Зөвшөөрөлгүй цэгт хүнс, худалдаа эрхэлбэл 50-500 мянган төгрөгөөр торгоно | News.MN

Зөвшөөрөлгүй цэгт хүнс, худалдаа эрхэлбэл 50-500 мянган төгрөгөөр торгоно

Зөвшөөрөлгүй цэгт хүнс, худалдаа эрхэлбэл 50-500 мянган төгрөгөөр торгоно

Зөвшөөрөлгүй цэгт хүнс, худалдаа эрхэлбэл 50-500 мянган төгрөгөөр торгоно

Үндэсний их баяр наадмын өдрүүдээр Төв цэнгэлдэх хүрээлэн болон Хүй долоо худагт Нийслэлийн мэргэжлийн хяналтын газрын 400 улсын байцаагч, цагдаа нартай хамтран хяналт тавьж ажиллана. Баярын өдрүүдээр хүнс, худалдаа үйлчилгээний 713 цэг үйл ажиллагаа явуулах бөгөөд дараах зүйлсийг хориглож, иргэдийг худалдан авахгүй байхыг анхаарууллаа.

  • Гар дээрээс ил задгай худалдаа, барааны төвлөрсөн худалдаа эрхлэх; согтууруулах ундаа, тамхи худалдах
  • Майонез, өндөг, крем, хиам тэдгээрийг оролцуулсан түргэн гэмтэж, муудах бүтээгдэхүүн худалдах;
  • Халаасан хоолоор үйлчлэх, нөөшилсөн бүтээгдэхүүнийг задалж худалдах, удсан хоолыг дахин боловсруулж үйлчлэх;
  • Шорлог, хуушуур, хорхог зэрэг халуун боловсруулалт хийсэн бүтээгдэхүүнийг заасан байрлалаас өөр газарт зөөж худалдах;
  • Зөвшөөрөл олгосон цэгээс бусад байршилд гэр, асар, сүүдрэвч байрлуулах;
  • Хог хаягдлыг ил задгай хаях, шингэн хаягдлыг зориулалтын цэгээс бусад газарт асгах;
  • Хүний эрүүл мэнд, аюулгүй байдалд сөргөөр нөлөөлөх худалдаа, үйлчилгээ эрхлэх;
  • Монгол Улсын Засгийн газрын 2018 оны зургадугаар сарын 28-ны өдрийн 189 дүгээр тогтоолоор “0,035мм болон түүнээс нимгэн нэг удаагийн нийлэг хальсан уутыг худалдаа үйлчилгээнд хэрэглэхийг хориглосон” уут хэрэглэх
  • Аюулгүй байдлын шаардлага хангаагүй газын хэрэгсэл хэрэглэхийг тус тус хориглоно.

Баяр наадмын үеэр хориглосон, зөвшөөрөлгүй худалдаа үйлчилгээ явуулсан тохиолдолд дараах арга хэмжээ авах юм. Тодруулбал,

  1. Төрийн хяналт шалгалтын тухай хууль 10.9.7. заалт: Хүний амь нас, эрүүл мэнд, хүрээлэн буй орчинд шууд буюу шууд бусаар хор хохирол учруулж байгаа буюу учруулж болох нь зохих ёсоор нотлогдсон, үйл ажиллагааг бүхэлд нь буюу хэсэгчлэн уг зөрчлийг арилгах хүртэл түр зогсоох, холбогдох бүтээгдэхүүнийг худалдах, борлуулахыг хориглох, устгах, энэ тухай олон нийтэд зарлан мэдээлэх.
  2. Зөрчлийн тухай хуулийн 6.15 дугаар зүйл. Хүнсний бүтээгдэхүүний аюулгүй байдлыг хангах тухай хууль зөрчих

3.1.Хүний эрүүл мэндэд сөрөг нөлөө үзүүлэх, эсхүл хэрэглэж дуусах хугацаа нь хэтэрсэн, эсхүл хуурамч хүнсний бүтээгдэхүүн үйлдвэрлэсэн, хадгалсан, худалдсан, үйлчилсэн бол зөрчил үйлдэхэд ашигласан эд зүйл, хууль бусаар олсон хөрөнгө, орлогыг хурааж, учруулсан хохирол, нөхөн төлбөрийг гаргуулж хүнийг таван зуун нэгжтэй тэнцэх хэмжээний төгрөгөөр, хуулийн этгээдийг таван мянган нэгжтэй тэнцэх хэмжээний төгрөгөөр торгоно.

  1. Зөрчлийн тухай хуулийн 10.4 дүгээр зүйл. Худалдаа, үйлдвэрлэл, үйлчилгээ, үйл ажиллагааны журам зөрчих:

1.Зөвшөөрөлтэйгөөр эрхлэх худалдаа, үйлдвэрлэл, үйлчилгээг зөвшөөрөлгүйгээр явуулсан бол хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгох.

2.Эрх бүхий байгууллагын шийдвэрээр хориглосон газар, цэгт худалдаа, үйлдвэрлэл, үйлчилгээ явуулсан бол хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгох хуулийн заалтууд бий.

Б.ЦЭЦЭГ

"Болор дуран"-аар шалгав.
Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Баяраа (Зочин) 2019-07-11 66.181.188.137

эрүүл чанартай бүтээгдэхүүнээр үйлчилэж байгаа үед зөвшөөрөл ямар хамаа байна вэ ? юмны түрүүнд торгохоо л мэддэг ийм улс болохоор л хөгжиддөггүй ард түмний амьдрал ядуу байдаг юм. чадаж л байвал дэмжих хэрэгтэй шүү дээ ! Жишээлвэл хятад улс гэхэд л Бээжин хотдоо чөлөөтэй гудамжиндаа ард түмэн нь чөлөөтэй хоол ундаа зардаг ийм байж улс орон хөгжидөг. Манайх шиг бүх зүйлсийг хориглож байдаг тэнэг улс орон байхгүй.Тиймээс монголчуудаа чөлөөтэй юмаа хийе бүү ай !

NewsMN Гар утасны хувилбар Татах
NEWS.mn

Мэдээллийн эх сурвалж