“УИД” компани нь түрээсийн гэрээг хэт бага үнээр хийжээ | News.MN

“УИД” компани нь түрээсийн гэрээг хэт бага үнээр хийжээ

“УИД” компани нь түрээсийн гэрээг хэт бага үнээр хийжээ

“УИД” компани нь түрээсийн гэрээг хэт бага үнээр хийжээ

Санхүүгийн зохицуулах хорооноос Хорооны даргын баталсан удирдамжийн дагуу “УИД” компанийн 2016-2018 оны үйл ажиллагаанд өнгөрөгч гуравдугаар сараас эхлэн хоёр сарын хугацаанд хяналт шалгалтыг хийжээ.

Санхүүгийн зохицуулах хороо нь “УИД” компанитай  2017 онд “ УИД” компанийн үйл ажиллагааг сайжруулах, бие даасан байдлыг хангуулах гэрээ”-г байгуулж тус гэрээнд “УИД компанийн барилгыг түрээслэх гэрээний үнийн дүнг тухайн үеийн зах зээлийн ханштай дүйцүүлэх…” гэж заасан. Гэвч “УИД” компани нь “Номин реалтор” ХХК-тай түрээсийн гэрээг зах зээлийн үнээс хэт бага үнээр хийж дээрх гэрээнд заасан үүргээ хэрэгжүүлж ажиллаагүй байна.

Үүний улмаас “УИД” компани нь 2016 онд 3.9 тэрбум, 2017 онд 2.4 тэрбум, 2018 онд 2.6 тэрбум төгрөгийн татварын дараах цэвэр ашигтай ажиллах, нэгж хувьцаанд 2016 онд 106 төгрөг, 2017 онд 65 төгрөг, 2018 онд 71 төгрөгийг ногдол ашиг хэлбэрээр хуваарилах боломжийг тус тус алдсан байна гэж шалгалтын ажлын хэсгээс дүгнэжээ.

Мөн тус компани нь “Номин холдинг” ХХК-тай зээлийн гэрээг гадаад валютаар байгуулж, Төлбөр тооцоог үндэсний мөнгөн тэмдэгтээр гүйцэтгэх тухай хуулийг зөрчсөн тул Санхүүгийн зохицуулах хорооноос Улсын ерөнхий прокурорын газарт хандан зөрчлийн хэрэг нээж, хэрэг бүртгэлтийн ажиллагааг эхлүүлээд байна.

Хяналт шалгалтын ажлын хэсгээс “УИД” компанийн холбогдох хууль тогтоомжийг зөрчсөн бусад үйл ажиллагаанд торгууль оногдуулж, улсын байцаагчийн албан шаардлага хүргүүлж, жижиг хувьцаа эзэмшигчдийн эрх ашгийг хамгаалах чиглэлээр холбогдох хууль тогтоомжид заасны дагуу арга хэмжээнүүдийг хэрэгжүүлж ажиллахаар болсон гэдгийг Санхүүгийн зохицуулах хорооноос мэдээллээ.

А.СҮРЭН

 

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2019-07-03 64.119.16.48

ЛУЙВАРААР НЭГ МӨНГӨТЭЙ БОЛОХООР НААД ХУЛГАЙЧ ЧИНЬ ХЭДЭН ЖИЛДЭЭ ДИЙЛДЭХГҮЙ . ТЭГЭЭД ХҮМҮҮС ГЭНЭТ МЭДМЭГЦЭЭ ХАРИУГАА ҮРТЭС БОЛТОЛ НЬ АВНА. ДАРАА ҮЕ ГЭЖ БАЙХГҮЙ. ХУЛГАЙ ХАР МӨРТЭЙ…

Avatar

Зочин 2019-07-03 66.181.189.126

Монгол ардын зүйр цэцэн үг бий. Ганцаараа идсэн гахай таргалахгүй гэж. Номингийнхон жижиг хувьцаа эзэмшигчидддээ ногдол ашиг өгөхгүй аргаа хайсан заваан үйлдэл. Төр гэж байдаг л бол ийм луйврын мөнгө угаасан ажлыг хатуу цээрлүүлж хэдэн арван тэрбумаар торгож /хувьчлагдсанаас хойшхи хугацааны/нөхөн төлбөрт олгож хувьчлалыг буцаасан ч болно. Дэлхийн улс орнууд луйвартай хатуу тэмцдэг. Ингэж гэмээ нь дараагийнх нь хууль биелүүлдэг болдог. Төмөр нүүр хэрэгтэй шүү

Avatar

Зочин 2019-07-03 66.181.179.219

Номин гэж компани зуучлагчтай бага үнээр гэрээ хийсэн нэрээр халхавчлан бусад хувьцаа эзэмшигч нарын асар их мөнгийг луйвардсан эдийн засгийн гэмт хэрэг үйлдсэн байж магадгүй

Avatar

Зочин 2019-07-03 103.212.119.108

Чадах уу? СЗХ-ны дарга гэж нүүр шигээ адсага ааштай хүүхэн Номинг дийлнэ гэж байхгүй байхоо

Avatar

Зочин 2019-07-03 66.181.179.219

СЗХ-ны дарга Даваасүрэн багш мэргэжилдээ сайн, МУИС ЭЗС-д олон жил багшилсан мундаг хүн шүү

Avatar

Багш нар удирдах арга барил дутмаг 2019-07-03 103.212.119.108

Багшаа л хийгээд яваач дээ. Өмнө нь Хашчулуун гээд бас нэг багш Үндэсний хөгжлийн газрын даргын алба хашсан. Ажлаа хийж чадаагүй л юм даг. Энэ балай адсага шиг ааштай хүүхэн чинь ажилтан, ажилчдаа алаглаж хувааж бутаргаж талцуулаад төрийн албыг хааны алба гээд бодчихсон юм билээ. Залуучуудаа дэмжиж, чадахгүй бол сургаж, сургуульд хамрахын оронд өөрийгөө насаараа дарга явах юм шиг бодоод тэнэгтээд байдаг юм билээ

NewsMN Гар утасны хувилбар Татах
NEWS.mn

Мэдээллийн эх сурвалж