“SoftBank Robotics” корпорацийн бүтээсэн, дэлхийн хамгийн анхны сэтгэл хөдлөлтэй робот Пепперийг худалдаанд гаргахад ердөө нэг минутын дотор зарагдаж дуусчээ.

Өнгөрсөн бямба гаригт болсон худалдаагаар ердөө 1000 ширхгийг борлуулсан ба  үндсэн үнэ нь 1600 ам.доллар, нэмэлт дата болон даатгалын хураамж нь 200 ам.долларын үнэтэй байжээ.

Энэхүү робот нь хүний дууны өнгө болон нүүрний хувирлыг сэтгэл хөдлөлийг уншиж, түүнд нь тохируулан харьцах чадвартай гэнэ.

Түүний хамгийн гол зорилго нь эзнээ аз жаргалтай байлгах. Тиймээс тэр гэрийн ажилд туслах ч юм уу өөр ямар нэгэн үйлдэл хийхгүй, эзэндээ сэтгэл санааны хувьд найз нь болж байх гэнэ.

25 кг жинтэй, 1,2 метр өндөртэй робот нэг удаа цэнэглээд 12-14 цаг ажиллана. Дараагийн худалдаа долдугаар сард болох аж.

Т.БИЛГҮҮН