АНУ даяар өчигдөр /2019.07.04/ Тусгаар тогтнолын баяраа тэмдэглэн өнгөрүүллээ. Харин тус баярын үеэр Хувьсгалт коммунист намын төлөөлөгчид Цагаан ордны өмнө төрийн далбаагаа шатааж эсэргүүцлээ илэрхийлжээ.

Дональд Трампын бодлогыг эсэргүүцэгч иргэд  “Америк хэзээ ч агуу гүрэн байгаагүй” хэмээн хашгирч, Цагаан ордны гадна төрийн далбаа шатаасан байна. "Америкийг дахин агуу улс болгоцгооё" бол АНУ-ын Ерөнхийлөгч Дональд Трампын сонгуулийн уриа билээ.

Цагдаагийн албан хаагчид түргэн шуурхай ирж, энэ үйл явдлыг таслан зогсоож, галыг унтраасан байна. Галыг унтраасны дараа зарим эсэргүүцэгчид АНУ-ын Ерөнхийлөгч Дональд Трампыг дэмжигчидтэй мөргөлдөж, АНУ-ын Нууц алба хоёр хүнийг баривчилсан байна.

Эх сурвалж: USATODAY