Галын аюулд өртсөн зургаан хүүхэдтэй гэр бүлд гэр гардуулан өгөв | News.MN

Галын аюулд өртсөн зургаан хүүхэдтэй гэр бүлд гэр гардуулан өгөв

Галын аюулд өртсөн зургаан хүүхэдтэй гэр бүлд гэр гардуулан өгөв

Галын аюулд өртсөн зургаан хүүхэдтэй гэр бүлд гэр гардуулан өгөв

НИТХ-ын төлөөлөгч, Хан-Уул дүүргийн Засаг дарга Ж.Алдаржавхлан 2019 оны 07 дугаар сарын 05-ны өдөр Хан-Уул дүүргийн 09 дүгээр хорооны иргэн Б.Гүррагчаагийн гэр бүлд болон 10 дугаар хорооны иргэн Ж.Батаа нарт иж бүрэн таван ханатай өргөө цагаан гэр өгчээ.

Б.Гүррагчаагийнд 2019 оны 07 дугаар сарын 03-ны өдөр гэрт нь гэнэт гал гарч, зөвхөн өмссөн хувцастайгаа 10 сартайгаас 12 насны зургаан хүүхдүүдийн хамт орох оронгүй болоод байсан аж.

Гал гарахыг харсан хөрш эмэгтэй Онцгой байдлын хэлтэст шуурхай дуудлага өгч, хүний алтан амь эрсдээгүй билээ. Дүүргийн Засаг даргын зүгээс Б.Гүррагчаагийн хөрш, зургаан хүүхдийн алтан амийг аварсан Т.Нарангэрэлд гүн талархал илэрхийлэн, бичиг баримтгүй болсон хүүхдүүдэд “Төрсний гэрчилгээ”-г гардуулан өгчээ.

Мөн 10 дугаар хорооны иргэн Ж.Батаа нь өвчний улмаас ажил хөдөлмөр эрхэлдэггүй, байнгын асаргаа сувилгаатай байдаг бөгөөд өөрийн гэсэн орох оронгүй хамаатан садангийнхаа хажууд амьдарч ирсэн байна. Тэрбээр “Өнөөдөр баяр наадмын өмнө өөрийн гэсэн өргөө цагаан гэртэй болж байгаадаа туйлын баяртай байна” гэж хэлжээ. Сайн үйлс бүхэн дэлгэрэх болтугай.

Ч.ТУУЛ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж