Жак Боллет: Монгол гэр хүмүүст маш их таалагддаг | News.MN

Жак Боллет: Монгол гэр хүмүүст маш их таалагддаг

Хуучирсан мэдээ: 2019.07.04-нд нийтлэгдсэн

Жак Боллет: Монгол гэр хүмүүст маш их таалагддаг

Жак Боллет: Монгол гэр хүмүүст маш их таалагддаг

Монгол гэргүйгээр монгол хүнийг төсөөлөхийн аргагүй. Монгол гэр нь нүүдэлчин ардын нутаг сэлгэн нүүдэллэхэд тохиромжтой, ачиж тээвэрлэхэд хөнгөн, барьж, буулгахад авсаархан нэн эртний түүхтэй сууц юм. Сүүлийн жилүүдэд гадны иргэд монгол гэрийг ихээхэн сонирхож, ганц нэгээр нь экспортолж, монгол гэрт амьдарч, олонд сонирхуулах нь элбэг болсон.

Монгол улсад элэгтэй Франц улсын нэгэн иргэн улсдаа монгол гэрийг олноор барьж, жуулчны бааз ажиллуулахаас гадна цөөнгүй хосын хуримын ёслолыг зохион байгуулжээ. Эрхэм уншигч танд Франц улс дахь “Нүүдэлчний сууц” хэмээх жуулчны баазын талаар танилцуулъя.


Франц улсын хойд зүгт байрладаг La Chapelle-Gauthier хэмээх жижиг хотод “Нүүдэлчний сууц” нэртэй жуулчны бааз бий. Францын хуучны загвартай барилгуудыг тойрон 25 монгол гэр барьсан бөгөөд энэ гэрүүдийг Монголоос экспортоор оруулж иржээ.

Энэ газрыг өдгөө 71 настай, Франц улсын иргэн Жак Боллет анх 2008 онд байгуулсан байна. Тэрбээр хамгийн анх 1992 онд Монголын гайхамшигтай үзэсгэлэнтэй газар нутагтай танилцахаар шийдэж, аяллаа эхлүүлж байсан аж. Тухайн үед Монголд аялахад машин, бензин ховор байсан бөгөөд гадаад жуулчдын явах дуртай газрыг мэддэг хүн тун цөөн байсан тухай тэр ярьсан юм.

Тэр цагаас хойш тэрбээр Монголын 21 аймгаар аялж үзээд байгаа ажээ. Жак Боллет Монголд анх ирснээсээ хойш Монголд аялал жуулчлалын компани хүртэл байгуулж, олон жуулчныг Монголоор аялуулсан байна. Харамсалтай нь, Монгол орны аялал жуулчлалын улирал маш богинохон учраас аялал жуулчлалын бизнесээ зогсоож, Францад монгол гэр оруулж ирэх санаа төржээ.

Жак Боллет анх монгол гэрт амьдрах гэж сонирхон оруулж ирсэн ч хадгалах газар хэрэгтэй болжээ. Ингээд тэрбээр хуучин ферм худалдан авч, “Эндээ яагаад монгол гэрээ барьж, жуулчин хүлээн авч болохгүй гэж” гэсэн санаагаа хэрэгжүүлж эхэлсэн байна.

Тэрбээр монгол гэрийг маш сайн мэддэг нэгэн. Өөрөө гадны жуулчид болон франц хүмүүст тайлбарлаж өгнө. Хэрвээ монгол ажилтан нь байхгүй бол хүмүүст зааж өгөөд гэрээ барьчихдаг аж.

“Нүүдэлчний сууц” жуулчны баазад хуримын ёслол, хурал семинар тогтмол зохион байгуулдаг бөгөөд долоо хоногт гурван хуримын захиалга хүлээн авдаг байна. Нэг сард ойролцоогоор 12-15 хуримын захиалга ирдэг ажээ.

Одоогоор 10 гаруй ажилтантайгаас таван нь монгол хүмүүс аж. “Монгол гэр хүмүүст маш их таалагддаг. Ирсэн хүн бүр сэтгэл хангалуун буцдаг. Энэ газрыг байгуулснаар залуу насандаа хийж байсан бүх дурсамжийг минь эргэн сануулдаг. Монголын эртний түүх, ёс заншил, үзэсгэлэнт байгаль гээд бүх зүйлд баярлаж талархсанаа илэрхийлье. Монгол нутаг үнэхээр сайхан орон” хэмээн Жак Боллет ярьсан юм.

Энэ мэдээнд өгөх таны сэтгэгдэл?
24
ЗөвЗөв
2
ХахаХаха
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
1
БурууБуруу
0
ХарамсалтайХарамсалтай
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Paris 2019-07-04 94.2.41.32

Gegeeleg saihan medee baina.Mongoloos exportlono gej anduurchee,importlono gej zasaarai,amjilt.

Avatar

Mongol ger 2019-07-04 94.2.41.32

Goy utga aguulgatai medee oruuljee.Gants shuumj helehed Mongoloos exportlono gehgui importlono geh baih aa.Anhaararai setguulch ee!

Avatar

Зочин 2019-07-04 92.184.104.12

Bi Parid amidardag hun bna. Geree zaraad amidarna gej bodood bgaa yum uu huurhii? Heb toohov dee? 40M hun gants hoyor hun l sonirhoo biz

Avatar

Shurkhuu Shurkhuu 2019-07-04 109.90.239.216

Jack ih ajildag ikh saihan hundee bagahan hugatsaand hamt ajillaj bailaa .Eruul enkhiig husie

Avatar

Зочин 2019-07-04 202.126.89.40

Бидний бахархал бол өвөг дээдсийн минь зохиож бүтээж хэрэглэж ирсэн оньсон бүтэцтэй гэр. Энэ бүтээлийг дэлхмйд сурталчилж, өөрийнхөө бизнес болгосон энэхүү франц хүнд баяр хүргье.

Avatar

Зочин 2019-07-04 66.181.170.73

монголчууд ширээн дээрээ суудаггүй юм өрнөд ордог юм

Avatar

B 2019-07-04 66.181.161.18

Manaihaas busad orond tegej tuilshirdagguim huu mn

Avatar

Хэрэг хуучирдаггүй 2019-07-04 172.58.63.22

х*******н тагнуулын албанд ажилладаг х*******н кондом Тошилийн Баярхүү гэрийнхээ цэвэрлэгчийн 14 настай охиныг хүчиндэж жирэмслүүлээд абортны мөнгө гэж 3 н сая төгрөг өгөөд зугатсан гэнээ. Шанхайд оюутан бахдаа х*******н тагнуулд элссэн Хүү Наранцацралт, монгол охидийн х***а зардаг мөн х*******н тагнуулч охин Наранзул. Хөнгөн бетон компани. Гэр бүлээрээм250 х*******н тусгай албадынихорлон сүйтгэгчдийг монголд оруулж оршин суулгаж хятадын бичиг баримт зөвшөөрлийг үхэн хатан хөөцөлдөж хахуульдаж б

Avatar

нэр 2019-07-04 27.123.214.2

Овсгоотой эр байна

Avatar

Зураач 2019-07-04 90.207.171.50

Гоё гоё!

Avatar

Аса 2019-07-04 202.21.112.37

Монгол цустай гэр минь гэх үү дээ

NewsMN Гар утасны хувилбар Татах
NEWS.mn

Мэдээллийн эх сурвалж