Иргэдийн зонхилон хэрэглэдэг эмийн үнийг 80 хүртэл хувиар хөнгөллөө | News.MN

Иргэдийн зонхилон хэрэглэдэг эмийн үнийг 80 хүртэл хувиар хөнгөллөө

Иргэдийн зонхилон хэрэглэдэг эмийн үнийг 80 хүртэл хувиар хөнгөллөө

Иргэдийн зонхилон хэрэглэдэг эмийн үнийг 80 хүртэл хувиар хөнгөллөө

Эрүүл мэндийн даатгалын сангаас иргэдийн зонхилон хэрэглэдэг эмийн үнийг 80 хүртэл хувиар хөнгөлсөн талаар өнөөдөр мэдээлэл хийлээ.

Монгол Улсын эмийн бүртгэлд одоогийн байдлаар 5000 гаруй эм бүртгэлтэй байгаагаас 2000 орчим нь зайлшгүй шаардлагатай эм байдаг.

Тиймээс эмийн хангамж, хүртээмжийг сайжруулах зорилгоор манай улсад эрүүл мэндийн тусламж үйлчилгээнд шаардагдах эмийг Дэлхийн эрүүл мэндийн байгууллагын эмийн талаархи үзэл баримтлалд тулгуурлан сонгож, зайлшгүй шаардлагатай эмийн жагсаалтыг батлан гаргаж мөрдөж байна.

Өнгөрсөн 2017 онд зайлшгүй шаардлагатай эмийн 8 дугаар жагсаалт, хүүхдийн зайлшгүй шаардлагатай эмийн 1 дүгээр  жагсаалтыг тус тус баталсан.

2018 онд Эрүүл мэндийн даатгалын үндэсний зөвлөлийн тогтоолоор “Эрүүл мэндийн даатгалын сангаас үнийн хөнгөлөлт үзүүлэх зайлшгүй шаардлагатай эмийн нэр төрөл, үнийн дээд  хязгаар, хөнгөлөх хэмжээ”-г шинэчлэн баталж, энэ оны 1 дүгээр сарын 15-наас  эхлэн мөрдөж эхэлжээ.

Энэхүү тогтоолоор насанд хүрэгчдийн 638 нэрийн эмэнд 20-92%, 0-5 настай хүүхдийн 174 эмэнд дунджаар 50-80% хүртэл, нийт 812 эмэнд хөнгөлөлт үзүүлж байна.

Харин энэ онд даатгуулагчдад олгох эмийн үнийн хөнгөлөлтөд эрүүл мэндийн даатгалын сангаас 33,9 тэрбум төгрөгийг зарцуулахаар төсөвлөсөн бөгөөд улсын хэмжээнд 1026 даатгалын гэрээ бүхий эмийн сангаар дамжуулан эмийн үнийн хөнгөлөлтийн үйлчилгээг үзүүлж байна.

Шинэчилсэн жагсаалтаар зүрх судасны эмгэг, даралт бууруулах, ходоод элэг, цөсний өвчний үед зонхилон хэрэглэх болон тархины цусан хангамж сайжруулах зэрэг өргөн хэрэглээний 62 нэрийн эмийн хөнгөлөлтийн хувь хэмжээг нэмж, 17 нэрийн эмийг шинээр нэмж, эм ханган нийлүүлэх байгууллагуудтай эмийн үнийг бууруулах талаар уулзалт хийснээр 58 нэрийн эмийн үнийн дээд хязгаарыг бууруулжээ.

Ингэснээр даатгуулагчийн хувиасаа төлөх төлбөрийн хэмжээ багасан, учирч болзошгүй санхүүгийн эрсдэлийг бууруулсан гэсэн үг юм.

Эрүүл мэндийн салбарын 8/20 зорилтод “Ахмад настны зонхилон хэрэглэдэг эмийн үнийг 80 хүртэл хувиар хөнгөлөх”-өөр тусгасан. Энэхүү зорилтын хүрээнд нийт 120 нэрийн эмийн хөнгөлөлтийг нэмэгдүүлж, үнийг бууруулаад байна. Ялангуяа ахмад настангуудын хэрэглэдэг зүрх судасны эмийг 34%-81% хувиар, тархины цусан хангамжийг сайжруулах эмийг 60 хүртэлх хувиар тус тус хөнгөлсөн байна.

Иргэн Та Эрүүл мэндийн даатгалын ерөнхий газрын Олон нийттэй харилцах хэлтсийн 70101128 дугаарын утсаар  холбогдож, хөнгөлөлттэй эмээр үйлчилж байгаа эмийн сангийн хаяг байршил, утасны дугаар зэрэг мэдээллийг бүрэн авах боломжтой юм.

Эх сурвалж: ЭРҮҮЛ МЭНДИЙН ЯАМ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-07-05 202.9.43.65

Эмийн бизнес нэг хэсэг хийж узсээн оросоос оруулж ирсэн эмийг 15 нугалж зардаг байж билээ тэнэгхэн монголчууд

Avatar

ахмад настан 2019-07-05 192.82.64.25

Хөнгөлөлтэй эм авах гээд хоцроод байнх юмаа Сайдаа? Сарын 1, 2-гий өдрүүдэд өгөөд л эм дууссан гэх юм. 7-р сард 13-р хороолол, зүүн 4 зам орчмын Монос, Хүрмэн эмийн сангууд сар бүрийн эхний 1, 2-ны өдрүүдэд өгөөд дууссан гээд ву ч болоогүй юм шиг зогсож байх юм. Сарын эхний өглөө 7.00 цаг гээд очиход өндөр настнууд дугаарлаад зогсчихсон байдаг. Сарангэрэл сайд сайхан л яриад байдаг болохоос биш хэлж, ярьсан, санаачилсан ажлын тань үр дүн нэг иймэрхүү л байна даа Сайдаа !!!!!!!!!!!!!!!!!!

Avatar

Зочин 2019-07-05 159.28.222.234

hungulultei em dussan gedeg bichig hudlaa ch gesn sale geed tavisn bichg shig muuhai haragddag shuu

Avatar

зочин 2019-07-05 202.179.31.242

ЭМЯ нь эмийн үнийг өчнөөн хувиар хөнгөллөө л гээд байдаг, яг газар дээрээ эмийн сангууд нь сарын эхний ганц хоёрхон өдөр л хөнгөлттэй үнээр эм өгөөд дахиж огт өгдөггүй явдал яг хэвээрээ л байна. Хичнээн сайхан шийдвэр гаргаад түүнийгээ мөрдүүлэх талаар хянаж шалгаж ажиллахгүй бол огт үр дүн гарахгүй байна шүү дээ. Хаанаасаа хаалгач нь л том байгаа шүү гэдгийг ЭМЯ-ны сайд дарга нар мэддэг болов уу???

NewsMN Гар утасны хувилбар Татах
NEWS.mn

Мэдээллийн эх сурвалж