ОХУ-ын хөгжмийн зохиолч, дуучин Григорий Лепс АНУ-ын жүжигчин, продюссер Стивен Сигалтай хамтарч дуулахаар болсноо өөрийн цахим хуудаснаа мэдээлжээ.

Түүний мэдээлснээр энэхүү хамтын уран бүтээл нь дуу хөгжмийн “Жара” наадамд оролцох бэлтгэл ажил болох юм байна. Гэхдээ тэд яг ямар бүтээл дээр хамтарч буйгаа шүтэн бишрэгчдээсээ нууцалжээ.

Үүнээс гадна Стивен Сигалтай авхуулсан зургаа цахим сайтдаа байршуулсан нь түүний хувьд нэг шат ахисан хэрэг боллоо хэмээн үзэгч, сонсогчид дүгнэжээ.

Ц.Ариунзаяа

Эх сурвалж: news.day.az