

Avatar

Зочин 2019-07-09 64.119.20.75

Цэнгэлдэх ээ тойроод гороол, хуушуур ид, нарны халх худалдаж ав, do the selfie, тэгээд болоо. Чамд энэ хаваасаг

Avatar

Зочин 2019-07-09 112.72.11.114

ASEM-н үзүүлбэр шиг гадаа хийж болохгүй юм уу?

Avatar

иргэн 2019-07-09 66.181.161.41

нэг хоёр сарын өмнөөс нээлттэйгээр борлуулах боломжтой. сэтгэлгүйй ажлаа мэддэггүй төрийн албаны МАЛНУУД…

Avatar

Зочин 2019-07-09 202.126.88.232

Sugalaagaar buh irgediihee dund ugch baimaar baina. Bi neg udaa ch gesen uzmeer baina shuudee

Avatar

Зочин 2019-07-09 98.253.30.34

Eren suuliin ued naadamiin neelt gej hun uzhees sanaa zovmoor erveer huraavar , nogoo l 5 sum barisan Aluyngo geh met ulig bolson utga uchirgui iym uzeh gej alaldah hereg iy bna. Gadniihand uzuulne ch geh shig bigs ulaamaar iym

Avatar

Зочин 2019-07-09 66.181.191.56

Нээлт гэж ичмээр шоу бодог

Avatar

Gertee uzeh goyo 2019-07-09 108.218.234.108

Ter har haluun narand sharagdan chihtselden barin tulenhii huushuur idej, gedes guilgej, hedhen jorlond ocherloj olnii huld uregden tav tuhgui yavsnaas gertee durtai hooloo hiij idsen shig, gants 1 shil beer shimsen shig TV-iinhee umnu tuhlaj suugaad uzsen ni deer baihaa. Tertei tergui neeh surtei yum bolohgui l yum chin 1 yos bolgood l hardag bolohoos barag gadaadiin suvgaar kino uzeed suusan ni deer.

Avatar

Иргэн 2019-07-09 66.181.182.186

Наадмын комиссын дарга Шадар сайд Ө.Энхтүвшин гэж нэг унхиагүй хоцрогдсон урвагч өвгөний хийж байгаа бантан юм. Арай гайгүй хийморьтой хүнээр наадмын комиссоо ахлуулаачээ Хүрэлсүхээ

Avatar

Зочин 2019-07-09 66.181.179.218

Sait hudalaabsina lee

Avatar

Зэв, Сүбээдэй 2019-07-09 202.9.44.250

Наадмын тасалбарыг нийслэлийн 152 хорооны ажлын албаар дамжуулан иргэдэд худалдаалбал хонон өнжин дугаарлаж очёрлож зогсохгүй шүү дээ. Төрийн байгууллагуудад өгч байгаа билетийн тоог цөөлөх хэрэгтэй. Хажуугаар шагчдыг зогсоох ёстой. 1 хүнд 2 ширхэгийг өгөх нь зөв.

Avatar

зочин 2019-07-09 203.91.115.40

наадмын тасалбар гэдэг чинь мань мэт шиг дугаар хорооны иргэн олж авч чадахгүй юм байна лээ дарга эрх мэдэлтэн болоогүй дээ үнэхээр хармсаж байна

Avatar

Зочин 2019-07-09 119.40.103.6

Наадмаа жаахан уужуу томоохон газарт хийж болдоггүй л юм байх даа. Хамаг газраа, цэнгэлдэх хүрээлэнгээ зарчихдаг төр манайхаас өөр байхгүй байх.

Avatar

Батдулам 2019-07-09 66.181.190.114

Өчигдөо сайт гацаад ажиллахгүй шүү дээ .тухайлбал бид ах дүү ач зээ нийлсэн 12хүн хотын 12 байрллалаас оролдоод амжаагүй.

Avatar

zochin 2019-07-09 64.119.16.89

naadmyn tasalbaraa ch khudaldaj chadakhguy mun ch erguu khumuus yum daa

Avatar

naluh 2019-07-09 103.57.95.181

Хүний бичсэн гарчиг хулгайлахаа болиочээ ньюс ичээч!!!

NewsMN Гар утасны хувилбар Татах
NEWS.mn

Мэдээллийн эх сурвалж