"Шинэ нисэх буудлын үйл ажиллагаа 10 сарын дараа жигдэрнэ" | News.MN

"Шинэ нисэх буудлын үйл ажиллагаа 10 сарын дараа жигдэрнэ"

Хуучирсан мэдээ: 2019.07.08-нд нийтлэгдсэн

"Шинэ нисэх буудлын үйл ажиллагаа 10 сарын дараа жигдэрнэ"

"Шинэ нисэх буудлын үйл ажиллагаа 10 сарын дараа жигдэрнэ"

Төв аймгийн нутаг Хөшигийн хөндийд баригдаж буй олон улсын шинэ нисэх онгоцны буудлын барилга байгууламжийн ажил 13 жил дамнасны эцэст ашиглалтад ороход бэлэн болсон ч үүдээ нээх болоогүй байна. Төлөвлөгөө ёсоор бол 2018 оны есдүгээр сард албан ёсны нээлтээ хийх байсан ч зорчигчдоо хүлээн авах хугацаа дахин 10 сараар хойшилжээ. Учир нь, Хөшигийн хөндийн нисэх онгоцны буудал” ТӨХХК, Японы талаас “Консорциум SPV” буюу “Жапан Эйрпорт Менежмент” ХХК төслийг хэрэгжүүлэхээр болж, концесс эзэмшигчид гэрээ хүчин төгөлдөр болсноос хойш 10 сарын дотор өөрийн хөрөнгөөр бэлтгэл ажлаа ханган нисэх буудлын ажлыг эхлүүлэхээр төлөвлөсөн байна. Концессын гэрээнд Монгол Улсын Засгийн газрыг төлөөлж Үндэсний хөгжлийн газар, Япон, Монголын хамтарсан “Нью интерэйшнл эйрпорт” ХХК-ийн төлөөлөл гарын үсэг зурах ёслолын ажиллагаа долдугаар сарын 5-нд болсон юм.

ОЛОН УЛСЫН НИСЭХ ОНГОЦНЫ БУУДАЛ АШИГЛАЛТАД ОРВОЛ 30 МЯНГАН ОРШИН СУУГЧТАЙ ДАГУУЛ ХОТТОЙ БОЛНО

Ерөнхий сайд У.ХҮРЭЛСҮХ:

– Энэхүү олон улсын нисэх буудал ашиглалтад орсноор 30 мянга гаруй оршин суугчтай дагуул хот байгуулагдаж, эдийн засгийн хөгжлийн шинэ үндэс тавигдах эхлэл бий болно. Улаанбаатар хотын олон улсын шинэ нисэх онгоцны буудал нь хоёр орны найрамдалт харилцааны шинэ бэлгэ тэмдэг болохын зэрэгцээ Монгол Японы стратегийн түншлэлийг гүнзгийрүүлж, бүс нутгийн хөгжил дэвшилд үнэтэй хувь нэмэр оруулна.

НИСЭХ БУУДЛЫН ҮЙЛ АЖИЛЛАГАА 10 САРЫН ДАРАА ЖИГДЭРНЭ

 Зам тээврийн хөгжлийн сайд  Б.ЭНХ-АМГАЛАН: 

-Энэ бол Монгол, Япон хоёр улсын түүхэнд тэмдэглүүштэй үйл явдал болж байна. Нисэх буудлын үйл ажиллагаа 10 сарын дараа жигдэрсэн байх болно. Туршилт, тохируулгын ажлаас эхлээд гадна, дотнын сургалт, нисэхийн авиа компаниуд нүүж ирэх гээд энэ бүхэн явагдаж дуусаад бүрэн хүчин чадлаараа ажиллана. Менежментийн үйл ажиллагааг Японы тал хариуцаж ажиллана. Энэ бол Монгол Улсад нисэх буудлуудыг удирдах менежментийн арга барилд суралцана, шинэ ноухау нэвтэрнэ гэсэн үг. Япон чанар, япон технологи нэвтэрнэ гэсэн үг.

АГААРЫН ҮҮД ХААЛГЫГ НЭЭСНЭЭРЭЭ МАНАЙ ХОЁР УЛСЫН СТРАТЕГИЙН ТҮНШЛЭЛ УЛАМ БАТЖИНА

Япон Улсаас Монгол Улсад суугаа Онц бөгөөд Бүрэн Эрхт Элчин сайд ТАХАОКА МАСАТО: 

-Шинэ нисэх онгоцны буудлын менежментийн гэрээнд гарын үсэг зурсандаа туйлын их баяртай байна. Япон, Монгол хоёр улсын найрамдалт харилцаа эртнээс уламжлалтай. Өнөөдрийн шинэ нисэх онгоцны буудал нь үүний томоохон илрэл. Агаарын үүд хаалгыг нээснээрээ манай хоёр улсын стратегийн түншлэл улам батжиж, хөгжих болно. Шинэ нисэх онгоцны буудал аюулгүй, саадгүй нислэгийн үйл ажиллагааг явуулах шаардлагатай учраас энд ажиллаж байгаа монгол ажилчдад япон мэргэжилтнүүд төрөл бүрээр сургалт зохион байгуулж, үйл ажиллагааг саадгүй үргэлжлүүлэхэд бүх талаар нь дэмжиж ажиллана гэлээ.

Монгол Улс Япон улсаас 40 жилийн хугацаатай, жилийн 0.1 хувийн хүүтэй нэн хөнгөлөлттэй зээлээр хийж буй. Ийнхүү гэрээ хүчин төгөлдөр хэрэгжиж эхэлснээс дээрх хугацааны дараа л шинэ нисэх буудал үүдээ нээх аж. Үүнийг олон нийтийн зүгээс шинэ нисэх буудлын нээлтийн үйл ажиллагаатай андуурсан нь концессын гэрээний үеэр туршилтын нислэг Хөшигийн хөндийн нисэх буудалд газардсантай холбоотой.

Менежментийг эхлүүлж байгаа гэдэг нь нислэг үйлдэж албан ёсоор ашиглалтад орж байгаа гэсэн үг биш гэдгийг Хөшигийн хөндийн нисэх онгоцны буудал ТӨХХК-ийн төсөл хэрэгжүүлэгч нэгжийн захиргааны мэргэжилтэн Б.Намуун тодотгосон юм.

Нийт 65.6 тэрбум иений өртөгөөр бүтэж буй ашиглалтад орвол жилдээ 1.5-3 сая хүртэлх зорчигч хүлээн авах боломжтой учир одоогийн нисэх онгоцны буудлаас 2.5 дахин том. Оргил ачааллын үед цагт 1500 зорчигч хүлээн авна гэж үзсэн бол шинэ нисэх онгоцны буудал ашиглалтад орсноор 720 хүний ажлын байр бий болно гэж тооцоолсон гэж Иргэний нисэхийн ерөнхий газрын Тэргүүн дэд дарга Б.Алтанцом ярилаа. Тэрбээр “Өнөөдрийн байдлаар шинэ нисэх онгоцны буудал ашиглалтад ороогүй. Албан ёсны нээлтээ хийснээр дээрх ажлын байр бий болно. Мөн нисэх онгоцны буудлыг тойрсон бусад бизнесийн байгууллага үйл ажиллагаа явуулж хүрээгээ тэлэх боломжтой. Концессын гэрээ байгуулснаар 10 сарын дараа ашиглалтад орно” хэмээсэн билээ.

Шинэ нисэх онгоцны буудал нь зорчигч тээврийн терминал нь 3800 шоо дөрвөлжин талбайтай, хоёр талаасаа хөөрч буух зурвастай, нэг дор 21 онгоц хүлээн авах агаарын хөлгийн зогсоолтой, 800 метр кубын багтаамжтай, цэвэр усны  байгууламж, 42 мегаваттын хүчин чадалтай дулааны станц, 825 машины зогсоол, 200 машины дулаан зогсоол барьжээ.

Ийнхүү олон жил яригдсан нисэх онгоцны буудал 13 жил яригдсны эцэст дахин 10 сарын дараа ашиглалтад орно гэдгийг холбогдох албаны хүмүүс хэлж байгаа бол урд хөршид дэлхийн хамгийн Дашин олон улсын нисэх онгоцны буудлын барилгын ажил дөрвөн жилийн дотор /2016-2019 он/дуусч ирэх есдүгээр сарын сүүлээр нээлтээ хийхээр төлөвлөжээ.

Тус нисэх буудал нь 2025 онд 72 сая зорчигч, 620 мянган нислэг хүлээж авах бол 2040 онд бүрэн хүчин чадлаараа ажиллах үед 100 сая зорчигч, 880 мянган нислэг хүлээн авна гэж тооцоолжээ. Харин гурван сая гаруй хүн амтай Монгол Улсын хувьд Хөшигийн хөндийн олон улсын нисэх буудлын барилгын ажил 13 жилийн дараа дуусч байгаа нь энэ юм.

 

ГЭРЭЛ ЗУРГИЙГ Г.БИЛГҮҮН

Б.ЦЭЦЭГ

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-08 78.187.120.177

Буудлын бүхий л менежментийг япончуудаар хийлгэх нь зүйтэй, монголчууд хэзээ ч бусдад үйлчилгээ үзүүлж чадахгүй, сурахдаа хойрго, нүүдэлчин ахуй нь салахгүй, суурин газрын үлйчилгээний соёлд суралцах, дасах болоогүй юм байна лээ

Avatar

Зочин 2019-07-08 203.91.118.180

Хятад Монгол 2-ыг харьцуулаад хархад л хангалттай…. хятад дэлхийн хамгийн том буудлыг 4 жилд, Монгол нэг жижиг буудлыг 13 жилд л барьж байна шдээ тэнгэр газар шиг ялгаа байна даа … энэ ялгаа хэзээ арилдаг юм болдоо…. ямартай ч буудлаа бариад авсан яамай даа …..

Avatar

Bbbb 2019-07-08 210.120.112.10

Zaaval 10 sar. Songuuli hurgej baij l neg yum neesen ner zuuh yum bna

Avatar

Япон менежмент 2019-07-08 202.21.127.160

Монголчууд бараг оролцож хэрэггүй дээ, 100 хувь Япон менежмент хийлгээд явсан нь дээр байсан. Нарита дээр ар араасаа цуварч онгоц бууж хөөрч байхад ачаа нь гараад ирэхэд л эргэлдэж байдаг. Харин манайд өдөртөө хуруу дарам хэдэн онгоц бууж хөөрнө. Хүн нь гарч ирээд хүлээгээд байна, ачаа нь тар няр гээ л увж цуваа л…

Avatar

иргзн 2019-07-08 202.179.24.198

МАН Сонгуулийн Шоундаа ашиглах гэж байна л даа Уул шугамандаа Иргэд олон түмэн иймэрхүү Арга залийг нь ч нэг муу гадарлалгүй дээ

Avatar

Зочин 2019-07-08 122.201.28.15

энэ онгоцны буудлын ажилд Самсунгын туслан гүйцэтгэгчээр ажилласан ихэнхи Монгол компаниуд нь дампуурсан даа.

Avatar

Зочин 2019-07-08 122.201.28.15

энэ онгоцны буудалд Самсунгын туслан гүйцэтгэгчээр ажилласан ихэнхи Монгол компаниуд дампуурсан даа.

Avatar

zochin 2019-07-08 122.201.23.226

end humuus neelt hiilee geed uurlaad baih yum. japan menegment-iin bagt huleelgen ogch baigaa sh dee. yumnii uchir olohgui baij l shuumjlehee bodoh yum. ter songuuli ene tert tui ch hamaagui. uls torjuulehee bolitsgoo

Avatar

сонгуулийн шоунд ашиглана 2019-07-08 64.119.17.181

МАН 2020 оны сонгуулийн шоунд ашиглана гэж байна

Avatar

Зочин 2019-07-08 70.77.22.160

Энэ буудал манай улсын өрийг 740 сая $ оор нэмсэн ямарч үр дүнгүй ийм л 1 улс төрчжсөн обьект бий боллоо, яг үнэндээ хуучин буудлаас ялимгүй том барих явцаа баахан жавчаа орсон газар бна лээ, арай л дэндүү , ийм аэрпорт Xятадад бол 180-200 сая$ босно, бодит өртөг өөсөө 4 дахин их мөнгө зарцуулсан,

Avatar

Зочин 2019-07-08 202.131.227.114

Танай сайт бүх зүйлийг гуйвуулж бичих юм. Аливаа мэдээллийг сайтар нягталж, шалгаж байж тавих хэрэгтэй. Япончууд гэрээгээр хүлээсэн үүргээ биелүүлж, зорчигч терминалын болон бусад дагалдах 30 гаран барилгыг яг графикт хугацаандаа барьж дууссан. Гагцхүү Монголын талаас хүлээсэн үүргээ биелүүлж чадаагүй. Дахин дахин Япон талаас санхүүжилт нэхэж, тэр бүгдийг нь Япончууд биелүүлсэн. Хурдны зам нь одоо л ашиглалтад орж, Ангар нь 2020 онд орно. Менежментийн гэрээгээ дөнгөж сая л хийлээ.

Avatar

зочин 2019-07-08 202.131.245.69

үйл ажиллагаа цогцоороо хийгдэх үед нь нээлт хиймээр бол хийж байгаач. 10 сарын дараа МАн-ы энэ хэд байхгүй байж магадгүй л гээгүй юм бол мөнгө цаг үрсэн балай үзүүлбэрээ болих хэрэгтэй. Сангийн яам ийм үргүй зардлуудыг гаргахгүй гэж тас гүрийх хэрэгтэй.

NewsMN Гар утасны хувилбар Татах
NEWS.mn

Мэдээллийн эх сурвалж