Хэнтий аймагт 13 настай хүү моринд чирэгдэж амиа алдсан харамсалтай хэрэг гарчээ. Тодруулбал, тус аймгийн Өндөрхаан сумын эмнэлэгт энэ сарын 7-ны өдөр бага насны хүүхэд биедээ ил харагдах шархтай нас барсан ирсэн гэх дуудлагыг цагдаагийн байгууллагад өгчээ.

Уг мэдээллийг цагдаагийн байгууллагаас шалгахад Нийслэлийн Баянгол дүүрэгт оршин суух хаягтай Б гэх 13 настай эрэгтэй хүүхэд моринд чирэгдэж хоёр бугалганы ар, нүүр хацар орчим зулгаралттай, баруун нүд хөхөрч хавдсан байдалтай нас барсан байна. Хэргийг Хэнтий аймаг дахь цагдаагийн газарт Эрүүгийн хэрэг үүсгэн шалгаж эхэлсэн аж. Иймд амралт зугаалга эхэлсэн энэ үед эцэг эхчүүд бага насны хүүхдэдээ тавих хараа хяналтаа сайжруулж, болзошгүй эрсдэлээс сэргийлэхийг цагдаагийн байгууллагаас анхааруулж байна.

Э.АРИУН