Хөгжмийн зохиолч Б.Шарав, Н.Жанцанноров нарт Хөдөлмөрийн баатар цол олгоно | News.MN

Хөгжмийн зохиолч Б.Шарав, Н.Жанцанноров нарт Хөдөлмөрийн баатар цол олгоно

Хөгжмийн зохиолч Б.Шарав, Н.Жанцанноров нарт Хөдөлмөрийн баатар цол олгоно

Хөгжмийн зохиолч Б.Шарав, Н.Жанцанноров нарт Хөдөлмөрийн баатар цол олгоно

Тулгар Төрийн 2228, Их Монгол улсын 813, Ардын хувьсгалын 98 жилийн ой, Үндэсний эрх чөлөө, тусгаар тогтнолоо сэргээн мандуулсны 108 жил, Үндэсний их баяр наадмыг тохиолдуулан Монгол Улсын Ерөнхийлөгч Х.Баттулга зарлиг гаргаж,  ажил  үйлсээрээ манлайлагчид, гавшгайлагчдад төрийн цол, одон медаль  өнөөдөр /2019.07.08/ хүртээнэ. Төрийн дээд цол, одон, медаль гардуулах ёслол Төрийн ордны Есөн хөлт, цагаан тугт танхимд болж, шагналыг Монгол Улсын Ерөнхийлөгч Х.Баттулга гардуулан өгнө.

Монголын орчин үеийн хөгжмийн урлагийг хөгжүүлж, дэлхийд улсаа сурталчлахад оруулсан хувь нэмрийг нь төр үнэлэн  Хөдөлмөрийн баатар цол тэмдгийг Төрийн шагналт, Урлагийн гавъяат Зүтгэлтэн, "Чингис хаан" одонт хөгжмийн зохиолч Б.Шарав, Төрийн хошой шагналт, Ардын жүжигчин, хөгжмийн зохиолч, Н.Жанцанноров нарт  олгохоор болжээ.

Төрийн шагналт, Урлагийн гавъяат Зүтгэлтэн, "Чингис хаан" одонт хөгжмийн зохиолч Б.Шарав гуай мэргэжлийн урлагийн байгууллагад олон жил үр бүтээлтэй ажиллаж, олон симфони, удиртгал, магтуу, бүжгийн жүжгийн болон киноны хөгжим нийтийн дууны ая зохиосон агуу хөгжмийн зохиолч билээ.Тэрбээр  "Чингис хаан" дуурь, "Зуурдын орон" балет, "Ононд хатаагдсан илд" дуулалт жүжиг, 1,2-р симфони, "Замбуутивийн наран" магтуу, "Эх орон" зэрэг 30 романс, 20 гаруй цөөхүүл хөгжмийн бүтээл, "Сэрсэн тал" үндэсний найрал хөгжмийн удиртгал, "Ард Аюуш", "Байлдааны даалгавар", "Илүү сартай зун" зэрэг олон киноны хөгжим бичсэн байна.

Монголын соёл урлагийн салбарт хийж бүтээсэн олон гайхалтай үйл хэрэг, уран бүтээлүүдээрээ түмэн олны талархлыг хүлээсэн хүн бол Ардын жүжигчин, Төрийн хошой соёрхолт хөгжмийн зохиолч Н.Жанцанноров билээ.  Тэрбээр нийтдээ 300 орчим бүтээл туурвисаны дотор киноны 20 гаруй хөгжим, 10 гаруй драмын жүжгийн хөгжим бүтээж, "Монголын хөгжмийн 12 хөрөг" /Сонатын аллегро/, "Хөгжмийн онолын нэр томъёоны тайлбар толь" хөгжим судлалын ном, уран бүтээлийн найман  CD хэвлүүлсэн байдаг.

Мөн "Мандухай цэцэн хатан", "Мөнх тэнгэрийн хүчин дор", "Би чамд хайртай" киноны хөгжим, "Тогосын цагаа овоо", "Аргалд явсан ээж минь", "Бурхан бумбын орон", "Хүний заяа" зэрэг 100 гаруй дууны аяыг зохиожээ. Түүний эдгээр хийсэн бүтээсэн бүхэн нь хэдийн бидний зүрх сэтгэлд хоногшин үлдэж чаджээ.Тэрбээр  1989 онд "Мандухай цэцэн хатан" киноны хөгжмөөр, 2000 онд Морин хуурт зориулсан шилдэг бүтээлүүдээрээ "Төрийн шагнал"-ыг хоёр  удаа, 2005 онд "Ардын жүжигчин" цол хүртжээ.

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
19
ЗөвЗөв
2
ХахаХаха
2
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2019-07-08 202.126.89.212

Энэ агуу авяастай , бүтээлтэй хүмүүстэй элдэв юм бүү ярьцгаадаа. Ингэж ч бол тэднийгээ дэмжиж сэтгэлий нь ч бол засах хүндэтгэх хэрэгтэй шүү олон түмэн минь. Ховорхон авьяастнууд. Та нараараа бахархдаг, ийм хүмүүс байхгүй бол яана аа гэж бодогддог. Баяр хүргэе.

Avatar

зочин 2019-07-08 202.9.43.227

Үе үеийн ерөнхийлөг нар их өгөөмөр амьтан болж харагдах гээд баруун солгойгүй шагнал тараачих юм аа ..

Avatar

Зочин 2019-07-08 203.91.115.56

Шарав гуайд өгөх нь зөв жанцанноров нь одоо болио

Avatar

иргзн 2019-07-08 202.179.24.198

эд нарт одоо болно доо Төр хангалттай Хайр хишгээ хүртээсэн ш дээ

Avatar

Зочин 2019-07-08 202.55.188.45

Энэ цол шагналуудыг зүгээр л больчиж болдоггүй юм байх даа. Сүүлдээ барьцаж түрцээд авч байж дуусахгүй бол сүнс нь тониолохгүй боллоо. Шарав гуй энэ шагналтай шагналгүй хүлээн зөвшөөрөгдсөн хүн. Харин Жанцаноровт ганц олигтой симфони байна уу? Бидний нэг ийм талцсан стэгэлгээ бөх, улс төрөөс халиад одоо бүх салбар луу түрж орлоо.

Avatar

Зочин 2019-07-08 70.77.22.160

Энэ балай зүйлээ сээ татгалзаач, зах зээлээрээ яв, хэн ч ямар ч хүн улсын төлөө биш өөрмйнхөө төлөө явдөг, ганцхан удирдагч үүрэг хүлээсэн цэргийн хүмүүс л тухөйн агшинд улсын төлөө явна, тэр бол дайны болон тусгай ажиллагааны үед тэрнээс биш Жанцанноров бол маш хүүхэмсэг бас ш**** л хүн, харин авьяастай бол үнэн.

Avatar

Төрийнхөө хишгийг хүртэж л байг л дээ 2019-07-08 139.5.219.129

Ямар авилгачин, луйварчин, Төрийн албан тушаал үнэлэн зардаг, газрын наймаачин ллрууд биш.

Avatar

Зочин 2019-07-08 202.131.245.243

Шарав гуайд өгч болж байна аа. Арилжааны хөгжмийн зохиолч Жанцанноров нэг ажлаа хэд дахин төрөөр үнэлүүлэх гэсэн юм бэ? Одоо больж үз ээ. Ямар их шуналтай юм бэ?

Avatar

Zochin 2019-07-08 202.126.89.176

Chingesiin Jagai the hu Dashka 2 t toriin soyrhol ogoochee rock popiin 2 nasaara zutgle.1tamirchinii amjiltiig hodolmoriin baataraar mylaagaad baidag baij

Avatar

Зочин 2019-07-08 122.201.21.24

энэ шагнал цол тэмдэг бүр утгаа алдлаа, баяр болохоор л шагнал горьдсон хүмүүс. социализмын энэ балай ёсноосоо салаачээ

Avatar

Зочин 2019-07-08 66.181.170.73

Зөв хийсэн юмтай улстай юу ярихав. Өгөхөөс яахав.

Avatar

Зочин 2019-07-08 49.0.218.180

Жанцанноров Шарав 2 той юу ярих вэ дээ.урлагт их юм хийсэн хосгүй авъяастнууд. Бидний бахархал.дэлхийд танигдсан алдартнууд..

NewsMN Гар утасны хувилбар Татах
NEWS.mn

Мэдээллийн эх сурвалж