Олон улсын нисэх онгоцны шинэ буудлын менежментийн гэрээг байгууллаа | News.MN

Олон улсын нисэх онгоцны шинэ буудлын менежментийн гэрээг байгууллаа

Олон улсын нисэх онгоцны шинэ буудлын менежментийн гэрээг байгууллаа

Олон улсын нисэх онгоцны шинэ буудлын менежментийн гэрээг байгууллаа

Улаанбаатар хотын олон улсын шинэ нисэх буудлын менежмент төслийг “хөрөнгө оруулах-ашиглах-шилжүүлэх” нөхцөлөөр Монгол, Японы хамтарсан компанитай концессын гэрээ байгуулахаар болж гарын үсэг зурах ёслолын ажиллагаа өнөөдөр боллоо. Нисэх онгоцны буудлын менежментийг албан ёсоор эхлүүлэх ёслолын ажиллагаанд Ерөнхий сайд У.Хүрэлсүх, Японы зам тээврийн дэд сайд, Зам тээврийн хөгжлийн сайд М.Энх-Амгалан, нийслэлийн Засаг дарга бөгөөд Улаанбаатар хотын Захирагч С.Амарсайхан, Япон Улсаас Монгол Улсад суугаа Онц бөгөөд Бүрэн эрхт Элчин сайд Тахаока Масато нар оролцов.

Концессын гэрээнд Монгол Улсын Засгийн газрыг төлөөлж Үндэсний хөгжлийн газар, Япон, Монголын хамтарсан “Нью интерэйшнл эйрпорт” ХХК-ийн төлөөлөл гарын үсэг зурснаар гэрээ хүчин төгөлдөр хэрэгжиж эхэллээ.

Нийслэлийн Засаг дарга бөгөөд Улаанбаатар хотын захирагч С.Амарсайхан “Олон улсын шинэ нисэх буудал бол нийслэлийн төдийгүй Монгол Улсын хөгжлийг шинэ шатанд гаргасан бүтээн байгуулалт. Аялал жуулчлалын салбараас авхуулаад бусад бүхий л салбарт үнэтэй хувь нэмэр оруулах, түлхүү хөгжүүлэх боломжийг нээсэн түүхэн бүтээн байгуулалт болж байна. Нийслэлээс шинэ нисэхийн чиглэлд шинээр баригдсан хурдны замын арчлалт, засвар үйлчилгээ, аюулгүй байдал,  хяналт зохицуулалт дээр хамгийн түрүүнд анхаарч ажиллана. Мөн нийтийн тээвэр, такси, экспресс автобусны үйлчилгээ зэрэг зорчигч тээврийн асуудлыг хариуцан шийдвэрлэнэ. Түүнчлэн шинэ нисэх буудлын бүтээн байгуулалтыг түшиглэсэн хот байгуулалт, төлөвлөлтийн асуудал бий. Энэ ажлыг эрчимжүүлэн ажиллаж байгаа” хэмээлээ.

Зам тээврийн хөгжлийн сайд Б.Энх-Амгалан “Энэ бол Монгол, Япон хоёр улсын түүхэнд тэмдэглүүштэй үйл явдал болж байна. Нисэх буудлын үйл ажиллагаа 10 сарын дараа жигдэрсэн байх болно. Туршилт, тохируулгын ажлаас эхлээд гадна, дотны сургалт, нисэхийн авиа компаниуд нүүж ирэх гээд энэ бүхэн явагдаж дуусаад бүрэн хүчин чадлаараа ажиллана. Менежментийн үйл ажиллагааг Японы тал хариуцаж ажиллана. Энэ бол Монгол Улсад нисэх буудлуудыг удирдах менежментийн арга барилд суралцана, шинэ ноухау нэвтэрнэ гэсэн үг. Япон чанар, япон технологи нэвтэрнэ гэсэн үг” гэв.

“Шинэ нисэх онгоцны буудлын менежментийн гэрээнд гарын үсэг зурсандаа туйлын их баяртай байна. Япон, Монгол хоёр улсын найрамдалт харилцаа эртнээс уламжлалтай. Өнөөдрийн шинэ нисэх онгоцны буудал нь үүний томоохон илрэл. Агаарын үүд хаалгыг нээснээрээ манай хоёр улсын стратегийн түншлэл улам батжиж, хөгжих болно. Шинэ нисэх онгоцны буудал аюулгүй, саадгүй нислэгийн үйл ажиллагааг явуулах шаардлагатай учраас энд ажиллаж байгаа монгол ажилчдад япон мэргэжилтнүүд төрөл бүрээр сургалт зохион байгуулж, үйл ажиллагааг саадгүй үргэлжлүүлэхэд бүх талаар нь дэмжиж ажиллана” хэмээн Япон Улсаас Монгол Улсад суугаа онц бөгөөд бүрэн эрхт элчин сайд Тахаока Масато ярилаа.

Менежментийн гэрээнд гарын үсэг зурах ёслолын дараа шинэ нисэх буудалд "МИАТ" ХК-ийн "Боинг 737-800" агаарын хөлгөөр туршилтын буулт хийлээ.

Эх сурвалж: www.ulaanbaatar.mn

"Болор дуран"-аар шалгав.
Энэ мэдээнд өгөх таны сэтгэгдэл?
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-05 182.160.35.126

Энэ буудалд гай дагуулж ирэх нь гарцаагүй болчихоод байгаа юм аа. Энэ буудлаар дамжаад АНУ дундад азийн Казахстан зэрэг хэдэн тэнэг стануудыг оосорлх гэж байгаа юм. Окинавад байдаг АНУ – гийн цэргийн баазаас дундад Ази руу цэргийн зэр з****г зөөх юм. Цаанаа ийм учир шалтгаантай учраас Япончууд энэ буудлын менежментийг авах гэж улайраад байгаа юм. АНУ Монголд хүрэх замыг Японоор дамжуулж хийлээ. Япон бол АНУ – гийн " колони орон " юм л даа. Монгол Оросын эсрэг АНУ – гийн тоглоомд орчихлоо

Avatar

Зочин 2019-07-05 182.160.35.126

Монгол Орос, Хятадын эсрэг АНУ – гийн тоглолтонд орчихлоо. Энэ бол Монголд маш аюултай тоглоом юм ш дээ.

Avatar

Зочин 2019-07-05 66.181.176.146

Саяхан Японы гадаад яамны сайд ирж загнуулж байж нээж байгаам ш дээ уншигчид мэдэж аваарай

NewsMN Гар утасны хувилбар Татах
NEWS.mn

Мэдээллийн эх сурвалж