Бразилын шигшээ баг тивийн аваргын ес дэх цомоо хүртэв | News.MN

Бразилын шигшээ баг тивийн аваргын ес дэх цомоо хүртэв

Бразилын шигшээ баг тивийн аваргын ес дэх цомоо хүртэв

Бразилын шигшээ баг тивийн аваргын ес дэх цомоо хүртэв

Өмнөд Америк тивийн хөлбөмбөгийн аварга шалгаруулах тэмцээн Копа Америка-2019 амжилттай болж өндөрлөлөө. Тэмцээний аваргаар зохион байгуулагч Бразилын шигшээ баг түрүүлж, тивийнхээ цомыг ес дэх удаагаа өргөв. Перугийн шигшээ баг Аргентины шигшээ багийг буулгаж авч багагүй шуугиан тариад амжсан ч Бразилын шигшээ багийг буулгаж авна гэдэг “бараг” л боломжгүй байсан. Учир нь Бразилын шигшээ баг байрлал бүртээ эрч хүчтэй, авъяаслаг залуусаас бүрдсэн, мөн талбай дээрээ хөгжөөн дэмжигчдийнхээ өмнө тоглож байгаа. Үүнийгээ ч батлан харуулж алдарт “Маракана” цэнгэлдэ хүрээлэнд ирсэн 80000 гаруй хөгжөөн дэмжигчдийнхээ өмнө хүртэх ёстой цомоо хүртлээ.

Тэмцээний аваргын төлөө Бразилын шигшээ баг Перугийн шигшээ багтай тоглож 3:1 харьцаатай хожсон байна. Тоглолтын эхний гоолыг 15 дахь минутанд Г.Жесүсийн дамжуулалтаар Эвертон гоолдож Бразилын шигшээ тэргүүлж эхэлсэн. Перугийн шигшээ багаас ахлагч П.Геррейро тэнцээний, багийнхаа нэр төрийн нэг гоолыг оруулсан ч Бразилын шигшээ баг тооны харьцааг илүү гаргахад тийм ч их удсангүй. Бразилын шигшээ багийн довтлогч нар ур чадвараа гайхуулсан довтлогоог эхлүүлснийг Г.Жесүс төгсгөснөөр тоглолтын эхний хагас 2:1 харьцаатай талбайн эздийн тэргүүллээр өндөрлөсөн.

Перугийн шигшээ баг 70 дахь минутааас хойш 1 хүний илүүтэй тоглосон ч тоог тэнцүүлж чадалгүй, харин ч тоглолтын төгсгөлд хаалгандаа гоол алдсан. Бразилын довтлогч Г.Жесүс бөмбөгт үсрэхдээ эсрэг багийн тоглогчид алдаа гаргасан гэж үзсэн шүүгч улаан хуудас өгснөөр талбайг орхисон. Гэвч хүний дутуу ч гэсэн тоглолтын сүүлчийн цэгийг Английн Эвертон клубын Ришарлисон тавьж 90 дэх минутанд 11 м-н цохилтоор багийнхаа 3 дахь, шигшээ тоглолтын 4 дэх гоолыг оруулсан байна.

Ийнхүү Бразилын шигшээ баг 2007 оноос хойш анх удаагаа тивдээ түрүүлж, Копа Америка тэмцээний цомыг 9 дэх удаагаа хүртлээ. Тэмцээний шилдгээр Бразилын шигшээ багийн ахлагч Д.Алвес, шилдэг хаалгачаар А.Беккер, Эвертон болон Перугийн шигшээ багийн П.Геррейро нар шалгарчээ.

Б.БЯМБАБАЯР

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж