Аполло 11 сансрын хөлөг 1969 оны долдугаар сарын 16-ны өдөр саран дээр амжилттай газардсан түүхэн үйл явдал болсон билээ. Тэгвэл энэ жил саран дээр амжилттай хөл тавьсны 50 жилийн ой тохиож буй. Уг ойд зориулсан арга хэмжээ Кеннедигийн сансрын төвд долдугаар сарын 16-нд тоглолт болох гэнэ. Энэхүү үдшийг Английн алдарт Дюран Дюран хамтлаг зохион байгуулахаар болсон байна. Тус тоглолтын тасалбар 300 доллар бөгөөд зогсоолын үнэ багтсан аж. Хамгийн сонирхолтой нь тус ойн арга хэмжээ Кеннедигийн сансрын төвийн Пуужин хөөргөх цэгт болох бөгөөд үзэгчид өвсөн дээр суун тус үдшийг өнгөрөөх юм. Тус хэсэгт хоолны тэрэг болон шар айраг, вино зэрэг бүтээгдэхүүнүүд худалдаалагдах ажээ.

Б.ЦОЛМОН